1 Kol 7:25 - Musamu Wamubwete 2013

²⁵ Mu mitariri babo bahele kukweele, me nyahele na ntumunu dza Mfumu, ngo me kitsimi nyisoongo, bunu bwa mbakila Mfumu ngebe, mu kuba muutu wu bayelemini kusikikila.

1 Kol 7:25 ပူးပေါင်းရင်းမြစ်များ

1 Kol 15:10

Mu bweese bwa Nzaambi, me nyiri bu nyiri, na bweese bwaandi ku nyiri me, bwasii ba bwabuunu ko, kasi me nyabvula kusala na bobanso, ngo kari me ko, kasi bweese bwa Nzaambi buri mu me.

1 Kol 4:2

Hango, misiiri mi bari mu kuloombo kuri bakebi, miri ti baba bakwiikama.

1 Kol 7:10

Ngo kasi, kuri bakweele me nyiha lutumu, kari me ko, ngo Mfumu: Mukasi yaa kahambikisa na mulumi waandi ko.

1 Kol 7:12

Me nyileele kuri bakaka, me nkani ka Mfumu ko: mbuti mpaangi mosi wuri na mukasi wa mungooyi wutaamburi kwedzakala na nde, lo yaa kamusuusa ko.

1 Kol 7:28

Ngo mbuti ye kweeriri, lo kari masumu yirikiri ko; na mbuti ntuumba yanswaasa yikweeriri, lo kari masumu kayirika ko; kasi babo bakweele sa bamono mpasi mu muswinyi, ngo me ntiiri kuluwuungula mu mpasi dzidzo.

1 Kol 7:34

na wuri mu kwedunga. Mukyeetu wa mfuubi na ntuumba ya nswaasa basanaa minyoongi mu misamu mya Mfumu, mpisi baba bangisi mu nyutu na mu kiluunsi, ngo kasi wakweele wusanaa minyoongi mu misamu mya nsi, wukwesaka bwa kubweeyile kuri mulumi waandi.

1 Kol 7:40

Ngo mbuti mu kitsimi kya me, lo nde bvuriri kuba mu lwambwe mbuti nde namitini kuba bunu bu kari; me nsimini ti me se nyiri na Mpeeve ya Nzaambi.

1 Kol 7:6

Ma nyileele mamo, mu kuri ti luba na nyukusunu, nkani ka mu kuluha lutumu ko.

2 Kol 11:17

Ma nyiri mu kuleele, me nyahele kuleele mo bunu bu tiriri Mfumu, ngo bunu ti kunsa bulawuku, mu nsiitu yiyo ya kuba na kimweese.

2 Kol 2:17

Mukwongo, beetu turi bunu bakaka bakweyarika maampu ma Nzaambi ko; ngo kasi mu ngwanwa, mu nkuumbu ya Nzaambi na ha busu bwaandi, beetu turi mu kwedzoonsolo mu Kiristo.