1 Kol 7:21 - Musamu Wamubwete 2013

²¹ Ye nkutu waba ha wataamburi mbila? Lo yaa mono mutima mpasi ko; ngo mbuti wiisiri kubaka bunsaalisi, lo bakila bwo ndaandu.

1 Kol 7:21 ပူးပေါင်းရင်းမြစ်များ

Musamu wamubwete watina Luka 12:29

Ngo yaa lwesaka bi ludya na bi lunwa ko, na yaa lweba na minyoongi ko;

Musamu wamubwete watina Luka 21:34

«Seenee madyeele mu beenu-meene, mu kubata ti mitima myeenu mikwiisa kuba malemu, mu ntoono nwiinu yamansaalisi, nkolulu malu, na minyoongi mya kidziingu kimaki, na kuri ti kiluumbu kikyo kihele kulutubukila na sisuu,

1 Kol 12:13

Bukuri beetu-banso batubotoko mu Mpeeve yomosi, mu nyutu yomosi, ti Bayudayo, ti Bahelene, ti bankutu, ti baatu bari na bunsaalisi, na beetu-banso batunwiisa mu Mpeeve yomosi.

1 Kol 7:20

Mpisi muutu kanamitina kuba mu kiteesu ki kaba, ha kataamburi mbila.

1 Kol 7:22

Mukwongo, nkutu yataambula mbila mu Mfumu, muutu wakuuluka wuri wa Mfumu; bwobumosi se, muutu wuri bunsaalisi wataambula mbila, nkutu Kiristo kari.

Mukaanda kuri bari Ngalatya 3:28

Kwa saala Muyudayo ko, Muhelene ko, nkutu ko, muutu wuri na bunsaalisi ko, kwahele bakala, kwahele mukyeetu, bukuri beenu-banso luri mosi mu Kiristo Yesu.

Mukaanda kuri bari Filipo 4:11

Kari mu nzala kubaka ko me nyileele bubwo, ngo bukuri me nyayika kuba mu kiminu, kunsa biteesu byobinso bi nyiri.

Mukaanda kuri bari Filipo 4:6

Yaa luba na boomo mu ntoono ti mosi ko; ngo mu myominso, hemesee ndoombulu dzeenu dziba dzayabakana kuri Nzaambi, mu nsaambulu, mu nyingukulu na mu mvutukulu matoondo.

Mukaanda kuri bari Kolosayi 3:11

Mu didyo, kwasaala Muhelene na Muyudayo ko, wateendu bubakala na wahele kuteende bubakala ko, munzeense, Musikite, nkutu, muutu wuri bunsaalisi ko; ngo Kiristo wuri byobinso na wuri mu bobanso.

Mukaanda kuri Bahebeleho 13:5

Ndyaatulu yeenu, yaa yiba yatwaalusu mu ntiki-mboongo ko, monee kiminu mu bini bi luri na byo. Bukuri nde-meene Nzaambi waleele ti: «Me nyikupatila ko, me nyikuyekele ko.»

1 Pet 5:7

Mubwoongokileenu bitsimi byeenu byobinso bya mpasi, bukuri nde wuri na lusaambu mu beenu.