1 Kol 7:17 - Musamu Wamubwete 2013

¹⁷ Mu myakaka ngo miri, hemese mpisi muutu kaba mu kiteesu kya muha Mfumu, mpisi muutu kadyaatila bunu buri mbila yamuteele Nzaambi. Mamo me nyiri mu kuloombo munsa mabuundu momanso.

1 Kol 7:17 ပူးပေါင်းရင်းမြစ်များ

Musamu wamubwete watina Matayi 19:12

Mukwongo, kuri baatu babutuka bampokoro, kuholosono mu myooyo mya banguri; bakaka bampokoro mu nyirikulu ya baatu; bakimi bari bampokoro, mu ntiilu ya bo-meene, mu ntoono Kimfumu kya mayulu. Wubangisina kubakula, kabakula!»

1 Kol 10:32

Yaa lwebumisa baatu makya ko, ti Bayudayo, ti Bahelene, ti dibuundu dya Nzaambi,

1 Kol 11:16

Ngo mbuti kuri muutu wutii kusa nkalikisi mu mimyo, lo beetu twahele na kifu kikyo, na mabuundu ma Nzaambi se mahele na kifu kikyo.

1 Kol 11:34

Mbuti muutu wuri na nzala, lo kadya ku nzo, mpisi luhele kukutukunaa mu kubwa mu mutsuundu. Mu misiiri ngo miri, me sa nyirika ha nyikwiisa.

1 Kol 14:33

bukuri Nzaambi, kari Nzaambi ya kisaangila ko, ngo ya kiyeengi. Bunu buri mu mabuundu momanso ma bangisi,

1 Kol 16:1

Mu mitariri ntolulu mboongo mu ntoono bangisi, beenu se yirikeenu bunu bu nyatumini me, kuri mabuundu mari ku Ngalatya.

1 Kol 4:17

Hango-nkuumbu, me nyaluheekiri Timoteho, mwaana waami wa mutima na wakwiikama mu Mfumu. Nde sa kalubaambula mwooyo mu manzila maami mu Kiristo [Yesu], bunu bu nkooyikisilaa me kwokunso, mu mpisi dibuundu.

1 Kol 7:18

Muutu wataambula mbila kuri wateendu bubakala, lo yaa kasaka kuba na sutu ko; muutu wataambula mbila kuri wahele kuteende bubakala, lo yaa kasaka bamuteende bubakala ko.

1 Kol 7:24

Bampaangi, mpisi muutu kanamitina kuba ha busu bwa Nzaambi, mu kiteesu ki kaba, ha kataamburi mbila.

1 Kol 7:7

Me mbee ntii kwaandi, ti baatu bobanso baba bunu me; kasi mpisi muutu wuri na kikabu kya nde-meene kya muha Nzaambi, wamosi wuri na kimaki, wakaka wuri na kikyo.

2 Kol 11:28

Nyahele kutaanga kwaandi ti mi siiri, ngo musamu wu mbinikini me mpisi kiluumbu, musoongo wu nyiri na nde mu mabuundu momanso.

2 Kol 8:18

Beetu twaheekiri mpaangi mosi, yikweyende kintwaari na nde, mpaangi yiyo mabuundu momanso mari mu kumusiikaana, mu dyaambu ditariri Musamu Wamubwete.

Mukaanda kuri bari Ngalatya 1:22

Mabuundu ma Kiristo ma ku Yudaya, maba mahele kunyaaba mu kidziri.

1 Tes 2:14

Mukwongo, bampaangi, beenu lweki minsombisiri mya mabuundu ma Nzaambi, mari mu nkoonsi ya Yudaya, masiila kanyi mu Kiristo Yesu, bukuri beenu se lwabamini kuri ba beenu-meene ba luri nsi mosi, mu misamu myomimosi mya bamini mabuundu mamo kuri Bayudayo.

2 Tes 1:4

Hango-nkuumbu, beetu turi na kimweese mu beenu ha kakati dya mabuundu ma Nzaambi, mu ntoono kifiki kyeenu na kanyi dyeenu, kunsa nkwamusunu dzeenu dzodzinso, na manyoongi ma luri mu kwekuunda.