1 Kol 7:10 - Musamu Wamubwete 2013

¹⁰ Ngo kasi, kuri bakweele me nyiha lutumu, kari me ko, ngo Mfumu: Mukasi yaa kahambikisa na mulumi waandi ko.

1 Kol 7:10 ပူးပေါင်းရင်းမြစ်များ

Musamu wamubwete watina Matayi 5:32

Ngo me nyiluleele ti: mpisi wunde wubinga mukasi waandi, mbuti ka kuri wabwa mu mvuutunu yadika ko, lo nde wumusinda mu kuta kimpala; na mbuti muutu kweeriri mukyeetu wu bamwaabinga, lo nde teeri kimpala.»

Musamu wamubwete watina Malako 10:2

Bafarisi bu bakokosolo kuri nde, bamuha kifuuri mu kumutsiitsa: «Buri kuri miswa kuri mulumi, mu kubinga mukasi waandi?»

Musamu wamubwete watina Luka 16:18

«Mpisi bakala dibinga mukasi waandi, na kweeriri mukimi, lo nde teeri kimpala. Na wunde wukweele mukyeetu wuri mulumi mwaamubinga, lo teeri kimpala.»

1 Kol 7:11

Ngo mbuti weki wahambikisa, lo kaba bunubwo kwahele kukweele, bunu pe kabweese kuyukusuna na mulumi, na mulumi yaa kasuusa mukasi ko.

1 Kol 7:12

Me nyileele kuri bakaka, me nkani ka Mfumu ko: mbuti mpaangi mosi wuri na mukasi wa mungooyi wutaamburi kwedzakala na nde, lo yaa kamusuusa ko.

1 Kol 7:15

Ngo mbuti wa mungooyi tii kuhaambuka, lo kahaambuka kwaandi; haho ngo hari lo, mpaangi bunu pe kibusi wahele kuba wakaangama. Nzaambi waluteele mu kuba kunsa kiyeengi.

1 Kol 7:25

Mu mitariri babo bahele kukweele, me nyahele na ntumunu dza Mfumu, ngo me kitsimi nyisoongo, bunu bwa mbakila Mfumu ngebe, mu kuba muutu wu bayelemini kusikikila.

1 Kol 7:40

Ngo mbuti mu kitsimi kya me, lo nde bvuriri kuba mu lwambwe mbuti nde namitini kuba bunu bu kari; me nsimini ti me se nyiri na Mpeeve ya Nzaambi.

1 Kol 7:6

Ma nyileele mamo, mu kuri ti luba na nyukusunu, nkani ka mu kuluha lutumu ko.