1 Kol 6:14 - Musamu Wamubwete 2013

¹⁴ Ngo Nzaambi, wafulukisi Mfumu, sa katufulukisa mu mpinu dzaandi.

1 Kol 6:14 ပူးပေါင်းရင်းမြစ်များ

Biyiriki bya Bantumu 17:31

Bukuri nde wasoolo kiluumbu ki katsuundisa nsi mu nsungumunu, mu muutu wunde wu kari kasoolo, na nde wasoongo kimbaangi kuri bobanso mu kumufulukisa mu bafwa."

Biyiriki bya Bantumu 2:24

Nde Nzaambi kari kafulukisa, mu kumukuula mu myaangala mya lufwa, bukuri bwaketi kuba ko ti, lufwa lumukwaata.

Biyiriki bya Bantumu 2:32

Yesu didyo, Nzaambi wamufulukisa mu bafwa, na beetu bobanso turi bambaangi ba myo.

Mukaanda kuri bari Loma 8:11

Mbuti Mpeeve ya wunde wafulukisi Yesu mu bafwa, yadzakala mu beenu, lo wunde wafulukisi Kiristo mu bafwa, sa kaha bumwooyo kuri manyutu meenu ma mfwiilu, mu Mpeeve yaandi yadzakala mu beenu.

1 Kol 15:23

ngo muutu-muutu ha kibeendu kyaandi, Kiristo ngo watete, tumi bari mu Kiristo, mu ntaangu ya nyisulu yaandi.

2 Kol 13:4

Mukwongo, nde bamukomini ha kuruwa mu ntoono buyonsi, ngo kasi wuri mwooyo mu mpinu dza Nzaambi. Na beetu se turi na buyonsi mu nde, ngo kasi sa twaba mwooyo mu mpinu dza Nzaambi kuri beenu.

2 Kol 4:14

bu tuyaari kuri ti, wunde wafulukisi Mfumu Yesu, sa kafulukisa beetu se kintwaari na Yesu, na sa katusuusa ha kimosi na beenu bebele na nde.

Mukaanda kuri bari Filipo 3:21

Nde mbasi-tsuku wukitula nyutu yeetu ya manyoongi, kuri yiba bunu buri nyutu ya nde ya nkeembu, bunu buri mpinu dzi kari na dzo, mu kusuusa byobinso kunsa lutumu lwaandi.

1 Tes 4:14

Mbuti tusiila kanyi ti Yesu wafwiiri na wafulukiri, lo tusiileenu se kanyi ti Nzaambi sa kafulukisa mu Yesu, babo bafwiiri kuri bari na kanyi mu nde.