1 Kol 5:11 - Musamu Wamubwete 2013

¹¹ Ngo mi nyiri nyalutinini me miri ti, yaa lwebvuutuna na muutu wuleele kuri ti nde mpaangi, kasi kiyala kari, bunu pe ngaa-nsoki-mboongo, bunu pe munsaambiri-biteki, bunu pe ngaa-bitari, bunu pe mukori-malu, bunu pe wukwedzika bya baatu, muutu wa bubwo, lo beenu ti kudya pe kintwaari na nde.

1 Kol 5:11 ပူးပေါင်းရင်းမြစ်များ

Musamu wamubwete watina Matayi 18:17

Mbuti bisiri mu kubaywiila, lo leele dyo kuri dibuundu. Na mbuti bisiri se kuywiila dibuundu, lo hemese kuba kuri ye bunu munzeense, bunu pe mutori-mpaku.»

Musamu wamubwete watina Matayi 23:25

«Kyaari kuri beenu, batini na Bafarisi bangaa-bumpitu-bumpyoongo, bukiri beenu lukwetsyeemese mbasi ya mbasa na lukoombo, kunsa-kati kwaluula mu nyiimunu na kuhele kwa nkebulu nyutu.

Musamu wamubwete watina Luka 18:11

Mufarisi bu kateleme wasaambila kunsa mutima ti: "Ho! Nzaambi, me mvutiri matoondo kuri ye, bukuri me nyahele kuba bunu baatu bakaka bari bangaa-kwiibi, bangaa-bubayi, bangaa-kimpala, bunu pe, buri mutori-mpaku wumawu.

Musamu wamubwete watina Luka 21:34

«Seenee madyeele mu beenu-meene, mu kubata ti mitima myeenu mikwiisa kuba malemu, mu ntoono nwiinu yamansaalisi, nkolulu malu, na minyoongi mya kidziingu kimaki, na kuri ti kiluumbu kikyo kihele kulutubukila na sisuu,

Biyiriki bya Bantumu 1:15

Mu biluumbu bibyo, Petelo wateleme ha kakati dya bampaangi. Mpuumbu baatu yaba ha kibeendu kikyo, yaba kampe nkama na makuumi moolo ma baatu. Nde waleele ti:

Biyiriki bya Bantumu 9:17

Ananya wayende na wakoto mu nzo, na bu kamutetekele myooko, waleele ti: "Sawuli mpaangi yaami, Mfumu heekiri me, Yesu wukumonikinye mu nzila yi bee kwiisa, mpisi heki ye bweese kumono, na se ba waluulusu mu Mpeeve."

Mukaanda kuri bari Loma 13:13

Twedyaatileenu bunu buyelemini mu mwiini-ngeembe: kwahele ndiilu ya mawaamba, nkolulu malu, kimpala, buyala, mayumu na musoki,

Mukaanda kuri bari Loma 16:17

Bampaangi, me nyilusyaamisa mu kusa madyeele, mu baatu bakwesa nkabunu na bakwelubumusa makya, mu nyikusulu dzi luri lwataambula; batekelee mbisa;

1 Kol 10:14

Hango-nkuumbu, banduku baami ba mutima, ya lwekokosolo ku bakwesaambila biteki ko.

1 Kol 11:21

bukuri mu ntaangu ya kudya, muutu-muutu wutekisilaana kudya byandya bya nde-meene, na wamosi bu kari na nzala, wakaka wakolo malu.

1 Kol 5:13

Bari ku mbasi ngo bari, Nzaambi sa kabatsuundisa. Bingeenu muutu wamubi ha kakati dya beenu.

1 Kol 6:10

bangaa-kwiibi, bangaa-nsoki-mboongo, bakori ba malu, bangaa-bitari, na bakwedzika bya baatu, ka bataambula saala dya Kimfumu kya Nzaambi ko.

1 Kol 6:6

Ngo mpaangi mosi lo wusa muyalu na mpaangi yakaka, na mimyo ha busu bwa bangooyi?

1 Kol 6:9

Buri beenu lwahele kuyaaba ti, bangaa-bubayi ka bataambula saala dya Kimfumu kya Nzaambi ko? Yaa luwunukina kweenu ko: biyala, minsaambiri mya biteki, bangaa-kimpala, bari na manzelu ma bukyeetu, babakala kakwesa kimpala na bambaasi bakala,

1 Kol 7:12

Me nyileele kuri bakaka, me nkani ka Mfumu ko: mbuti mpaangi mosi wuri na mukasi wa mungooyi wutaamburi kwedzakala na nde, lo yaa kamusuusa ko.

1 Kol 7:15

Ngo mbuti wa mungooyi tii kuhaambuka, lo kahaambuka kwaandi; haho ngo hari lo, mpaangi bunu pe kibusi wahele kuba wakaangama. Nzaambi waluteele mu kuba kunsa kiyeengi.

1 Kol 8:11

Mukwongo, mu ntoono nyaabulu ya ye, muutu wuri na buyonsi lo dziimbiri, mpaangi yiyo yiri Kiristo wamufwiila.

Mukaanda kuri bari Ngalatya 2:12

Tekesele baatu bafumini kuri Yakobo batubuka, nde wadya ha kimosi na bahele kuba Bayudayo. Ngo baatu babo bamanaa kutubuka, nde wakoso nyutu na weki kweba luteke-luteke, mu kubata bakwesyaamisa nteendulu bubakala.

Mukaanda kuri bari Efeso 5:18

Yaa lwekolo malu ko, mu mo mu kwiisikila nzimbusulu, kasi beenee baluula mu Mpeeve.

Mukaanda kuri bari Efeso 5:5

Mukwongo, yaabeenu dimadi: mpisi kiyala, bunu pe wasumuka, bunu pe ngaa-lukakutu, yiyo nsambukulu-biteki, lo wabubwo wahele na saala mu Kimfumu kya Kiristo bo na Nzaambi.

Mukaanda kuri bari Kolosayi 3:5

Ngo hoteenu kusalila bifu bya nsi: buyala, nsumukunu, mantiilu mamabi, nyiimunu dzadzibi, na ntiki-mboongo yiri nsambukulu-biteki.

2 Tes 3:14

Mbuti kuri muutu wahele kutambikila ma turi mu kuleele beetu mu mukaanda wu, lo kebee dyo mu kuhele kubweese kuba kintwaari na wa bubwo, mpisi kamono nsoni.

2 Tes 3:6

Bampaangi, beetu tululoombiri mu nkuumbu ya Mfumu yeetu Yesu Kiristo, mu kutatuku la na mpisi mpaangi yi kwedyaatila kunsa kisaangila, kwahele kuyelemene na kikulu ki lwataambula kuri beetu.

1 Tim 3:3

yaa kaba yaa-kinwi ko, yaa kaba se ngaa-bikiindu ko, ngo kasi kaba wadzuuna, wahele kweyumusa baatu, na wahele na ntiki-mboongo.

1 Tim 6:5

mayumu mahele kuwa ma baatu ba biwulu, bari madyeele mamabi, na bahele na ngwanwa, bakwetsima ti kinzaambi nzila ya kubakila ndaandu.

2 Yow 1:10

Mbuti muutu wiisiri kuri beenu, na wahele kutwaala nyikusulu dzidzo, lo yaa lumutaambula mu nzo yeenu ko, na yaa lumuha mboto ko.

Nyabusulu ya Yowane 2:14

Kasi me nyiri na munyoongi wantele mu ye: bukuri ye wuri na baatu bakaangama mu nyikusulu dza Balaami, waba yikisa kuri Balaki, bwa kubwiisila baala ba Isaheli, mu kudya toongo, twaha mu bikabu kuri biteki na kwesa buyala.

Nyabusulu ya Yowane 2:20

Ngo di nyiri nyabele ye, di wuri wahemese mukyeetu wuri nkuumbu Yedzabele, wu kweleele ti nde mubikiri, wukweyikisa na wukwedziimbisa bisari byaami, kuri bakwesa buyala, na bakwedya toongo twaha mu kikabu kuri biteki.

Nyabusulu ya Yowane 21:8

Nkani kuri babo bari na boomo, bahele kukwiikama, bangaa-bubi, badzusi, biyala, bangaa-makundu, misaambiri mya biteki, na bobanso bangaa-mpya, saala dya bo ngo dyaanga dya mbaawu ya mile, lulwo ngo lufwa lwadzoolo.»

Nyabusulu ya Yowane 22:15

Bambwa, bangaa-makundu, biyala, badzusi, misaambiri mya biteki, na mpisi wunde wutyaanaa mpya, na wusalilaa mpya, ku mbasi baba.