1 Kol 4:6 - Musamu Wamubwete 2013

⁶ Bampaangi, mu ntoono beenu me mporiri kifwaani mu Apolo na mu me-meene, mpisi heki mu beetu, beenu luyika ntoono yiri ti: «Kupala pe ku mbasi mamo matinu», mpisi heki luhele kusa masiiku mu mosi kuri wakaka.

1 Kol 4:6 ပူးပေါင်းရင်းမြစ်များ

Biyiriki bya Bantumu 18:24

Muyudayo mosi, nkuumbu yaandi Apolo, wabutuka ku Alekanderi muutu wuri na bunzoonsi, wayisa ku Efeso, waba na nyaabulu mu matinu.

Biyiriki bya Bantumu 19:1

Ntaangu yaba Apolo ku Korinto, Pawulo wataba mankoonsi ma ku yulu milaandu, mu kweende ku Efeso. Bu kabwaana bayiki bamosi,

Mukaanda kuri bari Loma 12:3

Mukwongo, me nyileele ti, mu bweese bu bari baha kuri me, kuri mpisi muutu mu beenu, mu kuhele kuba na ndyaatulu ya masiiku, yalutila kiteesu, ngo beenee na ndyaatulu ya madyeele, bunu buri kiteesu kya kanyi, dyaha Nzaambi kuri muutu-muutu.

1 Kol 1:12

Bu ntiiri kuleele ti: ha kakati dya beenu, wamosi wuleele ti: «me nyiri kwaami wa Pawulo»; wakaka ti: «me wa Apolo»; wakimi ti: «me wa Kefa»; wuni ti: «me wa Kiristo».

1 Kol 1:19

Bukuri diri dyatinu ti: «Me sa nsyaamuna nyaabulu ya bangaa-nyaabulu, me sa ndooso madyeele ma bangaa-madyeele.»

1 Kol 1:31

mpisi heki diba bunu bwatinu ti: «mpisi wusa kimweese, lo kasiila kyo mu Mfumu.»

1 Kol 13:4

Ntiilu yiri na nkindusulu-mutima, yayibwete, yahele na musoki, ntiilu yahele na nzala-kubila, yahele na masiiku,

1 Kol 3:19

Mukwongo, madyeele ma nsi yimayi ngo bulawuku ha busu bwa Nzaambi. Bukuri diri dyatinu ti: «Nzaambi wubakaa bangaa-madyeele mu mweete wabo-meene.»

1 Kol 3:21

Hango, yaa kuba muutu wusiila kimweese mu baatu ko, bukuri byobinso bya beenu:

1 Kol 5:2

Ngo beenu, ha kibeendu kya kuba mu ngebe mpisi heki, wukweyirika ma bubwo, kaba wayisulu ha kakati dya beenu, beenu kusa masiiku?

1 Kol 5:6

Kimweese kya beenu kiri kyakibwe ko. Buri beenu lwahele kuyaaba, ti mwaa-ndaambu lufunusu yikootoombolaa mbanda yoyinso?

1 Kol 8:1

Mu musamu wutariri toongo twaha mu kikabu kuri biteki, tuyaari kuri ti beetu-banso turi na nyaabulu, ngo nyaabulu yihaanaa masiiku, kasi ntiilu yihaanaa ntuungulu.

1 Kol 9:23

Me nyikweyirika momanso mamo, mu ntoono Musamu Wamubwete, mpisi heki me mbaka kikuuku.

2 Kol 10:12

Beetu ka tutsiitsa kuba nsiisa, bunu pe kusaka nsobokoso, dzi turi na dzo na baatu bamosi, bakweha ntumunu mu bo-meene ko. Baatu babo bahele kubakula, bukuri bo bakweteese bambaasi mu kiteesulu kya bo-meene, na bakwesaka nsobokoso ha kakati dya bo-meene.

2 Kol 10:15

Beetu twahele kusa kimweese kya mansaalisi mu bisalu bya ŋani, ngo beetu turi na nsiitu ti kanyi dya beenu dihamisaana, lo kisalu kya beetu se sa kyahamisa kubuuka bunu buri kiteesu ki turi twatsima,

2 Kol 10:7

Yirikee kutala bitotolo bunu bu biri. Mbuti muutu wumono dyo ti nde wuri wa Kiristo, lo kayirika kuyaaba ti nde bukari wa Kiristo beetu se turi ba Kiristo.

2 Kol 11:4

Mukwongo, mbuti muutu wiisiri kuri beenu, wuluyaabisiri Yesu dikimi diri beetu twasii yaabisa ko, bunu pe lutaamburi mpeeve yasoboko na yiyo yi lwataamburi, bunu pe Musamu Wamubwe wasoboko na wunde wu lwataamburi, lo beenu mya bubwo ngo miri lukuundaa.

2 Kol 12:19

Kuholosono na kidzika, beenu kutsima ti beetu manyutu turi mu kukalila ha busu bweenu. Ngo ha busu bwa Nzaambi, mu Kiristo, beetu turi mu kudzoonso; na myominso mimyo, banduku ba mutima mu ntoono ya kulutuunga.

2 Kol 12:20

Mukwongo, me nyibata kuri ti, ha nyikwiisa me mpele kulumono mu kiteesu ki ntiiriri me; na beenu se luhele kumono me mu kiteesu ki lutiiriri beenu. Me nyibata ti ha kakati dya beenu, haba mayumu, musoki, mankesi, nkalikisi, makele, kintori, kinwa, na kisaangila.

2 Kol 12:6

Mukwongo, mbuti me ngo mbeeri nyatya kusa kimweese, nkani me nketi kuba kilawuku ko, bukuri ngwanwa me nyileele. Me nyibisa kwaami mu kubata kuri ti, baatu bahele kumono me, mu kiteesu kibvuriri na mimyo mi bamono mu me, bunu pe mi bayuka kuri me.

2 Kol 4:15

Mukwongo, myominso mimyo miri mu ntoono beenu, mpisi heki bweese buhamisaana mu baatu balaka, mvutukulu matoondo se yiba yabuukula mu nkeembu ya Nzaambi.

Mukaanda kuri bari Kolosayi 2:18

Yaa lutala ko ti babo bakwemono kiminu mu kiteesu kya nkulukulu, na mu kwesaambila bambasi, baluwuungula. Bo bakwekengese bitotolo kwa buunu, na bakwesiika mu bitsimi bya kimuutu kyaaku.

1 Tes 1:5

Mukwongo, Musamu beetu Wamubwete wahele kutubuka kuri beenu, munu mu nzoonsulu kitsu, ngo se mu mpinu, mu Mpeeve Yangisi na mu nyukusulu ya musundu, bunu bu luyaari bu twaba beetu ha kakati dya beenu, mu ntoono beenu.

2 Tim 2:10

Hango-nkuumbu, me nyiri mu kwekiindisa mutima mu myominso, mu ntoono basoolu, mpisi heki bo se babaka mvuukulu yiri mu Kiristo Yesu, na nkeembu ya mantaangu momanso.