1 Kol 4:20 - Musamu Wamubwete 2013

²⁰ Bukuri Kimfumu kya Nzaambi kiri mu mya kudzoonso ko, ngo mu mya kuyirika.

1 Kol 4:20 ပူးပေါင်းရင်းမြစ်များ

Mukaanda kuri bari Loma 1:16

Mukwongo, me nyahele na nsoni mu Musamu Wamubwete, bukuri nde ngo mpinu dza Nzaambi, mu mvuukulu ya mpisi wunde wusiila kanyi, ha tete kuri Bayudayo tumi kuri Bahelene.

Mukaanda kuri bari Loma 14:17

Mukwongo, Kimfumu kya Nzaambi kiri mu byandya na mu nwiinu ko, ngo nsungumunu, kiyeengi, na kiminu mu Mpeeve Yangisi.

Mukaanda kuri bari Loma 15:19

mu mpinu dza bidiimbu na dza bimaangu, mu mpinu dza Mpeeve ya Nzaambi. Mu didyo, me kuholosono ku Yerusalemi na ku lumperi natee ku nkoonsi ya Iluriko, nyakukisila kuyaabisa Musamu Wamubwete wa Kiristo.

1 Kol 1:24

kasi kuri bataambula mbila, Bayudayo na Bahelene, Kiristo ngo mpinu na nyaabulu ya Nzaambi.

1 Kol 2:4

Mu maampu na mu nyaabusulu dzaami, mwaba mwahele nzoonsulu dza madyeele dziri lo baatu bataambula, ngo kasi nsoongulu ya mpinu dza Mpeeve,

2 Kol 10:8

Mukwongo, ti bukuri me nyasii mwaa-kimweese mu bumfumu bwa tuha Mfumu, mu kulutuunga nkani ka mu kulutsyaamuna ko, lo me nyiri na nsoni mu mimyo ko.

1 Tes 1:5

Mukwongo, Musamu beetu Wamubwete wahele kutubuka kuri beenu, munu mu nzoonsulu kitsu, ngo se mu mpinu, mu Mpeeve Yangisi na mu nyukusulu ya musundu, bunu bu luyaari bu twaba beetu ha kakati dya beenu, mu ntoono beenu.