1 Kol 4:15 - Musamu Wamubwete 2013

¹⁵ Mukwongo, lu ti hayuku lwiisiri kubaka mafuunda ma bayikisi mu Kiristo, lo luri na bataayi balaka ko, bukuri mu Kiristo Yesu, me nyalubutiri mu nyabusulu Musamu Wamubwete.

1 Kol 4:15 ပူးပေါင်းရင်းမြစ်များ

Mukaanda kuri bari Loma 15:20

Mu didyo, me nyaba na musoongo mu kweyaabisa Musamu Wamubwete, mumwo muri bakiri bahele kutaanguna Kiristo, mpisi heki me mpele kutuunga ha yulu lufulu lwa ŋani.

1 Kol 1:30

Nde wasa kuri ti beenu luba mu Kiristo Yesu, wuri wayeki nyaabulu yeetu yifumuna kuri Nzaambi, nsungumunu, bungisi na nkuululu,

1 Kol 15:1

Bampaangi, me nyilubaambula mwooyo mu Musamu Wamubwete wu nyiri nyaluyaabisa, wu luri lwataambula, wu luri lwasikikila.

1 Kol 3:10

Bunu buri bweese bwa Nzaambi bu kari kampa, me nyatuunga lufulu bunu mutuungi-manzo wamadyeele, ngo muutu mukimi wuri mu kutuunga ha yulu. Ngo mpisi muutu kasa madyeele, mu ntuungulu yi kari mu kutuungula ha yulu.

1 Kol 3:6

Me nyakunini, Apolo wanyaka maampa, ngo Nzaambi wabuukisa.

1 Kol 3:8

Mukuni na munyaki-maampa boboolo muutu mosi, mpisi muutu sa kataambula mufutu waandi, bunu buri kisalu kyaandi.

1 Kol 9:12

Mbuti bakaka bari na miswa mu beenu, buri beetu lo twahele kubvula miswa? Kasi beetu twasii salila miswa mimyo ko, ngo beetu twakuundiri momanso, mpisi tuhele kutelemese bikaku mu Musamu Wamubwete wa Kiristo.

1 Kol 9:14

Bunubwo se, Mfumu kari katuma kuri ti, babo bakweyaabisa Musamu Wamubwete, kidziingu kwebakila mu Musamu Wamubwete.

1 Kol 9:16

Mukwongo, mbuti me nyikweyaabisa Musamu Wamubwete, lo yiri ntoono ya kimweese kuri me ko, bukuri me nyabiinduma mu mamo; ngo kyaari kuri me, mbuti nyahele kuyaabisa Musamu Wamubwete.

1 Kol 9:18

Hango museendu me nki nde? Mu kuha kwa mungengi, Musamu Wamubwete wu nyikweyaabisa, mu kuhele kusalila miswa mi nyiri na myo mu Musamu Wamubwete.

1 Kol 9:23

Me nyikweyirika momanso mamo, mu ntoono Musamu Wamubwete, mpisi heki me mbaka kikuuku.

2 Kol 4:5

Mukwongo, beetu twahele kweyaabisa mi tariri beetu-meene, ngo Yesu Kiristo Mfumu turi mu kweyaabisa; beetu-meene ngo turi bisari bya beenu mu ntoono Yesu.

Mukaanda kuri bari Ngalatya 3:24

Mu didyo, Mangisi maba mukebi weetu natee ha yisiri Kiristo, mpisi heki mu kanyi, tuba twalulukusu.

Mukaanda kuri bari Ngalatya 3:25

Kanyi bu dyayisa, beetu twasaala kunsa lutumu lwa mukebi ko.

Mukaanda kuri bari Ngalatya 4:19

Baala baami, me nyiri mu kubweese kumono misoongo mya mbutulu, natee kuyirima Kiristo munsa beenu.

2 Tim 4:3

Mukwongo, sa kwaba ntaangu yiri, baatu babweese kukuunda kuyuka nyikusulu dzangwanwa ko, ngo bunu buri mantiilu maaku, bo sa basaka kuba na bayikisi balaka babaleele mi batiiri kuyuka.

Mukaanda kuri Tito 1:4

Hemese bweese na kiyeengi, bifumunaa kuri Nzaambi Taata, na kuri Kiristo Yesu Mubvuukisi weetu, biba kuri ye Tito, mwaana waami wangwanwa mu kanyi dya ntwaari.

Film 1:19

Meme Pawulo, ntinini mu kooko kwa me-meene, me sa nyafuta, mu kuhele kuleele kuri ye ti, ye-meene wuri kibiimbu kuri me.

Mukaanda wa Yakobo 1:18

Mu kutya kwaandi, nde watubuta mu maampu ma ngwanwa, mu kuba bunu mintekesele mu biyiriki byaandi.

1 Pet 1:23

bu lwayeki lwabutuka mu mbutukulu yamoono, kari mu mumbutu wubolaa ko, ngo mu wuhelaa kubolo, mu maampu ma mwooyo ma Nzaambi mahelaa kusuka.