1 Kol 4:12 - Musamu Wamubwete 2013

¹² na turi mu kwemono mpasi mu kwesala mu myooko mya beetu-meene. Bakwetutuka, ngo beetu tukwesakumuna; turi bakwaamusu, ngo beetu tukwekuunda;

1 Kol 4:12 ပူးပေါင်းရင်းမြစ်များ

Musamu wamubwete watina Matayi 5:11

Kiminu kuri beenu mbuti baatu balutuka, balukwaamisa, na baleele momanso mamabi [mampya], mu beenu, mu ntoono me.

Musamu wamubwete watina Matayi 5:44

Ngo me nyiluleele ti: Tyeenee bataatu beenu, na saambilee mu babo bakwelunwaanisa,

Musamu wamubwete watina Luka 23:34

[Haho, Yesu waleele ti: «Taata, wubahemesene, bukuri bahele kuyaaba ma bari mu kuyirika.»] Bo bakabula binkuta bya nde mu nteelulu wari.

Musamu wamubwete watina Luka 6:28

Sakumunee babo bakwelubulila mampopi; saambileenu mu ntoono babo bakwelufutukila misamu.

Musamu wamubwete watina Yowane 15:20

Baambukeenu mwooyo mu maampu ma nyaluleeriri: "Kisari wahele kulutila bunene ti na mfumu yaandi." Mbuti bo bakwaamisini me, lo beenu se sa balukwaamisa; mbuti bakebiri maampu ma me, lo sa bakebe se na ma beenu.

Biyiriki bya Bantumu 18:3

na bukuri waba kisalu kimosi na bo, nde wadzakala kuri bo na wasala kintwaari na bo. Bo baba batuungi ba misaampu.

Biyiriki bya Bantumu 20:34

Beenu-meene luyaari ti myooko mimami, myabakisiryee me-meene na banduku baami mu manzala.

Biyiriki bya Bantumu 7:60

Bu katsukuma, wafula musaakulu mu mbeembu yayinene ti: "Mfumu, yaa bataangula sumu dimadi ko." Bu kaleele mamo, Nde wabwa tolo.

Mukaanda kuri bari Loma 12:14

Sakumunee babo bakwelukwaamisa, basakumunee yaa lubabulula mampopi ko.

Mukaanda kuri bari Loma 12:20

Kasi mbuti mutaatu waaku wuri na nzala, lo muha byandya; mbuti wuri na mpwiisu, lo wumuha maampa ma kunwa; bukuri wubaanaa wuyirika ma bubwo, lo makeengele ma mbaawu, wuri mu kukutukisa ha yulu mutu waandi.

Mukaanda kuri bari Loma 8:35

Na wutuhaambila na ntiilu ya Kiristo? Buri manyoongi, kinkuukulu, nkwamusunu, nzala, mpene, nsisi, bunu pe mbeesi yayila?

1 Kol 9:6

Hoti wuni me, beetu na Barnaba, twahele na miswa mu kuhele kusala?

2 Kol 11:8

Me nyakuukusa mabuundu makaka, mu kutaambula mufutu kuri bo mu kusalila beenu.

Mukaanda kuri bari Efeso 4:28

Ngaa-kwiibi ya kabweese kuyiba ko, ngo kamono mpasi mu kusala bunu buyelemini, mu myooko mya nde-meene, mpisi heki kabaka kya kuha kuri wunde wuri na nzala kubaka.

1 Tes 2:9

Mukwongo, baambukeenu mwooyo, bampaangi, mu kisalu kya makwa na mpasi dza beetu: beetu twaluyikisa Musamu Wamubwete wa Nzaambi, mu kwesala butsuku na mwiini, mpisi heki ti mosi mu beenu kahele kutubuungula.

2 Tes 3:8

Beetu twasii kudya byandya bya muutu kwa buunu ko; ngo kunsa kisalu kya makwa na kunsa mpasi, butsuku na mwiini, beetu twasala mpisi heki mu beenu, muutu kahele kutubuungula.

1 Tim 4:10

Mukwongo, mbuti turi mu kwebama na kwenwaana, lo bukuri twasa nsiitu mu Nzaambi yamwooyo, yiri mubvuukisi baatu bobanso, mbiki ti bari na kanyi.

1 Pet 2:23

Nde bamutuka, ngo kasii bvutula kitari ko; wamono mpasi, ngo kasii ŋaŋa ko, kasi wayekiri nyutu kuri mutsuundisi wasuunguma.

1 Pet 3:14

Ngo ti hayuku, beenu lukotiri mu mpasi mu ntoono nsungumunu, lo beenu luri mu lwambwe. Yaa luba na boomo bwa bo ko, na mutima yaa kasa mambaawu ko.

1 Pet 3:9

yaa lwebvutula mamabi mu mamabi ko, bunu pe kitari mu kitari ko. Ngo kasi yendee lwesakumuna, bukuri mu bubwo bari baluteele mbila, mpisi heki lutaambula lusakumunu ngo saala.

1 Pet 4:19

Hango, babo se bamonaa mpasi bunu buri kutya kwa Nzaambi, bayekele miheebulu mya bo kuri Muyiriki wakwiikama, mu nyirikulu mamabwe.

Mukaanda Yuda 1:9

Ngo kasi, Mikaheli mbasi ya yikuutu, ha baba kalakanaa bo na dyabulu, mu kukaangina nyutu Moose, kasii tya kumuteesele mya nsaanunu ko, ngo nde bu kamuleeriri ti: "Mfumu kakuseembe!"