1 Kol 4:10 - Musamu Wamubwete 2013

¹⁰ Beetu turi bilawuku mu ntoono Kiristo, kasi beenu luri bangaa-madyeele mu Kiristo; beetu turi na buyonsi, kasi beenu luri na makwa; beenu luri bakeembusu kasi beetu turi banyaafunu.

1 Kol 4:10 ပူးပေါင်းရင်းမြစ်များ

Musamu wamubwete watina Matayi 24:9

Hanaho, bo sa baluyekele mu nkwamusunu, sa baludzusa na makaanda momanso sa malubele mu ntoono nkuumbu yaami.

Musamu wamubwete watina Matayi 5:11

Kiminu kuri beenu mbuti baatu balutuka, balukwaamisa, na baleele momanso mamabi [mampya], mu beenu, mu ntoono me.

Musamu wamubwete watina Luka 10:16

«Wunde wuluywiila, lo me kaywiiriri; na wunde wulunyaafuna, lo me kanyaafuni; ngo wunde wunyaafuna me, lo waheeke me kanyaafuni.»

Musamu wamubwete watina Luka 18:9

Yesu wata se nkuma yimayi mu ntoono babamosi bakwetsimaana ti, bo basuunguma kwaaku na bakwenyaafuna bambaasi:

Musamu wamubwete watina Luka 6:22

«Kiminu kuri beenu, habaana baatu balubele, balupalisa, balutuka, babele nkuumbu beenu ti yayibi, mu ntoono Mwaana muutu.

Biyiriki bya Bantumu 17:18

Babamosi se baba kooleelaa ti ba-epikure na ba-estoyiko baba yolaa na nde. Bamosi baba leelaa ti: "Ngaa-lusuku wu se ti nki katiiri kuleele?" Bakaka ti: "Bunu ti muyikisi banzaambi banzeense nde kari", bukuri nde waba yaabisaana Musamu wamubwete wa Yesu na mfulukulu ya bafwa.

Biyiriki bya Bantumu 17:32

Bu bayuka mfulukulu ya bafwa, babamosi bamusiila munsiku, bakaka baleele ti: "beetu ngo bari tumi bee tukuywiila mu mamo kiluumbu kikimi."

Biyiriki bya Bantumu 26:24

Pawulo bu kari mu kukalila nyutu mu mamo, Festo mu mbeembu yadzaangama waleele ti: "Ye walawuka, Pawulo! Nyaabulu yi wuri na ye, kukunata ku kulawuka!"

Biyiriki bya Bantumu 9:16

bukuri, me sa nyamusoongo mamo mayelemini kuri nde, mu kumono mpasi mu nkuumbu yaami."

1 Kol 1:21

Mukwongo, bukuri nsi mu nyaabulu ya nde-meene wahele kuyaaba Nzaambi, kunsa nyaabulu ya Nzaambi. Nzaambi wamono dyo dyadibwete mu kubvuukisa, mu bulawuku bwa nyikusulu, baatu basiila kanyi.

1 Kol 1:23

Ngo kasi beetu, turi mu kweyaabisa Kiristo wakomono ha yulu kuruwa, Bayudayo babumina makya mu musamu wunde, na bangooyi bamono ti bulawuku,

1 Kol 1:25

Bukuri bulawuku bwa Nzaambi bubvuriri madyeele ti na baatu, na buyonsi bwa Nzaambi bubvuriri makwa ti na baatu.

1 Kol 10:12

Mu didyo, wunde wutsima ti wateleme, kasa madyeele kahele kubwa.

1 Kol 2:14

Muutu wuri na bitsimi bya kimuutu, lo kataambula mya Mpeeve ya Nzaambi ko; bukuri kuri nde bubwo bulawuku, nde lo katsiitsa kuyaaba ko, bukuri mimyo mu kimpeeve bayelemini kumifyongokono.

1 Kol 2:3

Na ha busu bwa beenu, me nyaba na buyonsi, na boomo, na mantekete.

1 Kol 3:18

Muutu yaa kawunukina nde-meene ko: mbuti ha kakati dya beenu, muutu wutsima ti nde ngaa-madyeele mu ntaangu yimayi, lo kaba kilawuku mpisi heki kaba ngaa-madyeele.

1 Kol 3:2

Me nyalunwiisiri beene, nkani ka byandya bya kuba me nyaluheeri ko, bukuri beenu lwaketi kubibangusina ko. Ti mu lumalu beenu lo lwahele kubibangusina,

1 Kol 4:8

Beenu lweki lwayukuta, beenu lweki bisina, beenu luri mu kubyaala kwahele beetu, ngo mbuti heki ti luri mu kubyaala, lo mu kuri ti beetu se tubyaala kintwaari na beenu.

2 Kol 10:10

bukuri bakweleele ti, mikaanda mimyo miri na musundu na mya makwa, koomosoko nde-meene mu kumumono wahele na makwa, na nzoonsulu dzaandi dzahele kitotolo.

2 Kol 11:19

Mukwongo, beenu luri na madyeele, lukwekuunda mu ntiilu ya beenu-meene, babo bahele na madyeele!

2 Kol 11:29

Na wuri na buyonsi, kuri lo me se nyahele kuba na buyonsi? Na wubwa kuri lo me mutima wahele kusa mambaawu?

2 Kol 13:9

Mukwongo, beetu tumonaa kiminu mpisi ntaangu yiri, beetu turi na buyonsi kasi beenu luri na makwa; mi turi mu kusambikilaa beetu miri ti beenu lubaanguka.

2 Kol 4:12

Mu didyo lufwa luri mu kusala mu beetu, ngo bumwooyo buri mu kusala mu beenu.

2 Kol 6:8

mu nkeembu na mu nsaanunu, mu mvuumfu yayibi na yayibwe, bunu bangaa-mpya koomosoko turi bangaa-ngwanwa,

1 Tes 4:8

Hango-nkuumbu, mpisi wunde wubisa nyikusulu dzimadzi, lo kari muutu kabisiri ko, ngo Nzaambi wuhaanaa Mpeeve yaandi Yangisi kuri beenu.

1 Pet 4:14

Mbuti bakwelutuka mu ntoono nkuumbu ya Kiristo, lo beenu luri mu lwambwe, bukuri Mpeeve ya nkeembu ya Nzaambi yiwuumaa ha yulu beenu.