1 Kol 3:5 - Musamu Wamubwete 2013

⁵ Heki Apolo nki? Pawulo nki? Bisari biri beenu mu byo luri lwataambula kanyi, bunu bwaheeriri Mfumu kuri muutu-muutu.

1 Kol 3:5 ပူးပေါင်းရင်းမြစ်များ

Musamu wamubwete watina Matayi 25:15

Kuri wamosi, nde waha bitalanta bitaanu; kuri wakaka byoolo; kuri wakimi kimosi, muutu-muutu bunu bwaba makwa maandi. Tumi nde wayende ku budyeengi.

Musamu wamubwete watina Luka 1:2

bunu bwa tuyaabisiri babo bari kuholosono kunu mbandukulu baba bambaangi bamono mu miisu, na bayeki bisari bya Maampu.

Musamu wamubwete watina Yowane 3:27

Yowane wabvutula na waleele ti: «Muutu kari ntaambula kitotolo ti kimosi ko, mbuti yulu dyahele kumuha kyo.

Biyiriki bya Bantumu 18:24

Muyudayo mosi, nkuumbu yaandi Apolo, wabutuka ku Alekanderi muutu wuri na bunzoonsi, wayisa ku Efeso, waba na nyaabulu mu matinu.

Biyiriki bya Bantumu 19:1

Ntaangu yaba Apolo ku Korinto, Pawulo wataba mankoonsi ma ku yulu milaandu, mu kweende ku Efeso. Bu kabwaana bayiki bamosi,

Mukaanda kuri bari Loma 15:16

mu kuba mu kisalu kya Kiristo Yesu, mu ntoono makaanda, bu nyayekele nyutu mu ntoono Musamu Wamubwete wa Nzaambi, mpisi makaanda maba kikabu kyataambulu, kyasakumunu kuri Mpeeve Yangisi.

1 Kol 12:28

Mu dibuundu, Nzaambi bakasuusiri, dyatete bantumu, dyamoolo babikiri, dyamatatu bayikisi, tumi bangaa-bimaangu, bari na bikabu bya kutsinikisa babeeru, bya kubakisa baatu, bya kutwaalisa, bya mandiinga ma bitsuumbu-bitsuumbu.

1 Kol 16:12

Nkani mu mitariri mpaangi yeetu Apolo, me nyamusyaamisini kwalaka, mpisi kiisa na bampaangi kuri beenu, ngo nde wahele kutya kwiisa mu lumalu, kabakaa ntaangu tumi mbasi-tsuku kiisa.

1 Kol 3:10

Bunu buri bweese bwa Nzaambi bu kari kampa, me nyatuunga lufulu bunu mutuungi-manzo wamadyeele, ngo muutu mukimi wuri mu kutuunga ha yulu. Ngo mpisi muutu kasa madyeele, mu ntuungulu yi kari mu kutuungula ha yulu.

1 Kol 3:22

Kaba Pawulo, Apolo, Kefa, nsi, bumwooyo, lufwa, bitotolo bya ntaangu yimayi, bunu pe bya ku mankula, byobinso bya beenu;

1 Kol 3:7

Mu didyo, mukuni kari kitotolo ko, na munyaki-maampa se kari kitotolo ko, ngo wuri mufunu Nzaambi wukoobuukisaa.

1 Kol 9:17

Mukwongo, mbuti me nyikwesala mu kutya kwa me-meene, lo me mbakiri mufutu; ngo mbuti kari mu kutya me-meene ko, lo kini kisalu kibari bampa nyikwesala.

2 Kol 11:23

Bisari bya Kiristo bari? Me nzoonsulu bunu kilawuku, mu kuleele ti me mvuriri na bo; mu bisalu bya makwa, me mvuriri na bo; mu maboroko, me mvuriri na bo; mu nkuba kubwilikila, me mvuriri na bo; na me mvuriri kuba mu nsisi dza lufwa mu ntaangu ngo ntaangu.

2 Kol 3:3

Nkati diri dyayabakana ti, beenu ngo mukaanda Kiristo wu turi twatubula beetu, wahele kuba watinu mu ntiinta yapiinda, ngo mu Mpeeve Nzaambi yamwooyo; wahele kuba watinu mu bibari bya malweende, ngo mu mabaya ma mitima mya muswinyi.

2 Kol 3:6

nde watuha makwa mu kuba bisari bya lulelusunu lwamoono, kari mu kisoni ko, ngo Mpeeve, bukuri kisoni kidzusaa, kasi Mpeeve yihaanaa bumwooyo.

2 Kol 4:1

Hango-nkuumbu, bu turi na kisalu kimaki, beetu twahele kuholo-bito, bukuri mu ngebe dza Nzaambi turi twakitaambula.

2 Kol 4:5

Mukwongo, beetu twahele kweyaabisa mi tariri beetu-meene, ngo Yesu Kiristo Mfumu turi mu kweyaabisa; beetu-meene ngo turi bisari bya beenu mu ntoono Yesu.

2 Kol 4:7

Beetu tukwenata busina bumabu, mu bisa bya tubuumbu, mpisi heki mpinu dza kiteesu kyalutila, dziba dza Nzaambi nkani ka dza beetu ko.

2 Kol 5:18

Byobinso byafumuna kuri Nzaambi, nde wabweese kusa nyukusunu ha kakati dya beetu, na nde-meene mu Kiristo, na watuha kisalu kya kubweese kwesuusa nyukusunu.

2 Kol 6:1

Ngo bukuri tukwesala kintwaari na nde, beetu tulusyaamisa mu kuhele kuhololo kwa buunu, bweese bwa Nzaambi buluri lwataambula.

2 Kol 6:4

Ngo kasi mu myominso, beetu tutiiri kumonokono beetu-meene bunu bisari bya Nzaambi, kunsa kifiki kyalaka, mu mpasi, mu manyoongi, mu kinkuukulu,

Mukaanda kuri bari Efeso 3:7

Mu ntoono Musamu Wamubwete, me nyayeki kisari, bunu buri kikabu kya bweese bwa Nzaambi bu baheeri kuri me, bunu buri kisalu kya mpinu dzaandi.

Mukaanda kuri bari Kolosayi 1:23

Ngo luyelemini kunamitina kuba batuunguma, na kuba na keketee mu kanyi, kwahele kusasika mu nsiitu ya Musamu Wamubwete wu luri lwayuka, wu bari bayaabisa kuri biyiriki byobinso ha butoto, na wu nyayeki me Pawulo kisari.

Mukaanda kuri bari Kolosayi 1:25

Mu dyo, me nyayeki kisari, bunu buri bitsimi bya Nzaambi, bikari kaha kuri me, mu ntoono beenu, mu kukukisa maampu ma Nzaambi,

1 Tim 1:12

Me nyibvutula matoondo kuri wunde wampa makwa, Yesu Kiristo, Mfumu yeetu, bukuri nde wamwiini ti me nyayelemene mu kunsuusa mu kisalu.

1 Pet 4:10

Mpisi muutu, bunu buri kikabu kikari kataambula, kasalila kyo mu ndaandu ya bobanso, bunu bakebi bababwete ba mabweese ma Nzaambi, ma bitsuumbu-bitsuumbu.