1 Kol 3:18 - Musamu Wamubwete 2013

¹⁸ Muutu yaa kawunukina nde-meene ko: mbuti ha kakati dya beenu, muutu wutsima ti nde ngaa-madyeele mu ntaangu yimayi, lo kaba kilawuku mpisi heki kaba ngaa-madyeele.

1 Kol 3:18 ပူးပေါင်းရင်းမြစ်များ

Musamu wamubwete watina Matayi 13:22

Wuri bunu butoto buri na manseende, bu bwiiri nsaangi, ngo muutu wuri kayukaa Maampu, ngo minyoongi mya nsi, na mawunu ma busina biswetikisi Maampu, na mo mahele kubuta bimbutu.

Musamu wamubwete watina Matayi 18:4

Hango, mpisi wunde wukuluka nde-meene bunu mwaa-mwaana wu, lo wunde ngo wubvuriri bukuutu mu Kimfumu kya mayulu.

Musamu wamubwete watina Malako 10:15

Mu ngwanwa, me nyiluleele ti: Mpisi wunde wuhele kutaambula Kimfumu kya Nzaambi bunu mwaa-mwaana, lo ka kakoto mu kyo ko.»

Musamu wamubwete watina Luka 18:17

Mu ngwanwa me nyiluleele ti: Mpisi wunde wuhele kutaambula Kimfumu kya Nzaambi, buni mwaa-mwaana wansoombo, lo ka kakoto mu kyo ko.»

Musamu wamubwete watina Luka 21:8

Nde waleele ti: «Seenee madyeele mpisi luhele kuwumuka; bukuri baatu balaka sa biisa mu nkuumbu me, na sa beleele ti: "Me nyiri", na ti: "Ntaangu yikokisiri!" Ngo yaa lubanama ko.

Mukaanda kuri bari Loma 11:25

Bampaangi, me ntii ko ti beenu luba kunsa lubu, mu mitariri mpaanu yimayi, mpisi luhele kumonoko bunu bangaa-madyeele mu beenu-meene, bukuri nkubulu mutima ya ndaambu kaanda dya Isaheli sa yaba, natee makaanda momanso makotiri.

Mukaanda kuri bari Loma 12:16

Beenee na nyukusunu beenu na beenu, yaa luba na masiiku ko, ngo tambukilee ma kuluka. Yaa lumonoko ba bangaa-madyeele mu beenu-meene ko.

1 Kol 15:33

Yaa luwunukina kweenu ko: «Kimbaasi kyakibi kikoobiyisa bifu byabibwete.»

1 Kol 3:17

Mbuti muutu tsyaamini nzo-Nzaambi, lo Nzaambi se sa kamutsyaamuna; bukuri Nzo-Nzaambi yiri yangisi, na beenu yo luri.

1 Kol 4:10

Beetu turi bilawuku mu ntoono Kiristo, kasi beenu luri bangaa-madyeele mu Kiristo; beetu turi na buyonsi, kasi beenu luri na makwa; beenu luri bakeembusu kasi beetu turi banyaafunu.

1 Kol 6:9

Buri beenu lwahele kuyaaba ti, bangaa-bubayi ka bataambula saala dya Kimfumu kya Nzaambi ko? Yaa luwunukina kweenu ko: biyala, minsaambiri mya biteki, bangaa-kimpala, bari na manzelu ma bukyeetu, babakala kakwesa kimpala na bambaasi bakala,

Mukaanda kuri bari Ngalatya 6:3

Mukwongo mbuti muutu wutsima ti wuri mufunu, koomosoko wabuunu, lo nde wuwunukinaana.

Mukaanda kuri bari Ngalatya 6:7

Yaa luwunukina kweenu ko, bakoosiila Nzaambi munsiku ko; bukuri, mamo ma kunaa muutu mani mamo se katolo.

Mukaanda kuri bari Efeso 5:6

Yaa kuba muutu wuluwuna mu misamu myahele mufunu ko, bukuri mu mimyo nkesi dza Nzaambi dzikwiisaana ha yulu baala ba nko.

2 Tim 3:13

Ngo baatu bababi na bangaa-bumpitu-bumpyoongo, sa bahamisa kudyaatila kunsa mabvuriri bubi, mu kwewumuna baatu, bu bari bawumuka bo-meene.

Mukaanda kuri Tito 3:3

Mukwongo, mu ntaangu yayikulu beetuneenu se twaba biwulu, bangaa-nko, badziimbila, twaba mu bunkutu bwa nyiimunu na biminu bya bitsuumbu-bitsuumbu, twaba kwelutisa ntaangu mu mamabi na mu musoki, twaba baatu bari babele na bakwebelesene bo na bo.

Mukaanda wa Yakobo 1:22

Beenee bakwesalila maampu, nkani ka bani bakwemayuka ko, bakwewunukuna bo-meene.

Mukaanda wa Yakobo 1:26

Mbuti muutu wumono kuri ti nde munsaambiri, ngo wahele kubangisina kutwaalisa ludima lwaandi, na wukwewunukuna nde-meene, lo nsambukulu yaandi yiri ya mungengi.

1 Yow 1:8

Mbuti tuleeriri ti twahele na masumu, lo tuwunukunaa beetu-meene, na ngwanwa ka yiri mu beetu ko.