1 Kol 3:10 - Musamu Wamubwete 2013

¹⁰ Bunu buri bweese bwa Nzaambi bu kari kampa, me nyatuunga lufulu bunu mutuungi-manzo wamadyeele, ngo muutu mukimi wuri mu kutuunga ha yulu. Ngo mpisi muutu kasa madyeele, mu ntuungulu yi kari mu kutuungula ha yulu.

1 Kol 3:10 ပူးပေါင်းရင်းမြစ်များ

Musamu wamubwete watina Matayi 24:45

«Nkya kisari kyakwiikama na kyalubuka, kiri mfumu wamuha lutumu ha yulu bisari bya mu nzo yaandi, mu kubaha byandya mu ntaangu yayelemene?

Musamu wamubwete watina Matayi 7:24

«Mpisi muutu wuyuka maampu ma me mamama, na wumasariri, lo sa bamufwanikisa na muutu walubuka, watuunga nzo yaandi ha yulu tari.

Musamu wamubwete watina Luka 11:35

Hango, sa madyeele mpisi buungi buri mu ye buhele kukituka mampimbisi.

Musamu wamubwete watina Luka 21:8

Nde waleele ti: «Seenee madyeele mpisi luhele kuwumuka; bukuri baatu balaka sa biisa mu nkuumbu me, na sa beleele ti: "Me nyiri", na ti: "Ntaangu yikokisiri!" Ngo yaa lubanama ko.

Biyiriki bya Bantumu 18:27

Nde bu kaba katya kweende ku Akaya, bampaangi bamusyaamisa na batinina kuri bantumu mu kuri ti bamutaambula, nde bu katubuka wamonoko mufunu walaka kuri babo basii kanyi mu bweese.

Mukaanda kuri bari Loma 1:5

Mu nde turi twataambula bweese na buntumu, mu kuri ti makaanda momanso matumuma mu kanyi, mu nkuumbu yaandi,

Mukaanda kuri bari Loma 12:3

Mukwongo, me nyileele ti, mu bweese bu bari baha kuri me, kuri mpisi muutu mu beenu, mu kuhele kuba na ndyaatulu ya masiiku, yalutila kiteesu, ngo beenee na ndyaatulu ya madyeele, bunu buri kiteesu kya kanyi, dyaha Nzaambi kuri muutu-muutu.

Mukaanda kuri bari Loma 15:15

Me nyalutinini mu kibakala mwamumosi, mu nzala kulubaambula mwooyo, mu ntoono bweese bwa mpa Nzaambi,

Mukaanda kuri bari Loma 15:20

Mu didyo, me nyaba na musoongo mu kweyaabisa Musamu Wamubwete, mumwo muri bakiri bahele kutaanguna Kiristo, mpisi heki me mpele kutuunga ha yulu lufulu lwa ŋani.

1 Kol 3:11

Mukwongo, kuri muutu wutsiitsa kutunga lufulu lukimi ko, ha teke lufulu lweki haho, ngo Yesu Kiristo.

1 Kol 9:2

Mbuti mu bakaka me nyiri ntumu ko, lo mu beenu ngo bari me nyiri ntumu; bukuri beenu luri kinyemu kya kisalu kyaami kya buntumu mu Mfumu.

2 Kol 10:15

Beetu twahele kusa kimweese kya mansaalisi mu bisalu bya ŋani, ngo beetu turi na nsiitu ti kanyi dya beenu dihamisaana, lo kisalu kya beetu se sa kyahamisa kubuuka bunu buri kiteesu ki turi twatsima,

Mukaanda kuri bari Efeso 2:20

Beenu lwatuunguma ha yulu lufulu lwa bantumu na babikiri, Kiristo Yesu nde-meene ngo tari dya ha kuumbu.

Mukaanda kuri bari Kolosayi 1:29

Mu bubwo se, me nyiri mu kubama, mu kwenwaana bunu buri makwa maandi, mari mu kwesala mu me, mu mpinu.

Mukaanda kuri bari Kolosayi 4:17

Leeleenu kuri Arkipo ti: Sa madyeele mu kisalu ki wuri wataambula mu Mfumu, mpisi sala kyo kwakubwete.

1 Tes 3:2

na kuheeke mpaangi yeetu Timoteho, nde wukwesala kintwaari na Nzaambi mu Musamu Wamubwete wa Kiristo, mu kulukumisa na kulusyaamisa mu kanyi dyeenu,

1 Tim 4:16

Sa madyeele ye-meene, na mu nyikusulu. Namitina kusalila bubwo; bukuri wusalilaana bubwo, lo ye sa wabvuuka ye-meene, na sa wabvuukisa babo bakuywiila.

2 Tim 2:15

Sa makwa ye-meene, mu kumonokono ha busu bwa Nzaambi, bunu muutu wu bamwaatsiitsa, bunu kisari kihele kufwa nsoni, kikweyikisa maampu mangwanwa mu nyikusulu dzasuunguma.

Mukaanda wa Yakobo 3:1

Bampaangi baami, yaa luba balaka mu kweyikisa ko, yabeenu ti mutsuundu wa beetu bayikisi sa kabvulila makwa.

1 Pet 4:11

Mbuti muutu wudzoonso, lo kadzoonso bunu nde wutubula maampu ma Nzaambi; mbuti muutu wusala, lo kasalila mu makwa ma muha Nzaambi, mpisi heki mu momanso, Nzaambi kaba wakeembusu mu Yesu Kiristo, kuri nde kuri nkeembu na mpinu mu bibvu ngo bibvu! Amene.

2 Pet 3:15

Holuleenu nkindusulu-mutima ya Mfumu yeetu, bunu mvuukulu yeenu. Bunubwo se, mpaangi yeetu ya mutima, Pawulo, kari kalutinina, bunu buri madyeele ma bari bamuha.

Nyabusulu ya Yowane 21:14

Kibaka kya bvula, kyaba kyatuunga ha yulu matari kuumi na moolo ma lufulu, na mu matari, mwatina mankuumbu kuumi na moolo, ma bantumu kuumi na boolo, ba Mwaana kimeeme.

Nyabusulu ya Yowane 21:19

Lufulu lwa kibaka kya bvula lwa bweeyese mu matari mantalu; tari dyatete dya lufulu dya yasipi, dyamoolo dya safire, dyamatatu dya kalekedoni, dyamana dya samarangado,