1 Kol 2:7 - Musamu Wamubwete 2013

⁷ ngo kasi, beetu turi mu kweyikisa madyeele ma Nzaambi masweeku kunsa mpaanu, mari Nzaambi watekisiri kutaasila mo mu nkeembu yeetu tekesele mu bibvu.

1 Kol 2:7 ပူးပေါင်းရင်းမြစ်များ

Musamu wamubwete watina Matayi 11:25

Mu ntaangu yiyo, Yesu wabaangula mbeembu waleele ti: «Me nyikudumusa, Taata, Mfumu ya ku yulu na ya ha butoto, bukuri bangaa-madyeele na bangaa-nyaabulu, ye wabasweeke misamu mimyo, ngo wayaabisa myo kuri mwaa-baala bantele.

Musamu wamubwete watina Matayi 13:35

Mpisi heki maleele mubikiri, meende mu mana. Nde waleele ti: «Me sa dzoonsolo mu mankuma; me sa nyaabisa myasweeke kuholosono kunu nyirikulu [nsi].»

Mukaanda kuri bari Loma 11:25

Bampaangi, me ntii ko ti beenu luba kunsa lubu, mu mitariri mpaanu yimayi, mpisi luhele kumonoko bunu bangaa-madyeele mu beenu-meene, bukuri nkubulu mutima ya ndaambu kaanda dya Isaheli sa yaba, natee makaanda momanso makotiri.

Mukaanda kuri bari Loma 8:29

Bukuri babo ba katekisiri kuyaaba, wabataasila mu kuba bafwanikina na mwaana waandi, mpisi nde kaba mwaana watete, ha kakati dya bampaangi balaka.

Mukaanda kuri bari Loma 8:30

Babo ba kataasiri, babo se kari kateele mbila; babo ba kari kateele mbila, babo se kari kalulukisa; babo ba kari kalulukisa, babo se kari kakeembese.

1 Kol 2:1

Bampaangi, ha nyayisiri me kuri beenu, nyasii kwiisa mu kuluyaabisa mpaanu dza Nzaambi, mu lunaaku lwa nzoonsulu bunu pe lwa madyeele ko.

Mukaanda kuri bari Efeso 1:4

Mu nde, Nzaambi watusoolo, tekesele nyirikulu nsi, mu kuba bangisi na bahele na mi babaseembele, ha busu bwaandi kunsa ntiilu.

Mukaanda kuri bari Efeso 3:10

Mu lumalu, mu nzila ya dibuundu, batumi na bamfumu ba kinsongi-yulu bamwaayaaba madyeele ma Nzaambi ma bitsuumbu-bitsuumbu,

2 Tim 1:9

Nde watubvuukisa, na watuteele mbila yangisi, kari mu ntoono biyiriki byeetu ko, ngo kasi bunu buri bitaasi bya nde-meene na bweese bu kari katuha mu Kiristo Yesu, tekesele mantaangu mahela kuwa.

Mukaanda kuri Bahebeleho 1:2

Mu biluumbu bya mpotulu bimabi, nde wadzoonso kuri beetu mu mwaana wu kari kasa mukondiri bitotolo byobinso, mu nde se kari kayirika nsi.

Mukaanda kuri Bahebeleho 11:3

Mu kanyi, beetu tukoobakalaa ti mansi mayirimini mu maampu ma Nzaambi, kuri lo bitotolo byamonokono, byayirimina mu bitotolo byahele kumonokono.

1 Pet 1:11

Bo bafyongokono mu kuyaaba, mu nkya ntaangu bunu pe mu nkya kiteesu, misamu myatekisiri kubayaabisa Mpeeve ya Kiristo miyirima. Misamu mimyo mitariri mpasi dza Kiristo, na munkeembu wukwiisa ha mambisa.

1 Pet 5:1

Me nyisyaamisa bakulu ba babakala bari ha kakati dya beenu. Me se nyiri mukulu-bakala bunu bo, mbaangi mu mpasi dza Kiristo, na nyiri kintwaari mu nkeembu yiba yayabakana.

1 Pet 5:10

Nzaambi ya mabweese momanso, waluteele mbila mu kukoto mu nkeembu yaandi yahele manunu mu Kiristo Yesu, bu lumwiini mpasi mu mwaa-ntaangu, sa kabweese kalutelemese nde-meene, sa kalukumisa, sa kaluha makwa na sa kalusa na keketee.

2 Pet 1:3

Mpinu dza kinzaambi kyaandi, dzatuha byobinso biri mufunu mu kidziingu na kinzaambi, mu nyaabulu ya ngwanwa ya wunde watuteele mbila, mu nkeembu yaandi na mu makwa maandi.

Nyabusulu ya Yowane 13:8

Bobanso badzakala ha butoto, sa basaambila kibulu kikyo; bobanso bari mankuumbu mahele kutina, mu mukaanda wa mwooyo wa Mwaana kimeeme, wubakekiri, kuholosono kunu mbandukulu nsi.