1 Kol 2:6 - Musamu Wamubwete 2013

⁶ Madyeele ma turi mu kweyikisa beetu ha kakati dya baatu babuuka, mari madyeele ma ntaangu yimayi ko, mari se ma bamfumu ba ntaangu yimayi, bari mu kweende kumfukusulu ko;

1 Kol 2:6 ပူးပေါင်းရင်းမြစ်များ

Musamu wamubwete watina Matayi 13:22

Wuri bunu butoto buri na manseende, bu bwiiri nsaangi, ngo muutu wuri kayukaa Maampu, ngo minyoongi mya nsi, na mawunu ma busina biswetikisi Maampu, na mo mahele kubuta bimbutu.

Musamu wamubwete watina Matayi 19:21

Yesu waleele kuri nde ti: «Mbuti ye tiiri kuba wakuka, lo yende, yarika bi wuri na byo, ha kuri bawelu, na ye sa baka busina mu mayulu, na wasa nama me.»

Musamu wamubwete watina Matayi 5:48

Hango beenee bayirima kwakuka, bunu buri Taayi dyeenu diri ku mayulu nde wayirima kwakuka.»

Musamu wamubwete watina Luka 16:8

Mfumu wasiika mukebi wunde wuri na bubayi, bukuri waba walubuka mu kusalila bubwo. Mukwongo, baala ba ntaangu yimayi, babvuriri kulubuka, mu mitariri kiseendu kya bo-meene, ti na baala ba buungi.»

1 Kol 1:28

Bitotolo bya hele mufunu na bya nyaafunu ha nsi, bya hele kuyirima, Nzaambi wabisoolo mu kuri ti katsyaamuna bibyo byayirima,

1 Kol 12:8

Mukwongo, kuri wamosi Mpeeve waha maampu ma madyeele, kuri wakaka maampu ma nyaabulu bu tiiri Mpeeve yiniyo,

1 Kol 14:20

Bampaangi, yaa luba mwaa-baala mu nsimunu ko; mu mitariri mamabi, beenee mwaa-baala, ngo mu nsimunu, beenee bakuutu.

1 Kol 2:1

Bampaangi, ha nyayisiri me kuri beenu, nyasii kwiisa mu kuluyaabisa mpaanu dza Nzaambi, mu lunaaku lwa nzoonsulu bunu pe lwa madyeele ko.

1 Kol 2:13

Ngo mamo ma turi mu kweleele beetu, kari mu bitoolo biyikisa madyeele ma kimuutu ko, ngo mu bitoolo biyikisa Mpeeve. Beetu tukwebaangula mya Mpeeve mu kimpeeve.

1 Kol 2:8

Kuri ti mosi mu bamfumu ba ntaangu yimayi wayaaba mo ko; bukuri, mbuti baba bayaaba, nkani basii komono Mfumu ya nkeembu ha yulu kuruwa ko.

1 Kol 3:1

Me ngo wuri, bampaangi, me nyasii bangusina kuludzoonsolo bunu ti kuri baatu bakimpeeve ko, ngo bunu ti kuri baatu ba muswinyi, bunu ti kuri mwaa-baala bansoombo mu Kiristo.

2 Kol 1:12

Mukwongo, kimweese kyeetu ngo kimbaangi kya nsimunu yeetu, beetu twadyaatiri ha nsi, na ha busu bwa beenu, mu nkulukulu na mu nsyemukunu ya Nzaambi, kari mu madyeele ma kimuutu ko, ngo mu bweese bwa Nzaambi.

2 Kol 13:11

Mu misiiri ngo miri, bampaangi, monee kiminu, sakeenu kuba babaanguka, syamisinee beenu na beenu, beenee kitsimi kimosi, beenee na kiyeengi, na Nzaambi ya ntiilu na ya kiyeengi sa kaba na beenu.

2 Kol 4:3

Ngo mbuti Musamu Wamubwete wa beetu wasweeku, lo mu bakweyende ku nzimbukulu kari kasweeku,

2 Kol 4:4

mu baatu bahele na kanyi, bari nzaambi ya nsi yi wayeki wabiiyisa madyeele ma bo, mpisi bahele kutalila buungi bwa Musamu Wamubwete, wa nkeembu ya Kiristo, nde wuri kifwaani kya Nzaambi.

Mukaanda kuri bari Efeso 2:2

mu mo, beenu lwaba kwedyaatilaana mu ntaangu yayikulu, bunu buri bifu bya nsi yimayi, bunu buri lutumu lwa mfumu mpinu dza kingye-kingye, mpeeve yiyo yiri mu kwesala mu lumalu, ha kakati dya baala ba tungu.

Mukaanda kuri bari Kolosayi 1:28

Nde beetu turi mu kweyaabisa, mu kulubula mpisi muutu, na kuyikisa mpisi muutu, mu madyeele momanso, mpisi muutu kaba nyirimunu yakuka mu Kiristo.

Mukaanda kuri bari Kolosayi 4:12

Epafara, wa beenu-meene wuluheekiri mboto. Nde nkutu Kiristo Yesu, wukwelunwanikina mpisi ntaangu mu nsaambulu, mpisi heki beenu luteleme nangwii, luba bakuka mu kuyirika momanso matiiri Nzaambi.

Mukaanda kuri Bahebeleho 5:14

Ngo byandya byakuba bya baatu babuuka, bo bari mu nsalulu yaaku bayeki bayaaba kusobokoso mamabwe na mamabi.

Mukaanda kuri Bahebeleho 6:1

Hango-nkuumbu, yaa tubeenee munu mu nyikusulu dzatete dza mu Kiristo ko, ngo tusakeenu nyikusulu dza baatu babuuka. Yaa tutuungee lufulu lukimi ko, mu kubweese kuyiinga madyeele, mu kusiisa biyiriki byafwa, na mu kusa kanyi mu Nzaambi;

Mukaanda wa Yakobo 3:15

Madyeele ma bubwo, makoofumunaa ku yulu ko, ngo kasi ma nsi, ma kimuutu na ma mampeeve mamabi.

Mukaanda wa Yakobo 3:2

Mukwongo, beetu-banso turi mu kwebwa kwalaka. Mbuti muutu wahele kubwa mu nzoonsulu, lo wunde muutu wakuka, wubangisina kutwaalisa nyutu yaandi yoyinso.

1 Pet 5:10

Nzaambi ya mabweese momanso, waluteele mbila mu kukoto mu nkeembu yaandi yahele manunu mu Kiristo Yesu, bu lumwiini mpasi mu mwaa-ntaangu, sa kabweese kalutelemese nde-meene, sa kalukumisa, sa kaluha makwa na sa kalusa na keketee.