1 Kol 2:4 - Musamu Wamubwete 2013

⁴ Mu maampu na mu nyaabusulu dzaami, mwaba mwahele nzoonsulu dza madyeele dziri lo baatu bataambula, ngo kasi nsoongulu ya mpinu dza Mpeeve,

1 Kol 2:4 ပူးပေါင်းရင်းမြစ်များ

Biyiriki bya Bantumu 20:27

Mu ngwanwa, me nyahele kulusweekele kitotolo ti kimosi, mu kuluyikisa kutya kwa Nzaambi.

Biyiriki bya Bantumu 26:28

Angiripa waleele kuri Pawulo ti: "Hasiiri, hantele ye tiiri kukitula me mukiristo."

Mukaanda kuri bari Loma 15:13

Hemese Nzaambi ya nsiitu kaluulusa mu kiminu kyokinso, na kiyeengi mu kanyi, mpisi luba lwabuukula mu nsiitu, mu mpinu dza Mpeeve Yangisi!

Mukaanda kuri bari Loma 15:19

mu mpinu dza bidiimbu na dza bimaangu, mu mpinu dza Mpeeve ya Nzaambi. Mu didyo, me kuholosono ku Yerusalemi na ku lumperi natee ku nkoonsi ya Iluriko, nyakukisila kuyaabisa Musamu Wamubwete wa Kiristo.

Mukaanda kuri bari Loma 16:18

bukuri baatu ba bubwo bahele kusalila Mfumu yeetu Kiristo, ngo kasi myooyo mya bo-meene, na mu maampu mamabwe na mu nzoonsulu dzalupyelu, bo bakwewuna baatu bahele kulubuka.

1 Kol 1:17

Mukwongo, Kiristo wahele kuheeke me mu kubotoko, kasi mu kuyaabisa Musamu Wamubwete, ngo kwahele kusalila madyeele ma nzoonsulu, mpisi heki kuruwa dya Kiristo di hele kuba dyabuunu.

1 Kol 2:1

Bampaangi, ha nyayisiri me kuri beenu, nyasii kwiisa mu kuluyaabisa mpaanu dza Nzaambi, mu lunaaku lwa nzoonsulu bunu pe lwa madyeele ko.

1 Kol 2:13

Ngo mamo ma turi mu kweleele beetu, kari mu bitoolo biyikisa madyeele ma kimuutu ko, ngo mu bitoolo biyikisa Mpeeve. Beetu tukwebaangula mya Mpeeve mu kimpeeve.

1 Kol 4:20

Bukuri Kimfumu kya Nzaambi kiri mu mya kudzoonso ko, ngo mu mya kuyirika.

2 Kol 6:6

mu nsyemukunu, mu nyaabulu, mu nkindusulu-mutima, mu mbweeyulu-mutima, mu Mpeeve Yangisi, mu ntiilu yahele bumpitu-bumpyoongo,

Mukaanda kuri bari Ngalatya 1:10

Mukwongo, mu lumalu, me nsalila makwa mu kuyirika ma tiiri baatu hoti ma tiiri Nzaambi? Buri haho mbweeyulu kuri baatu nyisaka? Mbuti mbee nyakiri kwesaka mbweeyulu kuri baatu, lo nketyee kuba nkutu Kiristo ko.

Mukaanda kuri bari Kolosayi 2:4

Me nyiri mu kuleele mamo, mpisi heki muutu kahele kaluwumuna mu nzoonsulu dza lupyelu.

1 Tes 1:5

Mukwongo, Musamu beetu Wamubwete wahele kutubuka kuri beenu, munu mu nzoonsulu kitsu, ngo se mu mpinu, mu Mpeeve Yangisi na mu nyukusulu ya musundu, bunu bu luyaari bu twaba beetu ha kakati dya beenu, mu ntoono beenu.

1 Pet 1:12

Babayaabisa kuri ti, dyaambu di baba kwesalilaana dyaba diri dya bo-meene ko, ngo dya beenu. Na mu lumalu bayikisi ba Musamu Wamubwete bamwaluyaabisa dyo, mu Mpeeve Yangisi yafumuna ku yulu. Bambasi se batiiri kuyaaba dyaambu didyo.

2 Pet 1:16

Mukwongo, kari mu kwenama bimpa byabalu mu madyeele ko, beetu turi twaluyaabisila mpinu na monokunu ya Mfumu yeetu Yesu Kiristo, ngo beetu-meene, twaba bambaangi bamono mu miisu bunene bwaandi.

2 Pet 2:18

Mukwongo, bakwedzoonso misamu myaminene myahele mufunu, bari mu kwekoondo mu nyiimunu dza muswinyi, mu buyala, babo babvuukila ha wuri dya mukuungi dya baatu bawumuka.