1 Kol 2:3 - Musamu Wamubwete 2013

³ Na ha busu bwa beenu, me nyaba na buyonsi, na boomo, na mantekete.

1 Kol 2:3 ပူးပေါင်းရင်းမြစ်များ

Biyiriki bya Bantumu 17:1

Bu bataba Amfipoli na Apolonya, bo batubuka ku Tesalonika kwaba Bayudayo na nzo-nkutukunu.

Biyiriki bya Bantumu 18:1

Ha mambisa haho, Pawulo wasiisa Atena na wayende ku Korinto.

Biyiriki bya Bantumu 18:12

Ngalyono waba kimonikisi kya nsi ya Loma ku Akaya; Bayudayo bayukusina batelemise kitaatu mu Pawulo, na bamunata ku nzo ya miyalu,

Biyiriki bya Bantumu 18:6

Mukwongo, Bayudayo bu baba kwemunyaafuna na kwemutuka, nde wakubula binkuta byaandi na wabaleele ti: "Makila ma beenu mabwa ha yulu mitu myeenu, me nyahele na kibila mu mo; mu lumalu, me ntalisiri kuri bangooyi."

2 Kol 10:1

Me Pawulo, nyilusyaamisa me-meene mu bundeembu, na mu mutima-bubwete wa Kiristo. Bakweleele ti, me nyiri na nsoni habaanaa nyiri ha kakati dya beenu, ngo kasi nyakasuka habaanaa nyiri la na beenu;

2 Kol 10:10

bukuri bakweleele ti, mikaanda mimyo miri na musundu na mya makwa, koomosoko nde-meene mu kumumono wahele na makwa, na nzoonsulu dzaandi dzahele kitotolo.

2 Kol 13:4

Mukwongo, nde bamukomini ha kuruwa mu ntoono buyonsi, ngo kasi wuri mwooyo mu mpinu dza Nzaambi. Na beetu se turi na buyonsi mu nde, ngo kasi sa twaba mwooyo mu mpinu dza Nzaambi kuri beenu.

2 Kol 13:9

Mukwongo, beetu tumonaa kiminu mpisi ntaangu yiri, beetu turi na buyonsi kasi beenu luri na makwa; mi turi mu kusambikilaa beetu miri ti beenu lubaanguka.

2 Kol 4:1

Hango-nkuumbu, bu turi na kisalu kimaki, beetu twahele kuholo-bito, bukuri mu ngebe dza Nzaambi turi twakitaambula.

2 Kol 4:16

Hango-nkuumbu, beetu twahele kuholo-bito. Ngo ti hayuku nyutu yeetu ya ku mbasi yiri mu kwekuuka, lo nyutu ya kunsa-kati yiri mu kwekitukaa yamoono mu kiluumbu ngo kiluumbu.

2 Kol 6:4

Ngo kasi mu myominso, beetu tutiiri kumonokono beetu-meene bunu bisari bya Nzaambi, kunsa kifiki kyalaka, mu mpasi, mu manyoongi, mu kinkuukulu,

2 Kol 7:15

Nde wuri na musoongo walaka mu beenu, mbiki ti ha kabaambuka nde mwooyo mu kutumuma kwa beenu-banso, na bu lwasiiri mu kumutaambula mu kibvumi na mu ntekutulu.

2 Kol 7:5

Mukwongo, beetu tutubukaana ku Makedonya, twasii baka ntaangu ya kuwuumisa manyutu meetu ko, ngo kasi, kwokunso mpasi na mpasi; nwaanunu ku mbasi, boomo kunsa mitima.

Mukaanda kuri bari Efeso 6:5

Bankutu, tumumeenu kuri bamfumu beenu ba muswinyi, mu kibvumi na mu ntekutulu, kunsa nkulukulu mutima, bunu ti kuri Kiristo.