1 Kol 2:14 - Musamu Wamubwete 2013

¹⁴ Muutu wuri na bitsimi bya kimuutu, lo kataambula mya Mpeeve ya Nzaambi ko; bukuri kuri nde bubwo bulawuku, nde lo katsiitsa kuyaaba ko, bukuri mimyo mu kimpeeve bayelemini kumifyongokono.

1 Kol 2:14 ပူးပေါင်းရင်းမြစ်များ

Musamu wamubwete watina Matayi 16:23

Yesu bu kasyeeteke, waleele kuri Petelo ti: «Satana, ba ku mambisa ma me. Ye wubumisa me makya, bukuri ma wutsima ye mari ma Nzaambi ko, ngo ma baatu».

Musamu wamubwete watina Yowane 10:20

Balaka mu bo baba leelaa ti: «Nde wuri na mpeeve yayibi, nde walawuka, buri luri mu kumuywiila?»

Musamu wamubwete watina Yowane 12:37

Nde wayirika bidiimbu byalaka ha busu bwa bo, ngo bahele kumusiila kanyi,

Musamu wamubwete watina Yowane 14:17

Mpeeve ya ngwanwa yiri, nsi lo yahele kubangisina kuyitaambula, bukuri nsi yahele kuyimono, na yahele kuyiyaaba; ngo kasi beenu luyiyaari, bukuri yo yiri ha kakati dya beenu, na sa yanamitina kuba mu beenu.

Musamu wamubwete watina Yowane 14:26

Muboondi, Mpeeve yangisi, yiyo mbasi-tsuku yiheeke Taata, mu nkuumbu meenu, sa kaluyikisa momanso, na sa ka lulubula momanso ma nyiri nyaluleele.»

Musamu wamubwete watina Yowane 15:26

«Mbasi-tsuku, dikwiisa Mukakiri wuri ku Taata, Mpeeve Yangwanwa yifumuna kuri Taata, wunyiluheeke me, nde sa kateele me kimbaangi,

Musamu wamubwete watina Yowane 5:44

Habaana beenu, nkeembu kutaambula yi lukwehelesene beenu na beenu, ngo lwahele kusaka nkeembu yifumunaa kuri Nzaambi yomosi, lo dyaburi beenu lutsiisa kusa kanyi?

Musamu wamubwete watina Yowane 8:43

Bukuri nki beenu lwahele kubakula ma nyiluleele me? Buri beenu luri nzoonsulu me, kubakula pe? Bukuri beenu lwahele kubangisina kuyuka maampu maami.

Biyiriki bya Bantumu 16:14

Ngo mukyeetu mosi, nkuumbu Lidya, waba tuywiilaana, nde waba muyariki mansaanda mamabwe mabeenge, waba ku bvula dya Tyatira, nde waba bvuminaa Nzaambi. Mfumu wa dzibula mutima nde, kuri nde kangamini mu mimyo mya ba dzoonsaana Pawulo.

Biyiriki bya Bantumu 17:18

Babamosi se baba kooleelaa ti ba-epikure na ba-estoyiko baba yolaa na nde. Bamosi baba leelaa ti: "Ngaa-lusuku wu se ti nki katiiri kuleele?" Bakaka ti: "Bunu ti muyikisi banzaambi banzeense nde kari", bukuri nde waba yaabisaana Musamu wamubwete wa Yesu na mfulukulu ya bafwa.

Biyiriki bya Bantumu 17:32

Bu bayuka mfulukulu ya bafwa, babamosi bamusiila munsiku, bakaka baleele ti: "beetu ngo bari tumi bee tukuywiila mu mamo kiluumbu kikimi."

Biyiriki bya Bantumu 18:15

mbuti nkalikisi mu ntoono maampu, mankuumbu na mu mangisi meenu, lo monee beenu-meene; me ntiiri kuba mularimi mimyo ko.

Biyiriki bya Bantumu 25:19

Ngo dzini mwaa-nkalikisi mu mi tariri nsaambukulu yaaku; mi bari bamubelele mitariri muutu mosi, nkuumbu yaandi Yesu, wuri wafwa, ngo kasi Pawulo wuri mu kuleele ti wuri mwooyo.

1 Kol 1:18

Mukwongo, maampu ma kuruwa bubwo bulawuku, kuri baatu bari mu kudziimbila; kasi mu beetu turi babvuukusu lo dzidzo mpinu dza Nzaambi.

1 Kol 1:21

Mukwongo, bukuri nsi mu nyaabulu ya nde-meene wahele kuyaaba Nzaambi, kunsa nyaabulu ya Nzaambi. Nzaambi wamono dyo dyadibwete mu kubvuukisa, mu bulawuku bwa nyikusulu, baatu basiila kanyi.

1 Kol 1:23

Ngo kasi beetu, turi mu kweyaabisa Kiristo wakomono ha yulu kuruwa, Bayudayo babumina makya mu musamu wunde, na bangooyi bamono ti bulawuku,

1 Kol 1:25

Bukuri bulawuku bwa Nzaambi bubvuriri madyeele ti na baatu, na buyonsi bwa Nzaambi bubvuriri makwa ti na baatu.

1 Kol 15:44

bayidziikaa ya muswinyi, ngo yifulukaana ya kimpeeve. Mbuti nyutu ya muswinyi yiri, lo nyutu ya kimpeeve se yiri.

1 Kol 15:46

Ngo kari wa kimpeeve watekesele ko, ngo kasi wa muswinyi; tumi wa kimpeeve keki kwiisa.

1 Kol 2:12

Ngo beetu twahele kutaambula mpeeve ya nsi; kasi Mpeeve yafumuna kuri Nzaambi, mpisi heki tuyaaba bikabu bya bweese bwa Nzaambi.

1 Kol 3:1

Me ngo wuri, bampaangi, me nyasii bangusina kuludzoonsolo bunu ti kuri baatu bakimpeeve ko, ngo bunu ti kuri baatu ba muswinyi, bunu ti kuri mwaa-baala bansoombo mu Kiristo.

Mukaanda wa Yakobo 3:15

Madyeele ma bubwo, makoofumunaa ku yulu ko, ngo kasi ma nsi, ma kimuutu na ma mampeeve mamabi.

1 Yow 2:20

Beenu lwataambula nkilulu kuri Wangisi, na beenu bobanso luyaari.

1 Yow 2:27

Ngo beenu, nkilulu yi luri lwataambula kuri nde yasa kikuundi mu beenu, na lwahele na nzala kuri ti muutu kaluyikisa; kasi nkilulu yaandi yiri mu kuluyikisa mu momanso, na yiri yangwanwa, ka yiri yampya ko, bunu bu yiri mu kuluyikisa, seenee kikuundi mu nde.

1 Yow 5:20

Ngo kasi tuyaari ti, Mwaana Nzaambi wayisa, na watuha madyeele mu kuyaaba Wangwanwa; na turi kunsa Wangwanwa, mu Mwaana waandi, Yesu Kiristo. Nde wuri Nzaambi yangwanwa, na kidziingu kya mantaangu momanso.

Mukaanda Yuda 1:19

Babo ngo bakwekotoso nkabunu, bakwedyaatila bunu bibulu, na bahele na Mpeeve.