1 Kol 2:12 - Musamu Wamubwete 2013

¹² Ngo beetu twahele kutaambula mpeeve ya nsi; kasi Mpeeve yafumuna kuri Nzaambi, mpisi heki tuyaaba bikabu bya bweese bwa Nzaambi.

1 Kol 2:12 ပူးပေါင်းရင်းမြစ်များ

Mukaanda kuri bari Loma 8:1

Ngo mu lumalu, kwasaala mbwiilu mu mutsuundu ko, kuri babo bari mu Kiristo Yesu.

Mukaanda kuri bari Loma 8:32

Nde wuri kasii wuungula Mwaana wa nde-meene ko, kasi wamuyekiri mu ntoono beetu-banso, lo dyaburi kahele kutuha byobinso kintwaari na nde?

1 Kol 1:27

Kasi, Nzaambi wasoolo bitotolo bya bulawuku ha nsi, mu kudzusa bangaa-madyeele nsoni; Nzaambi wasoolo bya buyonsi ha nsi, mu kudzusa bangaa-makwa nsoni;

1 Kol 2:6

Madyeele ma turi mu kweyikisa beetu ha kakati dya baatu babuuka, mari madyeele ma ntaangu yimayi ko, mari se ma bamfumu ba ntaangu yimayi, bari mu kweende kumfukusulu ko;

1 Kol 3:22

Kaba Pawulo, Apolo, Kefa, nsi, bumwooyo, lufwa, bitotolo bya ntaangu yimayi, bunu pe bya ku mankula, byobinso bya beenu;

2 Kol 4:4

mu baatu bahele na kanyi, bari nzaambi ya nsi yi wayeki wabiiyisa madyeele ma bo, mpisi bahele kutalila buungi bwa Musamu Wamubwete, wa nkeembu ya Kiristo, nde wuri kifwaani kya Nzaambi.

Mukaanda kuri bari Efeso 2:2

mu mo, beenu lwaba kwedyaatilaana mu ntaangu yayikulu, bunu buri bifu bya nsi yimayi, bunu buri lutumu lwa mfumu mpinu dza kingye-kingye, mpeeve yiyo yiri mu kwesala mu lumalu, ha kakati dya baala ba tungu.

Mukaanda wa Yakobo 4:5

Buri beenu lutsimini ti, kwa mungengi Matinu mari mu kuleele ti: "Nzaambi tiiri mu bukwa mpeeve yi kari kasuusa mu beetu"?

1 Yow 2:20

Beenu lwataambula nkilulu kuri Wangisi, na beenu bobanso luyaari.

1 Yow 2:27

Ngo beenu, nkilulu yi luri lwataambula kuri nde yasa kikuundi mu beenu, na lwahele na nzala kuri ti muutu kaluyikisa; kasi nkilulu yaandi yiri mu kuluyikisa mu momanso, na yiri yangwanwa, ka yiri yampya ko, bunu bu yiri mu kuluyikisa, seenee kikuundi mu nde.

Nyabusulu ya Yowane 12:9

Batuba ha butoto Maŋataŋo mamanene, nyoko yayikulu, yi bateele ti dyabulu na Satana, wunde wudziimbisa nsi yansiina, bamutuba ha butoto, bambasi baandi se babatuba kintwaari na nde.

Nyabusulu ya Yowane 22:6

Mbasi yaleele kuri me ti: «Maampu mamama makuka mu kanyi na mangwanwa. Na Mfumu, Nzaambi ya mampeeve ma babikiri, waheeke mbasi yaandi mu kusoongo kuri bisari byaandi, mamo mari bele mu kwiisa.»