1 Kol 16:22 - Musamu Wamubwete 2013

²² Mbuti kuri wuri katii Mfumu ko, lo kabwilikila mpopi! Marana ta!

1 Kol 16:22 ပူးပေါင်းရင်းမြစ်များ

Musamu wamubwete watina Matayi 10:37

Mpisi wunde wubvula kutya taayi, bunu pe nguri yaandi ti na me, lo wahele kuyelemene kuba wa me. Mpisi wubvula kutya mwaana waandi wa mubakala bunu pe wa mukyeetu ti na me, lo wahele kuyelemene kuba wa me.

Musamu wamubwete watina Yowane 14:15

«Mbuti beenu lutiiri me, lo sa lwakebe ntumu dzaami;

Musamu wamubwete watina Yowane 14:21

«Wunde wuri na ntumu dzaami, na wukebaa dzo, lo wunde tiiri me. Wunde wutya me, Taayi dyaami sa kamutya. Na me sa nyamutya na sa nyamonokono kuri nde.»

Musamu wamubwete watina Yowane 14:23

Yesu wabvutula, waleele kuri nde ti: «Mbuti muutu tiiri me, lo sa kakebe Maampu maami; na Taayi dyaami sa kamutya, na kuri nde sa tweende, na beetu sa twadzakala kuri nde.

Musamu wamubwete watina Yowane 15:24

Mbuti me mbee nyahele kusa biyiriki ha kakati dya bo, biri muutu ti mosi kayirikiri ko, baketyee kuba na masumu ko; ngo mu lu, bo bamwiini na banyaafuni me na Taayi dyaami.

Musamu wamubwete watina Yowane 16:14

Nde sa kakeembese me, bukuri sa kaholo mya me, na sa kaluyaabisa myo.

Musamu wamubwete watina Yowane 8:42

Yesu waleele kuri bo ti: «Mbuti Nzaambi beeri Taayi dya beenu, nkani beenu luketyee kutya me, bukuri me nyapalila mu Nzaambi, na kuri nde me mfumini, me nyahele kwiisikila mu me-meene, ngo nde wampeeke.

Biyiriki bya Bantumu 23:14

Bo bakokosolo kuri bangaanga-nzaambi na kuri bakulu ba babakala baleele kuri bo ti: «Beetu tumwaalaba-maalu beetu-meene ti, beetu mu kusa kitotolo mu munwa, natee beetu twakiri kudzusa Pawulo.

Mukaanda kuri bari Loma 9:3

Me nyitiisila mu me-meene, kuba kunsa mpopi, na kuba la na Kiristo, mu ntoono bampaangi baami, bampaangi baami ba mu kaanda dya muswinyi,

1 Kol 12:3

Hango-nkuumbu, me ntii kuluyaabisa ti, kuri muutu ko mu Mpeeve ya Nzaambi wuleele ti: «Yesu kabwilikila mpopi!», na kuri muutu ko wutsiitsa kuleele ti: «Yesu Mfumu!», mbuti Mpeeve Yangisi yahele kumutwaalisa.

Mukaanda kuri bari Ngalatya 5:6

Bukuri, mu Yesu Kiristo, kuteende bubakala bunu pe kuhele kuteende bubakala ka biri mufunu ko, ngo biri mufunu, kanyi disoongaana biyiriki mu ntiilu.

Mukaanda kuri bari Efeso 6:24

Bweese buba kuri bobanso, batyaanaa Mfumu yeetu Yesu Kiristo, mu ntiilu yiri yabiiyaa ko.

Mukaanda kuri bari Filipo 4:5

Hemesee bundeembu bweenu buba bwayabakana kuri baatu bobanso. Mfumu weki bebele.

Mukaanda kuri Bahebeleho 6:10

Mukwongo, Nzaambi wahele na bubayi, mu kudzimbikina kisalu kyeenu, na ntiilu yi luri lwasoongo mu nkuumbu yaandi, bu lwasariri bangisi, na bu luri mu kunamitina kubasalila.

1 Pet 1:8

Beenu lutiiri wunde wuri lwasii kumumono ko, na mu lumalu kwahele kumumono lwasa kanyi mu nde. Beenu luri mu kutirimuka mu kiminu kyahele bwa kuleelele, kya nkeembu,

1 Pet 2:7

Hango, lukiinsu luba kuri beenu lwasa kanyi; ngo kasi kuri babo bahele kusa kanyi, «Tari dyaloosiri batuungi, dyeki dyanguri ha kuumbu.»

1 Yow 4:19

Beetu tutyaanaa, bukuri nde watete watutiiri.

1 Yow 5:1

Mpisi wunde wusa kanyi ti Yesu ngo Kiristo, lo nde wabutuka kuri Nzaambi, na mpisi wunde wutiiri mubuti, lo katya se wabutuka kuri nde.

Nyabusulu ya Yowane 22:20

Wunde wuri mu kuta kimbaangi mu mimyo, wuleele ti: «Heehe, mwaa-ntaangu yantele yisiiri, me nyiisiri!» Amene! Mfumu Yesu, wasa!