1 Kol 16:10 - Musamu Wamubwete 2013

¹⁰ Mbuti Timoteho wiisiri kuri beenu, lo talee, yaa kaba na boomo ko kuri beenu; bukuri nde wuri mu kwesala kisalu kya Mfumu bunu me.

1 Kol 16:10 ပူးပေါင်းရင်းမြစ်များ

Biyiriki bya Bantumu 16:1

Ha mambisa haho, Pawulo watubuka ku Derbe, tumi ku Listara. Kukwo kwaba muyiki mosi, nkuumbu Timoteho, mwaana mukyeetu wa Muyudayo wuri na kanyi, ngo kasi taayi waba Muhelene.

Biyiriki bya Bantumu 19:22

Nde waheeke ku Makedonya boolo mu bisari byaandi, Timoteho na Erasto, mu ntaangu yi kabakiingila ku Asya.

Mukaanda kuri bari Loma 16:21

Timoteho, mbaasi yaami ya kisalu, wuluheekiri mboto; Lukyo, Yasoni na Sosipatoro bari kaanda dyaami se, baluheekiri mboto.

1 Kol 15:58

Hango, bampaangi baami ba mutima, beeneenu na keketee, na ngwii, salee kisalu kya Mfumu, mu kiteesu kyalutila mu mantaangu momanso, bu luyaari kuri ti kisalu kyeenu mu Mfumu, ka kiri kyabuunu ko.

1 Kol 16:11

Muutu yaa kamunyaafuna ko, ngo mubakisee mu kunamitina budyeengi bwaandi mu kiyeengi, mpisi nde kiisa kuri me, bukuri me nyiri mu kumukiinga, me na bampaangi.

1 Kol 4:17

Hango-nkuumbu, me nyaluheekiri Timoteho, mwaana waami wa mutima na wakwiikama mu Mfumu. Nde sa kalubaambula mwooyo mu manzila maami mu Kiristo [Yesu], bunu bu nkooyikisilaa me kwokunso, mu mpisi dibuundu.

2 Kol 1:1

Pawulo, ntumu Kiristo Yesu mu kutya kwa Nzaambi, na Timoteho mpaangi, kuri dibuundu dya Nzaambi diri ku Korinto, na kuri bangisi bobanso bari mu Akaya dyodinso.

2 Kol 6:1

Ngo bukuri tukwesala kintwaari na nde, beetu tulusyaamisa mu kuhele kuhololo kwa buunu, bweese bwa Nzaambi buluri lwataambula.

1 Tes 3:2

na kuheeke mpaangi yeetu Timoteho, nde wukwesala kintwaari na Nzaambi mu Musamu Wamubwete wa Kiristo, mu kulukumisa na kulusyaamisa mu kanyi dyeenu,

1 Tes 4:12

Mpisi heki luba na ndyaatulu yayelemene ha busu bwa baatu bari ku mbasi, na muutu kahele kulubuungula.