1 Kol 15:45 - Musamu Wamubwete 2013

⁴⁵ Hango-nkuumbu, diri dyatinu: «Muutu watete, Adami, waba muutu wamwooyo»; ngo Adami dyansukulu, mpeeve yihaanaa bumwooyo.

1 Kol 15:45 ပူးပေါင်းရင်းမြစ်များ

Musamu wamubwete watina Yowane 1:4

Mu mo mwaba kidziingu, na kidziingu kyaba buungi bwa baatu;

Musamu wamubwete watina Yowane 10:10

Ngaa-kwiibi nde kwiisa mu kunu kuri ti, kayiba, kakeke na kadzusa. Ngo me nyayisa mu kuri ti, bimeeme biba na kidziingu kya buukula.

Musamu wamubwete watina Yowane 10:28

Me nyiha kidziingu kyahele manunu kuri byo, byo biri mfwiilu ko kwakinkulu, na kuri muutu wubipfula mu myooko mya me ko.

Musamu wamubwete watina Yowane 14:19

Mwaa-ntaangu yantele yisiiri, na nsi ka yibweese kumono me se; ngo kasi beenu sa lwamono me, bukuri me nyiri mwooyo, na beenu se sa lwaba mwooyo.

Musamu wamubwete watina Yowane 14:6

Yesu waleele kuri nde ti: «Me ngo nzila, ngwanwa na bumwooyo; kuri muutu wukweende kuri Taata, mbuti ka mu me ko.

Musamu wamubwete watina Yowane 4:10

Yesu wabvutula, wamuleele ti: «Mbuti ye beeyaari kikabu kya Nzaambi, na wunde wuri mu kukuleele ti: Ha me maampa ma kunwa, nkani ye ketyee kumuloombo maampa, na nde ketyee kuha ye maampa ma mwooyo.»

Musamu wamubwete watina Yowane 4:14

ngo kasi wunde wunwa maampa ma nyimuha me, lo kabweese kubaka mpwiisu Maampa ko mu mantaangu momanso; ngo maampa ma nyimuha me, sa makituka mu nde kitekulu kipala maampa ma kidziingu kyahele manunu.»

Musamu wamubwete watina Yowane 5:21

Bunu bukoofulukisaa Taayi bafwa na kubasa bamwooyo, bunubwo se Mwaana wusaana wamwooyo wunde wu katiiri.

Musamu wamubwete watina Yowane 6:33

Bukuri mpa ya Nzaambi, ngo yisundukaa ku yulu na yihaanaa bumwooyo kuri nsi.»

Musamu wamubwete watina Yowane 6:54

Wunde wudya muswinyi waami, na wunwa makila maami, wuri na kidziingu kyahele manunu; na me sa nyamufulukisa mu kiluumbu kya manunu.

Musamu wamubwete watina Yowane 6:57

Bunu buri Taata wampeeke wuri mwooyo, na me nyiri mwooyo mu nde; bunu bubwo se wunde wudya me, sa kaba mwooyo mu me.

Musamu wamubwete watina Yowane 6:63

Mpeeve yikooha bumwooyo, muswinyi wahele mufunu. Maampu ma nyiluleeriri me ngo Mpeeve na kidziingu.

Musamu wamubwete watina Yowane 6:68

Simoni Petelo wabvutula ti: «Mfumu, kuri na beetu tukweende? Ye wuri na maampu ma kidziingu kya bibvu ngo bibvu,

Biyiriki bya Bantumu 3:15

Beenu lwadzusiri mfumu bumwooyo, ngo Nzaambi wamufulukisi mu bafwa, beetu turi bambaangi ba nde.

Mukaanda kuri bari Loma 5:17

Ngo mbuti mu lumvuki lwa muutu mosi, lufwa lwatuma lwolukaka, lo dibvuriri mufunu diri ti, mu Yesu Kiristo kitsu, baatu bataambula kwa mansaalisi bweese na kikabu kya nsungumunu, sa batuma mu bumwooyo.

Mukaanda kuri bari Loma 5:21

mpisi heki, bunu bwaba masumu kuri mari na lutumu mu lufwa, bunubwo se bweese buri na lutumu mu nsungumunu, mu kuha kidziingu kyahele manunu, mu Yesu Kiristo, Mfumu yeetu.

Mukaanda kuri bari Loma 8:2

Bukuri, ngisi ya Mpeeve, ya bumwooyo mu Kiristo Yesu, yayeki yakuula me mu ngisi ya masumu na ya lufwa.

1 Kol 15:46

Ngo kari wa kimpeeve watekesele ko, ngo kasi wa muswinyi; tumi wa kimpeeve keki kwiisa.

Mukaanda kuri bari Filipo 3:21

Nde mbasi-tsuku wukitula nyutu yeetu ya manyoongi, kuri yiba bunu buri nyutu ya nde ya nkeembu, bunu buri mpinu dzi kari na dzo, mu kusuusa byobinso kunsa lutumu lwaandi.

Mukaanda kuri bari Kolosayi 3:4

Mu ntaangu mbasi-tsuku yi monokono Kiristo, nde wuri kidziingu kyeenu, beenu se kintwaari na nde sa lwamonokono mu nkeembu.

Mukaanda kuri Bahebeleho 9:14

lo makila ma Kiristo, waheeri nyutu yaandi yahele na kipfuumi, mu Mpeeve ya mantaangu momanso kuri Nzaambi, mabvuriri kutsyeemese nsimunu yeetu mu biyiriki byafwa, mu kusalila Nzaambi yamwooyo.

Nyabusulu ya Yowane 16:3

Yaboolo yatsaamuna mbasa yaandi mu mubu, mubu wakituka bunu makila ma wafwa; na byobinso bya mwooyo byaba mu mubu byawa kufwa.

Nyabusulu ya Yowane 21:6

Nde waleele kuri me ti: «Mi mwaa yirima! Me [ngo] Alafa na Omenga, mbandukulu na manunu. Kuri wunde wuri na mpwiisu, me sa nyamuha maampa ma mukeri wa mwooyo kwa buunu.

Nyabusulu ya Yowane 22:1

Mbasi yasoongo me nyari ya maampa ma mwooyo, matsyeeme bunu lumweenye, yiri mu kupala mu mboloko Nzaambi, bo na Mwaana kimeeme,

Nyabusulu ya Yowane 22:17

Mpeeve na ntuumba ya makweele baleele ti: «Wasa!» Hemese wunde wuyuka kaleele ti: «Wasa!» Hemese wuri na mpwiisu kiisa; wunde wutiiri, kaholo maampa ma bumwooyo kwa mungengi.