1 Kol 15:28 - Musamu Wamubwete 2013

²⁸ Ngo byobinso bibaanaa byeki byasuusa kunsa lutumu lwaandi, haho nde-meene Mwaana se, kaba kunsa lutumu lwa wunde, wasuusiri byobinso kunsa lutumu lwa Mwaana, mpisi heki Nzaambi kaba byobinso, mu bitotolo byobinso na mu baatu bobanso.

1 Kol 15:28 ပူးပေါင်းရင်းမြစ်များ

Musamu wamubwete watina Yowane 14:28

Beenu lwayukiri me nyaleeriri ti: "Me nyiri mu kweende, ngo sa mbweese kwiisa kuri beenu". Mbuti beenu lutiiri me, nkani lo beenu luri na kiminu bu luyaa ti me nyiri mu kweende kuri Taata, bukuri Taata bvuriri bunene na me.

1 Kol 11:3

Ngo me ntiiri ti beenu luyaaba, ti Kiristo ngo mfumu mpisi wa mubakala; mfumu wa mukyeetu ngo wa mubakala; mfumu Kiristo ngo Nzaambi.

1 Kol 12:6

Biyiriki biri mu bitsuumbu-bitsuumbu, ngo Nzaambi yiniyo, yiyirikaa momanso mu bobanso.

1 Kol 15:29

Mbuti kari bubwo ko, lo babo bakootaambulaa mbotokulu ha kibeendu kya baatu bafwa, lo nki basa? Mbuti ngwanwa ti bafwa bahele kufuluka, lo mu nkya ntoono bari mu kutaambulaana mbotokulu ha kibeendu kya bo?

1 Kol 3:23

beenu luri baatu ba Kiristo, na Kiristo wa Nzaambi.

Mukaanda kuri bari Efeso 1:23

diri nyutu yaandi, nduululu ya wunde wuluulusaa byobinso mu bobanso.

Mukaanda kuri bari Filipo 3:21

Nde mbasi-tsuku wukitula nyutu yeetu ya manyoongi, kuri yiba bunu buri nyutu ya nde ya nkeembu, bunu buri mpinu dzi kari na dzo, mu kusuusa byobinso kunsa lutumu lwaandi.

Mukaanda kuri bari Kolosayi 3:11

Mu didyo, kwasaala Muhelene na Muyudayo ko, wateendu bubakala na wahele kuteende bubakala ko, munzeense, Musikite, nkutu, muutu wuri bunsaalisi ko; ngo Kiristo wuri byobinso na wuri mu bobanso.