1 Kol 15:2 - Musamu Wamubwete 2013

² Mu nde beenu lutaambula mvuukulu, mbuti lumukebiri mu kiteesu ki nyiri nyaluyaabisila nde; mbuti kari bubwo ko, lo kwa buunu luri lwasiila kanyi.

1 Kol 15:2 ပူးပေါင်းရင်းမြစ်များ

Musamu wamubwete watina Luka 8:13

Bari ha yulu tari, ngo babo bari bu bayukiri, bataamburi maampu mu kiminu, ngo kasi bo bahele na myaansi. Bo basa kanyi mu mwaa-ntaangu mosi, ngo mu ntaangu ya nsindukulu basasukiri.

Biyiriki bya Bantumu 2:47

badumusa Nzaambi na bataambula mabweese kuri makaanda momanso. Mfumu waba bweesaana mpisi kiluumbu, lutaangu lwa baatu babvuuku mu kintwaari.

Biyiriki bya Bantumu 8:13

Simoni nde-meene se wasa kanyi na wataambula mbotokulu. Nde wakaangama na Filipo na wapamuka, bu kaba kwemonaana bidiimbu na bimaangu byabinene byaba kweyirimaana.

Mukaanda kuri bari Loma 1:16

Mukwongo, me nyahele na nsoni mu Musamu Wamubwete, bukuri nde ngo mpinu dza Nzaambi, mu mvuukulu ya mpisi wunde wusiila kanyi, ha tete kuri Bayudayo tumi kuri Bahelene.

Mukaanda kuri bari Loma 11:22

Ngo moneeti buri mbweeyulu-mutima, na nkubulu mutima ya Nzaambi: nde wuri na nkubulu mutima kuri babo babwa, ngo wuri na mbweeyulu-mutima kuri ye, mbuti ye namitini kuba kunsa mbweeyulu mitima yiyo, mbuti ka bubwo ko, lo ye se sa bakuyusula.

1 Kol 1:18

Mukwongo, maampu ma kuruwa bubwo bulawuku, kuri baatu bari mu kudziimbila; kasi mu beetu turi babvuukusu lo dzidzo mpinu dza Nzaambi.

1 Kol 1:21

Mukwongo, bukuri nsi mu nyaabulu ya nde-meene wahele kuyaaba Nzaambi, kunsa nyaabulu ya Nzaambi. Nzaambi wamono dyo dyadibwete mu kubvuukisa, mu bulawuku bwa nyikusulu, baatu basiila kanyi.

1 Kol 11:2

Me nyilusiika bu lukootsiminaa me mu myominso, na bu luri lwakebe kikulu bunu bu nyalutubukiri kyo.

1 Kol 15:14

Na mbuti Kiristo wahele kufuluka, lo nyabusulu yeetu yabuunu, na kanyi dyeenu se dyabuunu.

2 Kol 2:15

Bukuri beetuneenu ngo mfuku yayibwete ya Kiristo, kuri Nzaambi, ha kakati dya babvuuka na badziimbila;

2 Kol 6:1

Ngo bukuri tukwesala kintwaari na nde, beetu tulusyaamisa mu kuhele kuhololo kwa buunu, bweese bwa Nzaambi buluri lwataambula.

Mukaanda kuri bari Ngalatya 3:4

Buri momanso ma luri lwayika mamo mabuunu? Heki mbuti ngwanwa ti mabuunu!

Mukaanda kuri bari Efeso 2:8

Mukwongo, mu bweese beenu luri lwabvuukila mu ntoono kanyi, kari mu beenu-meene ko, ngo kikabu kya Nzaambi;

Mukaanda kuri bari Kolosayi 1:23

Ngo luyelemini kunamitina kuba batuunguma, na kuba na keketee mu kanyi, kwahele kusasika mu nsiitu ya Musamu Wamubwete wu luri lwayuka, wu bari bayaabisa kuri biyiriki byobinso ha butoto, na wu nyayeki me Pawulo kisari.

2 Tes 2:15

Hango-nkuumbu, bampaangi, beenee bakwiikama na kebeenu kikulu ki lwataamburi kuri beetu, mu ndzonsulu bunu pe mu mukaanda.

2 Tim 1:9

Nde watubvuukisa, na watuteele mbila yangisi, kari mu ntoono biyiriki byeetu ko, ngo kasi bunu buri bitaasi bya nde-meene na bweese bu kari katuha mu Kiristo Yesu, tekesele mantaangu mahela kuwa.

Mukaanda kuri Bahebeleho 10:23

Hemese tukebeenu nsiitu yi turi mu kweyaabisa, kwahele mpololo-bito, bukuri wunde wasa lusiilulu wakwiikama.

Mukaanda kuri Bahebeleho 2:1

Hango-nkuumbu, beetu tuyelemini kuhololo mu bunkete bwalaka, mamo ma turi twayuka mpisi tuhele kuwumuka.

Mukaanda kuri Bahebeleho 3:14

Bukuri beetu turi bakweyeende kintwaari na Kiristo, mbuti tukebiri na keketee kibeendu kyeetu ku mbandukulu natee ku manunu.

Mukaanda kuri Bahebeleho 3:6

Ngo Kiristo, wuri bunu Mwaana mu nzo, na nzo yiyo ngo beetu, mbuti tukebiri kifiki na kimweese kya nsiitu.

Mukaanda kuri Bahebeleho 4:14

Hango, bu turi na mukuutu bangaanga-nzaambi wataba mayulu, Yesu, Mwaana Nzaambi, tukwaatee na keketee kimbaangi kya kanyi.

Mukaanda wa Yakobo 2:14

Bampaangi baami, mbuti muutu wuleele ti nde wuri na kanyi, ngo wahele na biyiriki, lo nkya ndaandu? Buri kanyi dya bubwo lo dimubvuukisiri?

Mukaanda wa Yakobo 2:17

Bunubwo se buri mu kanyi, mbuti dyahele na biyiriki, lo dyafwa mu dyo-meene.

Mukaanda wa Yakobo 2:26

Mukwongo, bunu buri nyutu yahele na muwuumunu yiri yafwa, bunubwo se kanyi dyahele na biyiriki diri dyafwa.