1 Kol 15:19 - Musamu Wamubwete 2013

¹⁹ Ngo mbuti nsiitu dzi turi na dzo mu Kiristo, munu mu ntoono kidziingu kimaki, lo beetu tubvuriri manyoongi mu baatu bobanso.

1 Kol 15:19 ပူးပေါင်းရင်းမြစ်များ

Musamu wamubwete watina Matayi 24:9

Hanaho, bo sa baluyekele mu nkwamusunu, sa baludzusa na makaanda momanso sa malubele mu ntoono nkuumbu yaami.

Musamu wamubwete watina Luka 21:34

«Seenee madyeele mu beenu-meene, mu kubata ti mitima myeenu mikwiisa kuba malemu, mu ntoono nwiinu yamansaalisi, nkolulu malu, na minyoongi mya kidziingu kimaki, na kuri ti kiluumbu kikyo kihele kulutubukila na sisuu,

Musamu wamubwete watina Luka 8:14

Bibwiiri kunsa manseende, ngo babo bamwaayuka, ngo minyoongi, busina na biminu bya kidziingu bikwebaswetekese mu nzila, na bahele kutubuka ku kuyele.

Musamu wamubwete watina Yowane 16:2

Bo sa balubingisa mu manzo-mankutukunu; na ntaangu yiri mu kwiisa yiri baatu badzusa beenu lo bubatsima ti, Nzaambi bari mu kusalila mu kiteesu kya bubwo.

Musamu wamubwete watina Yowane 16:33

Me nyiluleeriri misamu mimyo, mpisi heki luba na kiyeengi mu me. Beenu luri na mpasi ha nsi, ngo lwaatee kibakala, me nyabwiisiri nsi!»

Biyiriki bya Bantumu 14:22

bo bakumisa mitima mya bayiki, babasyaamisa mu kunamitina mu kanyi, na kubaleele ti mu nwanusunu dza makwa, tukotoleenu mu Kimfumu kya Nzaambi.

1 Tes 1:3

Beetu tubaambukaana mwooyo mu biyiriki bya kanyi dyeenu, mu kisalu kya ntiilu yeenu, na mu kifiki kya nsiitu dzeenu mu Mfumu yeetu Yesu Kiristo, ha busu bwa Taayi dyeetu Nzaambi.

2 Tim 1:12

Mu ntoono yiyo se, me nyiri mu kumono mpasi dzimadzi, ngo nyahele na nsoni, bukuri me nyaari mu nani me nyiri nyasa kanyi, na nyabakula ti, nde wakuka mu kukebe maampu ma kari kampa, natee mu kiluumbu kikyo.

2 Tim 2:4

Kuri muutu ko wuri kakotaana mu buyongolo, bweesiri kakaangama mu misamu mya kidziingu, mbuti tiiri kubweeye kuri wunde wa muholo mu kisalu.

2 Tim 3:12

Ngo bobanso batiiri kunata kidziingu kunsa kinzaambi mu Kiristo Yesu, sa baba bakwaamusu.

1 Pet 1:21

Mu nde, beenu lwasa kanyi mu Nzaambi, wamufulukisa mu bafwa, na wamuha nkeembu, kuri heki kanyi dyeenu, na nsiitu yeenu biba mu Nzaambi.

Nyabusulu ya Yowane 14:13

Me nyayuka mbeembu mosi yafumuna ku yulu yileele: «Tina: "Kiminu kuri babo bafwa, bafwiila mu Mfumu, kubaandika lumalu!" – "Heehe, buleele Mpeeve, bo bawuumaa mu bisalu bya bo, bukuri biyiriki bya bo bikwebanama!"»