1 Kol 14:4 - Musamu Wamubwete 2013

⁴ Wudzoonsaa mu mandiinga, wubakaa ntuungulu ya nde-meene, kasi wunde wubikulaa wuhaanaa ntuungulu kuri dibuundu.

1 Kol 14:4 ပူးပေါင်းရင်းမြစ်များ

Musamu wamubwete watina Malako 16:17

Kuri babo basiila kanyi, bidiimbu bimabi sa byamonoko: mu nkuumbu ya me, bo sa babingisa mampeeve mamabi, sa badzoonso mandiinga manzeense,

Mukaanda kuri bari Loma 14:19

Hango-nkuumbu, hemese tusakee mamo ma kiyeengi, na ma ntuungulu ya beetu na beetu.

1 Kol 12:10

kuri wakaka nyirikulu bimaangu, kuri wakaka mbikululu, kuri wakaka mfyongokunu mampeeve, kuri wakaka mandiinga ma bitsuumbu-bitsuumbu, kuri wakaka kubaangula mandiinga.

1 Kol 12:28

Mu dibuundu, Nzaambi bakasuusiri, dyatete bantumu, dyamoolo babikiri, dyamatatu bayikisi, tumi bangaa-bimaangu, bari na bikabu bya kutsinikisa babeeru, bya kubakisa baatu, bya kutwaalisa, bya mandiinga ma bitsuumbu-bitsuumbu.

1 Kol 13:1

Mbuti me nyidzoonsaa mandiinga ma baatu, na ma bambasi, ngo nyahele na ntiilu, lo me nyeki nguunga bunu pe ngomo yi bari mu kusika.

1 Kol 13:2

Mbuti me nyiri na kikabu kya kubikula, nyikwebakula mpaanu dzodzinso, nyiri na nyaabulu yoyinso, na nyiri na kanyi dyodinso kuri lo, nyinaanguna na milaandu, ngo nyahele na ntiilu, lo me nyiri wabuunu.

1 Kol 14:12

Hango beenu se, bukuri luri na kuheme mu bikabu bya kimpeeve, sakee kuba babuukula mu bya ntuungulu ya dibuundu.

1 Kol 14:22

Mu didyo, kikabu kya mandiinga ngo kidiimbu kuri bangooyi nkani ka kuri bangaa-kanyi ko; na mbikululu ngo kidiimbu kuri bangaa-kanyi, nkani ka kuri bangooyi ko.

1 Kol 14:26

Bampaangi, nki kwaandi? Mu ntaangu yi lukutukunaa beenu, mosi wuri na mukuunga, wakaka wuri na nyikusulu, mukimi wuri na nyabusulu, wuni wuri na ma kuleele mu ndiinga, wakaka wuri na mambangukulu: myominso miyirimina mu ntuungulu.

1 Kol 14:3

Ngo wunde wubikula, wudzoonsaa kuri baatu misamu mya ntuungulu, mya nsyamusunu, na mya nkumusunu.

1 Kol 14:5

Me ntii ti beenu-banso lwedzoonso mu mandiinga, ngo mvuriri kutya kuri ti beenu lwebikula. Wubikulaa bvuriri na wudzoonsaa mu mandiinga, sati kuri ti nde-meene wubaangula, mpisi heki dibuundu dibaka ntuungulu.