1 Kol 14:3 - Musamu Wamubwete 2013

³ Ngo wunde wubikula, wudzoonsaa kuri baatu misamu mya ntuungulu, mya nsyamusunu, na mya nkumusunu.

1 Kol 14:3 ပူးပေါင်းရင်းမြစ်များ

Musamu wamubwete watina Luka 3:18

Mu nsyamusunu dzikimi, dzalaka Yowane kaba kweyaabisila Musamu Wamubwete kuri baatu.

Biyiriki bya Bantumu 13:15

Ha mambisa ma ntaangulu mangisi na babikiri, bamfumu ba nzo-nkutukunu baleele kuri bo ti: "Bampaangi, mbuti luri na dyaambu dya mboondulu dya kudzoonsolo kuri baatu, lo dzoonsee kweenu."

Biyiriki bya Bantumu 14:22

bo bakumisa mitima mya bayiki, babasyaamisa mu kunamitina mu kanyi, na kubaleele ti mu nwanusunu dza makwa, tukotoleenu mu Kimfumu kya Nzaambi.

Biyiriki bya Bantumu 15:32

Yuda na Sila, bu baba bo-meene babikiri, bo basyaamisa bampaangi na babakumisa mu dzoonsolo dzalaka.

Biyiriki bya Bantumu 4:36

Yosefi, wubaluka Barnaba kuri bantumu, mambangukulu ti mwaana wa mboondulu, mosi mu kisari kya mu Nzo-nzaambi, wafuma ku Kiporo,

Biyiriki bya Bantumu 9:31

Dibuundu dyaba na kidzuunu mu Yudaya dyodinso, mu Ngalili na mu Samariya, dyatuunguma na dyadyaata mu kibvumi kya Mfumu, na mu mboondulu ya Mpeeve Yangisi, dyo dyaba Kwefununaana.

Mukaanda kuri bari Loma 12:8

mbuti musyaamisi, lo mu nsyamusunu; mukabiri, lo kaheele mu mutima-kikabu; mutwaalisi, lo katwaalisila mu kuheme; ngaa-ngebe, lo kasalila mu kiminu.

Mukaanda kuri bari Loma 14:19

Hango-nkuumbu, hemese tusakee mamo ma kiyeengi, na ma ntuungulu ya beetu na beetu.

Mukaanda kuri bari Loma 15:2

Mpisi muutu mu beetuneenu kayirika ma kiminu kuri mbaasi yaandi, mu ntoono mamabwe mu ntuungulu.

1 Kol 10:23

Myominso miri miswa, ngo myominso myahele mufunu; myominso miri miswa, ngo myominso myahele kutuunga.

1 Kol 14:12

Hango beenu se, bukuri luri na kuheme mu bikabu bya kimpeeve, sakee kuba babuukula mu bya ntuungulu ya dibuundu.

1 Kol 14:17

Mukwongo, ye wuri mu kubvutula matoondo kwakubwe, kasi mbaasi wahele kubaka ntuungulu.

1 Kol 14:26

Bampaangi, nki kwaandi? Mu ntaangu yi lukutukunaa beenu, mosi wuri na mukuunga, wakaka wuri na nyikusulu, mukimi wuri na nyabusulu, wuni wuri na ma kuleele mu ndiinga, wakaka wuri na mambangukulu: myominso miyirimina mu ntuungulu.

1 Kol 14:31

Mukwongo, beenu-banso lo lubikuri mosi-mosi, mpisi heki bobanso bataambula nyikusulu na nsyamusunu.

1 Kol 8:1

Mu musamu wutariri toongo twaha mu kikabu kuri biteki, tuyaari kuri ti beetu-banso turi na nyaabulu, ngo nyaabulu yihaanaa masiiku, kasi ntiilu yihaanaa ntuungulu.

2 Kol 1:4

nde kookutuboondaa mu mpasi dzeetu dzodzinso, mpisi heki mu mboondulu yi tutaambula beetu-meene kuri Nzaambi, tubangisina kuboondo babo bari kunsa mpasi dza bitsuumbu-bitsuumbu.

2 Kol 2:7

Beenu ngo bari, siilee wa bubwo mpemisi, na muboondeenu mpisi kahele kudyaama kunsa ngebe dzibvuriri bunene.

Mukaanda kuri bari Efeso 4:29

Yaa kupala ntoono ti mosi yayibi mu munwa weenu ko, ngo mbuti kuri yipala, lo yiba yayibwete, yiri mufunu mu ntuungulu, mpisi yiha bweese kuri babo bayuka.

Mukaanda kuri bari Efeso 6:22

Me nyamuheekiri kuri beenu mu ntoono yiyo, mpisi heki beenu luyaaba misamu mitariri beetu, na kasyaamisa mitima myeenu.

Mukaanda kuri bari Kolosayi 4:8

Me nyamuheekiri kuri beenu mu ntoono yiyo, mpisi heki beenu luyaaba misamu mitariri beetu, na kasyaamisa mitima myeenu.

1 Tes 2:11

Beenu luyaari se ti, beetu twaba kuhololo mosi mosi mu beenu bunu bu hololaana taayi baala baandi.

1 Tes 2:3

Mukwongo, nyikusulu dza beetu ka dziri dza nzimbusulu ko, dza nsumukunu bunu pe dza mawunu ko.

1 Tes 3:2

na kuheeke mpaangi yeetu Timoteho, nde wukwesala kintwaari na Nzaambi mu Musamu Wamubwete wa Kiristo, mu kulukumisa na kulusyaamisa mu kanyi dyeenu,

1 Tes 4:1

Mu misiiri bampaangi, beetu tululoombo na tulusyaamisa mu Mfumu. Bu lwayeki lwayika kuri beetu ndyaatulu yayelemene mu kubweeye kuri Nzaambi, bunubwo se luri mu kwedyaatila, ngo bweeseenu kutoombolo kiteesu.

1 Tes 4:18

Hango-nkuumbu, yendeenu lwebondosono beenu na beenu mu maampu mamo.

2 Tes 3:12

Beetu tuloombo na tusyaamisa baatu ba bubwo, mu nkuumbu ya Mfumu Yesu Kiristo ti: basala mu kidzuunu mu kubaka bya kudya bya bo-meene.

1 Tim 1:4

yaa bakaangama mu bimpa, na mu miloongo mya kinkaaka myahele kusuka; myominso mimyo mitwaalaana nkalikisi, ha kibeendu kya kukukisa kitsimi kya Nzaambi kiri mu kanyi.

1 Tim 4:13

Natee ku nyikwiisa me, sa mutima mu ntaangulu, mu nsyamusunu, na mu nyikusulu.

1 Tim 6:2

Babo bari bamfumu baaku basiilaa kanyi, yaa babanyaafuna ko bukuri ti bampaangi, ngo kasi babasalila kubvuriri bubwete, bukuri mamabwe mabayirika mamo, kuri bampaangi ba mutima, bangaa-kanyi bari mu kuyirika. Mamo ye yelemini kuyikisa na kutuma.

2 Tim 4:2

yikisa Maampu, landukina mu ntaangu yayelemene na yahele kuyelemene, seembe, ŋaŋina, syaamisa, mu nkindusulu-mutima yoyinso kunsa nyikusulu.

Mukaanda kuri Tito 1:9

Nde yelemini kuba se wakaangama mu maampu ma bayelemene kusiila kanyi, mpisi kaba wakuka mu kusyaamisa baatu mu nyikusulu dzadzibwete, na mu kutungukila se babo bari na muhaawu.

Mukaanda kuri Tito 2:15

Ye yelemini kudzoonsolo mu mamo, kusyaamisa na seembe mu lutumu lwolunso. Muutu yaa kakunyaafuna ko.

Mukaanda kuri Tito 2:6

Syaamisa minkuula se bwobumosi, baba basokomo

Mukaanda kuri Tito 2:9

Bankutu baba batumuma kuri bamfumu ba bo-meene mu myominso, baba na mbweeyulu, yaa baba na muhaawu ko,

Mukaanda kuri Bahebeleho 10:25

Yaa tuyekelee dibuundu dyeetu ko, buri kifu kya babamosi, ngo tusyaamisineenu beetu na beetu, bu tuyaari kuri ti kiluumbu kikokisiri.

Mukaanda kuri Bahebeleho 13:22

Bampaangi, me nyiluloombo ti kuundeenu maampu mamama ma nsyamusunu, bukuri mwaa-myantele me nyiri na myo mya kulutinina.

Mukaanda kuri Bahebeleho 3:13

ngo kasi, syamisineenu beenu na beenu mpisi kiluumbu, mbuti nyabusulu ya «lolo di» bunu yiri, mpisi heki ti mosi mu beenu kahele kukubisa mutima, bu kabwiiri mu mpumukunu ya masumu.

1 Pet 5:12

Mu lubakusu lwa Silvano, wu nyihololaa me bunu mpaangi yakwiikama, me nyilutinini mwaa-mukaanda wumawu, mu kulusyaamisa na mu kuta kimbaangi, ti bweese bwa Nzaambi bu luri lwasiila nsiitu buri bwangwanwa.

Mukaanda Yuda 1:20

Ngo beenu, banduku ba mutima, tuungumeenu beenu-mee ha yulu kanyi dyeenu dyangisi na ngisi, na saambileenu mu Mpeeve Yangisi.