Mu ntaangu yiyo, Yesu wabaangula mbeembu waleele ti: «Me nyikudumusa, Taata, Mfumu ya ku yulu na ya ha butoto, bukuri bangaa-madyeele na bangaa-nyaabulu, ye wabasweeke misamu mimyo, ngo wayaabisa myo kuri mwaa-baala bantele.
na waleele ti: «Mu ngwanwa me nyiluleeriri, mbuti beenu luyiingiri ko, na lukitukiri bunu mwaa-baala bantele ko, lo beenu lukoto mu Kimfumu kya mayulu ko.
Bampaangi, me ntii ko ti beenu luba kunsa lubu. Mantaangu malaka me nkootsimaa kwiisa, mu kutolo bimbutu kuri beenu na kuri makaanda makaka, ngo natee mu lumalu me bankabikisa.
Mukwongo, bintambukulu byeenu byayabakana kuri bobanso. Ngo me nyimono kiminu mu ntoono beenu, me ntiiri ti beenu luba na madyeele mu mamabwete, na luba kutsyeemeke kwahele mamabi.
Ha nyaba mwaa-kilesi, me nyaba kwedzoonsaa bunu mwaa-kilesi, nyaba kwetsimaa bunu mwaa-kilesi, nyaba madyeele ma mwaa-kilesi; ngo bu nyeki wa mukuutu, me mwaasiisa myominso mya bulesi.
Madyeele ma turi mu kweyikisa beetu ha kakati dya baatu babuuka, mari madyeele ma ntaangu yimayi ko, mari se ma bamfumu ba ntaangu yimayi, bari mu kweende kumfukusulu ko;
natee bu tutubukiri beetu-banso, mu kintwaari kya kanyi na kya nyaabulu Mwaana Nzaambi, mu muutu wabuuka, mu kiteesu kya kuba na mutele wasuka wa Kiristo.
Buukeenu kunsa bweese, na nyaabulu ya Mfumu na Mubvuukisi weetu Yesu Kiristo. Kuri nde, kuba nkeembu lumalu, natee mu kiluumbu kyahele mbandukulu na manunu! Amene.