1 Kol 14:17 - Musamu Wamubwete 2013

¹⁷ Mukwongo, ye wuri mu kubvutula matoondo kwakubwe, kasi mbaasi wahele kubaka ntuungulu.

1 Kol 14:17 ပူးပေါင်းရင်းမြစ်များ

Mukaanda kuri bari Loma 14:19

Hango-nkuumbu, hemese tusakee mamo ma kiyeengi, na ma ntuungulu ya beetu na beetu.

1 Kol 14:18

Me nyibvutula matoondo kuri Nzaambi, bukuri me mvuriri kudzoonso mu mandiinga ti na beenu-banso.

1 Kol 14:4

Wudzoonsaa mu mandiinga, wubakaa ntuungulu ya nde-meene, kasi wunde wubikulaa wuhaanaa ntuungulu kuri dibuundu.

1 Kol 14:5

Me ntii ti beenu-banso lwedzoonso mu mandiinga, ngo mvuriri kutya kuri ti beenu lwebikula. Wubikulaa bvuriri na wudzoonsaa mu mandiinga, sati kuri ti nde-meene wubaangula, mpisi heki dibuundu dibaka ntuungulu.

1 Kol 14:6

Ngo mu lumalu bampaangi, mbuti me nyiisaa kuri beenu, kuludzoonsolo mu mandiinga, lo nkya mufunu me nyiba na nde kuri beenu, mbuti nyahele kudzoonso mu kutubula nyaabusulu, bunu pe nyaabulu, bunu pe mbikululu, bunu pe nyikusulu?