1 Kol 14:15 - Musamu Wamubwete 2013

¹⁵ Hango nsiila buri? Me nyelemini kusaambila mu Mpeeve, ngo nyelemini kusaambila se mu madyeele; me nyelemini kuyimbila mu Mpeeve, ngo nyelemini kuyimbila se mu madyeele.

1 Kol 14:15 ပူးပေါင်းရင်းမြစ်များ

Biyiriki bya Bantumu 21:22

Ngo kusiila buri? Bo bee bayukiri ti ye mwaakwiisa.

Mukaanda kuri bari Loma 1:9

Mukwongo, Nzaambi mbaangi yaami, nde wu nyisalilaa me mu mpeeve yaami, mu nyabusulu Musamu Wamubwete wa Mwaana waandi: me nyibambukilaa beenu mwooyo kwahele kuhoto,

Mukaanda kuri bari Loma 3:5

Ngo mbuti kunsa bubayi bwa beetu nsungumunu ya Nzaambi yimonokono, lo nki tuleele? Buri Nzaambi kabaka nkesi, lo weki ngaa-bubayi? Me mu kimuutu nyiri mu kudzoonsolo.

Mukaanda kuri bari Loma 8:31

Ngo nki tuleele mu mamo? Mbuti Nzaambi wuri na beetu, lo na wubwiisa beetu?

1 Kol 10:19

Ngo me ndeele ti kwe? Buri toongo twaha mu kikabu turi mufunu, hoti biteki biri mufunu?

1 Kol 14:14

[Mukwongo], mbuti me nyisaambila mu mandiinga, lo kiluunsi kya me se kiri mu lusaambulu, kasi madyeele ma me mahele mu kusala.

1 Kol 14:19

Ngo ha lukutukunu, me mvuriri kutya kuleele mantoono mataanu mu madyeele, mpisi me nyikisa se bambaasi, ti na kuleele fuunda dya mantoono mu ndiinga.

1 Kol 14:26

Bampaangi, nki kwaandi? Mu ntaangu yi lukutukunaa beenu, mosi wuri na mukuunga, wakaka wuri na nyikusulu, mukimi wuri na nyabusulu, wuni wuri na ma kuleele mu ndiinga, wakaka wuri na mambangukulu: myominso miyirimina mu ntuungulu.

Mukaanda kuri bari Efeso 6:18

Mu nsaambulu dza bitsuumbu-bitsuumbu na ndoombulu, saambileenu mu ntaangu ngo ntaangu mu Mpeeve. Mu didyo, beenee naana, beenee na kifiki, loombee mu bangisi bobanso,

Mukaanda kuri bari Filipo 1:18

Mukwongo nki? Kiteesu bwooso kibeele, ti kiba mu kumana mafuumbu, ti kiba mu ngwanwa, lo ngo bukuri Kiristo bari mu kwemuyabikisa, na mu didyo me nyiri na kiminu. Kasi me sa mbweese kuba na kiminu,

Mukaanda kuri bari Kolosayi 3:16

Hemese maampu ma Kiristo madzakala mu beenu mu busina. Mu madyeele momanso, yikisineenu na lubusineenu beenu na beenu, mu mikuunga mya ndoombulu, mya ndumusu na mya kimpeeve. Yimbikilee Nzaambi mikuunga mya matoondo mu mitima myeenu.

Mukaanda wa Yakobo 5:13

Muutu mu beenu kubama kari mu kubama? Kasaambila. Muutu mu kiminu kari? Kayimbila mikuunga.

Mukaanda Yuda 1:20

Ngo beenu, banduku ba mutima, tuungumeenu beenu-mee ha yulu kanyi dyeenu dyangisi na ngisi, na saambileenu mu Mpeeve Yangisi.