1 Kol 13:2 - Musamu Wamubwete 2013

² Mbuti me nyiri na kikabu kya kubikula, nyikwebakula mpaanu dzodzinso, nyiri na nyaabulu yoyinso, na nyiri na kanyi dyodinso kuri lo, nyinaanguna na milaandu, ngo nyahele na ntiilu, lo me nyiri wabuunu.

1 Kol 13:2 ပူးပေါင်းရင်းမြစ်များ

Musamu wamubwete watina Matayi 13:11

Nde wabvutula kuri bo ti: «Bukuri, kuri beenu baheeri kiteesu kya kuyaaba mpaanu dza Kimfumu kya mayulu; ngo kuri bo, bahele kuha.

Musamu wamubwete watina Matayi 17:20

Nde wabvutula kuri bo ti: «Mu ntoono kanyi dyeenu dyantele. Bukuri, mu ngwanwa me nyiluleeriri ti: mbuti lubeeri luri na kanyi diri bunu lusaangi lwa muti wuri nkuumbu sinapi, ha beeri nkani lo luleeriri mulaandu wu: "Yisika, yende kunii", lo nde weensi; kuri kitotolo ti kimosi ki lukoono beenu ko.» [

Musamu wamubwete watina Matayi 21:19

Nde watalila mungenge mu nzila na wakokosolo kuri nde, ngo kasii mono kitotolo ko, ha yulu mani makaya kitsu. Na wamuleele ti: «Fuu kya bufulukutuu, ye wuri mbakila bimbutu ko!» Na ha nsi na nsi mungenge wakana.

Musamu wamubwete watina Matayi 21:21

Yesu kabvutula kuri bo, waleele ti: «Mu ngwanwa me nyiluleeriri, mbuti beenu lubeeri na kanyi, na lwahele kusa mpaka, kari mana ma lumwiini mu mungenge, luketi kuyirika kitsu ko, ngo na kuri mulaandu wu se, ha beeri lo luleeriri ti: "Yisika na yende bwa mu mubu", lo bubwo buyirimini.

Biyiriki bya Bantumu 13:1

Mu dibuundu dyaba ku Antyoke, kwaba babikiri na bayikisi: Barnaba, Simehoni wu baba teelaana ti Ningere, Lukyo wa ku Kirene, Manahene wunde wabuukiri ha kimosi na Erode mfumu mankoonsi mana, na Sawulo.

Mukaanda kuri bari Loma 11:25

Bampaangi, me ntii ko ti beenu luba kunsa lubu, mu mitariri mpaanu yimayi, mpisi luhele kumonoko bunu bangaa-madyeele mu beenu-meene, bukuri nkubulu mutima ya ndaambu kaanda dya Isaheli sa yaba, natee makaanda momanso makotiri.

Mukaanda kuri bari Loma 15:14

Mu mitariri beenu, bampaangi baami, me nyirikiri kuyaaba ti, beenu se lwaluula mu mutima-bubwe, lwaluulusu mu nyaabulu yoyinso, na lwakuka mu kwelubusina beenu na beenu.

Mukaanda kuri bari Loma 16:25

Kuri wunde wakuka mu kulukumisa, bunu buri Musamu waami Wamubwete, wu nyikwenata mu nyaabusulu Yesu Kiristo, bunu buri nyabusulu mpaanu dzasweeku, kuholosono mu mantaangu mahele mbandukulu na manunu.

1 Kol 11:4

Mpisi mubakala wusaambila, bunu pe wubikula kuri mutu wafuka, lo wahele kukiinsa mfumu yaandi.

1 Kol 12:28

Mu dibuundu, Nzaambi bakasuusiri, dyatete bantumu, dyamoolo babikiri, dyamatatu bayikisi, tumi bangaa-bimaangu, bari na bikabu bya kutsinikisa babeeru, bya kubakisa baatu, bya kutwaalisa, bya mandiinga ma bitsuumbu-bitsuumbu.

1 Kol 13:1

Mbuti me nyidzoonsaa mandiinga ma baatu, na ma bambasi, ngo nyahele na ntiilu, lo me nyeki nguunga bunu pe ngomo yi bari mu kusika.

1 Kol 13:3

Mbuti me nkabiri byobinso bi nyiri na byo, kuri bari na nzala, na mbuti me nyekiri nyutu yaami mpisi nsa kimweese, ngo nyahele na ntiilu, lo myominso mimyo, myahele kubakisa me mu ntoono ti mosi.

1 Kol 13:8

Ntiilu yawaa ko, mbikululu sa dzawa, mandiinga sa mawa, nyaabulu sa yawa.

1 Kol 14:29

Babikiri ngo bari, boolo bunu pe batatu badzoonso, na baatu bakaka bafyongokono.

1 Kol 14:39

Mu didyo, bampaangi baami, beeneenu na kuheme mu kubikula, na yaa lwekabukisa nzoonsulu mu mandiinga ko,

1 Kol 14:4

Wudzoonsaa mu mandiinga, wubakaa ntuungulu ya nde-meene, kasi wunde wubikulaa wuhaanaa ntuungulu kuri dibuundu.

1 Kol 15:51

Me nyiluyaabisa musamu wa mpaanu: beetu-banso tuwa kufwa ko, ngo kasi beetu-banso sa twakituka.

1 Kol 16:22

Mbuti kuri wuri katii Mfumu ko, lo kabwilikila mpopi! Marana ta!

1 Kol 4:1

Mu didyo, baatu bayelemini kutuhololo bunu bisari bya Kiristo, na bakebi ba mpaanu dza Nzaambi.

1 Kol 7:19

Nteendulu bubakala yiri kitotolo ko, na kuhele kuteende bubakala kiri kitotolo ko, ngo biri mufunu kubvumina mangisi ma Nzaambi.

1 Kol 8:4

Mu mitariri ndiilu ya toongo twaha mu kikabu kuri biteki, tuyaari kuri ti kiteki kiri kitotolo ko mu nsi, na ka kuri nzaambi yikimi ko, mbuti ka yomosi kitsu ko.

2 Kol 12:11

Me nyeki kilawuku bukuri beenu lwankwikisiri. Mukwongo me nyaketi kubaka ntumunu kuri beenu, bukuri me nyahele kubvula buntele, na bantumu ba beenu babanene babo, mu ntoono ti mosi, ti hayuku nyiri wabuunu.

Mukaanda kuri bari Ngalatya 5:16

Ngo kasi me nyiluleele ti: dyaatileenu mu Mpeeve, na luba ti bele na dyo pe, mu kuyukutisa nyiimunu dza muswinyi.

Mukaanda kuri bari Ngalatya 5:22

Kasi kimbutu kya Mpeeve ngo: ntiilu, kiminu, kiyeengi, nkindusulu-mutima, mbweeyulu-mutima, nzala-baatu, kanyi,

Mukaanda kuri bari Ngalatya 6:3

Mukwongo mbuti muutu wutsima ti wuri mufunu, koomosoko wabuunu, lo nde wuwunukinaana.

Mukaanda kuri bari Efeso 3:4

Lumanaa kutaanga, beenu sa lwabakula nkya madyeele me nyiri na mo, mu mitariri mpaanu dza Kiristo,

Mukaanda kuri bari Efeso 6:19

na mu me se, mpisi heki me bampa dyaambu dya kuleele, mu ntaangu yintiiri kudzibula munwa waami, mu kuyaabisa mu bunsaalisi mpaanu dza Musamu Wamubwete.

Mukaanda kuri bari Kolosayi 1:26

mpaanu dza Nzaambi dzaba dzasweeku, kuholosono mu mibvu na mu biseendu, dzeki dzayabakana mu lumalu kuri bangisi baandi.

1 Tim 3:16

Diri dyayabakana ti, mpaanu dza kinzaambi dziri dzadzinene: Kiristo, wamonikini mu muswinyi, Mpeeve wasoongiri kuri ti nde wasuunguma, bambasi bamumono, bamuyabikisa kuri makaanda, bamusiila kanyi mu nsi, bamunata ku yulu mu nkeembu.

1 Yow 4:8

Wunde wahele na ntiilu, lo ka yaa Nzaambi ko, bukuri Nzaambi ngo ntiilu.