1 Kol 13:13 - Musamu Wamubwete 2013

¹³ Mu lumalu, byo bitatu bibyo biri: kanyi, nsiitu na ntiilu; ngo mu byo, kibvuriri bunene ntiilu.

1 Kol 13:13 ပူးပေါင်းရင်းမြစ်များ

Musamu wamubwete watina Luka 10:27

Nde wabvutula, waleele ti: «"Tya Mfumu Nzaambi yaaku mu mutima waaku ndemunso, mu muheebulu waaku ndemunso, mu makwa maaku momanso, na mu dyeele dyaaku dyodinso." Na ti: "Tya mbaasi yaaku bunu ye-meene."»

Musamu wamubwete watina Luka 22:32

Ngo me nsambirye mu ye, mpisi heki kanyi dya ye dihele kubwa; ngo ye bu wubweese kubvutuka, lo kumisa bampaangi baaku.»

Mukaanda kuri bari Loma 15:13

Hemese Nzaambi ya nsiitu kaluulusa mu kiminu kyokinso, na kiyeengi mu kanyi, mpisi luba lwabuukula mu nsiitu, mu mpinu dza Mpeeve Yangisi!

1 Kol 14:1

Namitinee kusalila ntiilu, beenee na kuheme mu bikabu bya kimpeeve, mbiki ti mu mbikululu.

1 Kol 16:14

Hemese myominso mya beenu myeyirimina kunsa ntiilu.

1 Kol 3:14

Mbuti kisalu kyatuunga muutu ha yulu lufulu, kiri bunu bu kiri, lo nde sa kataambula mufutu.

1 Kol 8:1

Mu musamu wutariri toongo twaha mu kikabu kuri biteki, tuyaari kuri ti beetu-banso turi na nyaabulu, ngo nyaabulu yihaanaa masiiku, kasi ntiilu yihaanaa ntuungulu.

1 Kol 8:3

Ngo mbuti muutu tiiri Nzaambi, lo nde wayabakana kuri Nzaambi.

2 Kol 5:10

Bukuri beetu-banso tuyelemini kuteleme ha busu bwa mutsuundu wa Kiristo, mpisi heki muutu-muutu kataambula, museendu wa ma kari kayirika, mu nyutu yaandi, mamabwe bunu pe mamabi.

2 Kol 5:15

Nde wafwiila mu bobanso, mpisi heki bamwooyo bahele kubweese kuba bamwooyo mu bo-meene, ngo mu wunde wafwiiri na wafulukiri mu ntoono bo.

Mukaanda kuri bari Ngalatya 5:6

Bukuri, mu Yesu Kiristo, kuteende bubakala bunu pe kuhele kuteende bubakala ka biri mufunu ko, ngo biri mufunu, kanyi disoongaana biyiriki mu ntiilu.

Mukaanda kuri bari Filipo 1:9

Di nyiri mu kwesaambikila me diri ti: ntiilu yeenu yihamisa kubvuriri mu nyaabulu yangwanwa, na mu mbakululu yoyinso,

Mukaanda kuri bari Kolosayi 1:27

Kuri bo, Nzaambi katiiri kuyaabisa, ha kakati dya makaanda, bunu buri busina bwa nkeembu ya mpaanu yimayi. Mpaanu yiyo ngo Kiristo mu beenu, nsiitu ya nkeembu.

Mukaanda kuri bari Kolosayi 1:5

mu ntoono nsiitu yibari balusweekele mu mayulu, yi luri lwatekesele kuyuka, mu maampu mangwanwa ma Musamu Wamubwete.

Mukaanda kuri bari Kolosayi 3:14

Ha yulu momanso mamo, salilee ntiilu ngo musiinga wa nyirimunu yakuka.

1 Tes 1:3

Beetu tubaambukaana mwooyo mu biyiriki bya kanyi dyeenu, mu kisalu kya ntiilu yeenu, na mu kifiki kya nsiitu dzeenu mu Mfumu yeetu Yesu Kiristo, ha busu bwa Taayi dyeetu Nzaambi.

1 Tes 5:8

Ngo beetuneenu turi baatu ba mwiini, tubeeneenu na ndiilu na nwiinu byayelemene twahele kukolo malu, twalwaata kanyi na ntiilu bunu kinkuta kya mu ntulu kya mukaanda kibulu, na twalwaata nsiitu ya mvuukulu bunu mpu ya kitari.

1 Tim 1:5

Mufunu ntumunu yimayi, wuri mu kuri ti luba na ntiilu yifumunaa mu mutima watsyeemeke, nsimunu yayibwete, na kanyi dyahele bumpitu-bumpyoongo.

2 Tim 1:7

Mukwongo, Nzaambi kasii kutuha mpeeve ya boomo ko, ngo ya mpinu, ya ntiilu na ya bundeembu.

Mukaanda kuri Bahebeleho 10:35

Ngo yaa luyekele nsiitu yeenu ko, mu yo muri museendu wamunene.

Mukaanda kuri Bahebeleho 10:39

Beetu turi babo bakooyekelaa mu kudziimbila ko, ngo turi babo bari na kanyi mu kukala miheebulu myeetu.

Mukaanda kuri Bahebeleho 6:11

Beetu tutiiri ti mpisi muutu mu beenu, kasoongo kifiki kyokimosi, mu kutubula nsiitu mu kiteesu kyakuka, natee kumanunu,

Mukaanda kuri Bahebeleho 6:19

dziri bunu kinko kya kidziingu kyeetu, kyakomono mu makwa na keketee, kyakaanga natee mu nsaanda Nzo-nzaambi ya ku yulu.

1 Pet 1:21

Mu nde, beenu lwasa kanyi mu Nzaambi, wamufulukisa mu bafwa, na wamuha nkeembu, kuri heki kanyi dyeenu, na nsiitu yeenu biba mu Nzaambi.

1 Yow 2:10

Wunde wutyaanaa mpaangi yaandi, lo wasa kikuundi kunsa buungi, na mu nde mpwaani ya kubwa mu masumu yo pe.

1 Yow 2:14

Me nyatinini kuri beenu mwaa-baala, bukuri beenu lwayeki lwayaaba Taata. Me nyatinini kuri beenu bataata, bukuri beenu lwayeki lwamuyaaba kuholosono kunu mbandukulu. Me nyatinini kuri beenu bituuti bukuri beenu luri bangaa-makwa, na maampu ma Nzaambi masa kikuundi mu beenu, na beenu lwabwiisiri Ngaa-bubi.

1 Yow 2:24

Mamo ma lwayukiri kuholosono kunu mbandukulu, hemese masa kikuundi mu beenu. Mbuti mamo ma lwayukiri kuholosono kunu mbandukulu, masii kikuundi mu beenu, lo beenu se sa lwasa kikuundi mu Mwaana na mu Taata.

1 Yow 3:3

Mpisi wunde wuri na nsiitu dza bubwo mu Kiristo, lo wutsyeemikaa nde-meene, bunu bu kari katsyeemeke nde.

1 Yow 3:9

Mpisi wunde wabutuka kuri Nzaambi kayirikaa masumu ko, bukuri mumbutu Nzaambi wasa kikuundi mu nde. Nde ka katsiitsa kuyirika masumu ko, bukuri wabutuka kuri Nzaambi.