1 Kol 12:28 - Musamu Wamubwete 2013

²⁸ Mu dibuundu, Nzaambi bakasuusiri, dyatete bantumu, dyamoolo babikiri, dyamatatu bayikisi, tumi bangaa-bimaangu, bari na bikabu bya kutsinikisa babeeru, bya kubakisa baatu, bya kutwaalisa, bya mandiinga ma bitsuumbu-bitsuumbu.

1 Kol 12:28 ပူးပေါင်းရင်းမြစ်များ

Musamu wamubwete watina Malako 16:17

Kuri babo basiila kanyi, bidiimbu bimabi sa byamonoko: mu nkuumbu ya me, bo sa babingisa mampeeve mamabi, sa badzoonso mandiinga manzeense,

Musamu wamubwete watina Luka 6:14

Simoni wukaluka Petelo, Andere mpaangi yaandi, Yakobo, Yowane, Filipo, Bartelemi,

Biyiriki bya Bantumu 11:27

Mu biluumbu bibyo babikiri basunduka ku Yerusalemi mu kweende ku Antyoke.

Biyiriki bya Bantumu 20:28

Seenee madyeele mu beenu-meene, na mu mpuumbu bimeeme yoyinso yiri Mpeeve Yangisi wulutelemisi mu kuba bakebi. Buunguleenu dibuundu dya Nzaambi di kari kabaka mu makila ma nde-meene.

1 Kol 10:32

Yaa lwebumisa baatu makya ko, ti Bayudayo, ti Bahelene, ti dibuundu dya Nzaambi,

1 Kol 12:18

Ngo mu lumalu, Nzaambi wasuusa mpisi kinamu mu nyutu bunu bu katiiriri.

1 Kol 12:29

Buri bobanso bantumu? Buri bobanso babikiri? Buri bobanso bayikisi? Buri bobanso bangaa-bimaangu?

1 Kol 12:30

Buri bobanso bari na bikabu bya kutsinikisa babeeru? Buri bobanso bakwedzoonso mandiinga? Buri bobanso bakwebaangula mandiinga?

1 Kol 14:2

Mukwongo, wudzoonso mu mandiinga, wahele kudzoonso kuri baatu, ngo kuri Nzaambi; bukuri kuri muutu ko wubakula ma kaleele, koomosoko mu Mpeeve, nde wuri mu kuleele misamu mya mpaanu.

1 Kol 14:4

Wudzoonsaa mu mandiinga, wubakaa ntuungulu ya nde-meene, kasi wunde wubikulaa wuhaanaa ntuungulu kuri dibuundu.

1 Kol 14:5

Me ntii ti beenu-banso lwedzoonso mu mandiinga, ngo mvuriri kutya kuri ti beenu lwebikula. Wubikulaa bvuriri na wudzoonsaa mu mandiinga, sati kuri ti nde-meene wubaangula, mpisi heki dibuundu dibaka ntuungulu.

Mukaanda kuri bari Efeso 2:20

Beenu lwatuunguma ha yulu lufulu lwa bantumu na babikiri, Kiristo Yesu nde-meene ngo tari dya ha kuumbu.

Mukaanda kuri bari Efeso 3:5

dziri mu biseendu byalabuka, basii yaabisa dzo kuri baala ba baatu ko, ngo mu lumalu, Mpeeve mwaayaabisa dzo kuri bantumu baandi bangisi, na kuri babikiri.

1 Tim 5:17

Bakulu ba babakala bari mu kwetwaalisa kwa kubwete, bayelemini kutaambula lukiinsu lwa biteesu byoolo, mbiki ti bakwemono mpasi mu maampu na mu nyikusulu.

Mukaanda kuri Bahebeleho 13:17

Beenee na bintambukulu kuri babo bakwelutwaalisa, na beenee batumuma kuri bo. Mukwongo, bo bakwekebe miheebulu mya beenu, bukuri bo sa batambikisa mabuungu. Seenee bubwo mpisi bo besala kisalu mu kiminu, nkani ka mu kwekuuma ko, bukuri babaa bakwekuuma, lo mimyo myahele ndaandu kuri beenu.

Mukaanda kuri Bahebeleho 13:24

Heenee mamboto kuri batwaalisi beenu bobanso, na kuri bangisi bobanso. Bampaangi bari Italya ba luheekiri mboto.