1 Kol 12:13 - Musamu Wamubwete 2013

¹³ Bukuri beetu-banso batubotoko mu Mpeeve yomosi, mu nyutu yomosi, ti Bayudayo, ti Bahelene, ti bankutu, ti baatu bari na bunsaalisi, na beetu-banso batunwiisa mu Mpeeve yomosi.

1 Kol 12:13 ပူးပေါင်းရင်းမြစ်များ

Musamu wamubwete watina Matayi 3:11

Me nyilubotoko mu maampa mu ntoono nyiingulu madyeele; ngo wunde wukwiisa ku mambisa ma me, bvuriri makwa na me, me nyahele kukuka mu kusyonono masapaatu ma nde. Nde sa kalubotoko mu Mpeeve Yangisi na mu mbaawu.

Musamu wamubwete watina Luka 3:16

Yowane wabvutula, waleele kuri bobanso ti: «Me nyilubotoko mu maampa; ngo wunde wubvuriri makwa na me, wuri mu kwiisa. Me nyahele kukuka, ti mu kunyanguna misiinga mya masapaatu ma nde. Nde sa kalubotoko mu Mpeeve Yangisi na mu mbaawu.

Musamu wamubwete watina Yowane 1:16

Bukuri mu nduululu yaandi, beetu-banso twataambula bweese ha yulu bweese;

Musamu wamubwete watina Yowane 1:33

Me nyaba nyahele kumuyaaba, ngo wunde wampeekiri mu kubotoko mu maampa, waleele kuri me ti: "Mbasi-tsuku wu monaana wunde wuri Mpeeve yisundukiri na yisiri kikuundi ha yulu nde, lo wunde ngo wubotoko mu Mpeeve Yangisi."

Musamu wamubwete watina Yowane 3:5

Yesu wabvutula ti: «Ngwanwa mu ngwanwa, me nyikuleele ti, mbuti muutu wahele kubutuka mu maampa na mu Mpeeve, lo kabangusina kukoto mu Kimfumu kya Nzaambi ko.

Musamu wamubwete watina Yowane 4:10

Yesu wabvutula, wamuleele ti: «Mbuti ye beeyaari kikabu kya Nzaambi, na wunde wuri mu kukuleele ti: Ha me maampa ma kunwa, nkani ye ketyee kumuloombo maampa, na nde ketyee kuha ye maampa ma mwooyo.»

Musamu wamubwete watina Yowane 4:14

ngo kasi wunde wunwa maampa ma nyimuha me, lo kabweese kubaka mpwiisu Maampa ko mu mantaangu momanso; ngo maampa ma nyimuha me, sa makituka mu nde kitekulu kipala maampa ma kidziingu kyahele manunu.»

Musamu wamubwete watina Yowane 6:63

Mpeeve yikooha bumwooyo, muswinyi wahele mufunu. Maampu ma nyiluleeriri me ngo Mpeeve na kidziingu.

Biyiriki bya Bantumu 1:5

ti: Yowane wabotoko mu maampa, ngo beenu sa balubotoko mu Mpeeve Yangisi, ha lumbisa lwa mwaa biluumbu byantele".

Mukaanda kuri bari Loma 3:22

Nzaambi wuluulukisa bobanso, mu kanyi mu Yesu Kiristo. Mukwongo, kwahele nsobokoso,

Mukaanda kuri bari Loma 3:29

Buri Nzaambi ya bani Bayudayo yiri? Buri kari ya makaanda se ko? Bunubwo! Ya makaanda se yiri.

Mukaanda kuri bari Loma 4:11

Nde wataamburi kidiimbu kya nteendulu bubakala, bunu kinyemu kya ndulukulu yi kataamburi mu kanyi, ha kaba wakiri wahele kuteende bubakala, mpisi heki kaba taayi dya bobanso basaa kanyi, bakiri bubakala kuteende pe, kuri heki bo se, babamono bunu basuunguma.

1 Kol 10:2

Bobanso bataambula mbotokulu mu Moose, kunsa tuti na mu mubu.

Mukaanda kuri bari Ngalatya 3:23

Tekesele kanyi dikwiisa, beetu twaba munsa boroko dya mangisi, batuduka ha kimosi, mu ntoono kanyi dyaba dyayelemene kuyabakana.

Mukaanda kuri bari Ngalatya 3:28

Kwa saala Muyudayo ko, Muhelene ko, nkutu ko, muutu wuri na bunsaalisi ko, kwahele bakala, kwahele mukyeetu, bukuri beenu-banso luri mosi mu Kiristo Yesu.

Mukaanda kuri bari Efeso 3:6

Mu nzila ya Musamu Wamubwete, makaanda se meki bakondiri ba saala mu kintwaari, bari mu nyutu mosi, na bataambula ha kimosi na Bayudayo, lusiilulu luri mu Yesu Kiristo.

Mukaanda kuri bari Efeso 4:5

Mfumu mosi, kanyi dimosi, mbotokulu yimosi,

Mukaanda kuri bari Efeso 5:26

Nde wadisa dyangisi mu kuditsyeemese mu nswaakulu ya maampa, kunsa Maampu;

Mukaanda kuri bari Efeso 6:8

bu luyaari ti mpisi muutu, mbuti yirikiri mamabwe, lo sa kamataambula kuri Mfumu, ti kaba nkutu bunu pe kahele kuba nkutu.

Mukaanda kuri bari Kolosayi 1:27

Kuri bo, Nzaambi katiiri kuyaabisa, ha kakati dya makaanda, bunu buri busina bwa nkeembu ya mpaanu yimayi. Mpaanu yiyo ngo Kiristo mu beenu, nsiitu ya nkeembu.

Mukaanda kuri bari Kolosayi 3:11

Mu didyo, kwasaala Muhelene na Muyudayo ko, wateendu bubakala na wahele kuteende bubakala ko, munzeense, Musikite, nkutu, muutu wuri bunsaalisi ko; ngo Kiristo wuri byobinso na wuri mu bobanso.

1 Pet 3:21

Kikyo kyaba kifwaani kya mbotokulu, yilubvuukisa mu lumalu, mbotokulu yiyo yiri ya nswaakulu mviindu dza muswinyi ko, ngo ntambukulu Nzaambi mu kitsimi, mu nzila ya mfulukulu Yesu Kiristo,