1 Kol 12:12 - Musamu Wamubwete 2013

¹² Mukwongo, bunu buri nyutu yiri mosi ngo binamu byalaka, na bunu buri binamu bya nyutu biri byalaka ngo mu nyutu mosi, bunubwo se buri mu Kiristo.

1 Kol 12:12 ပူးပေါင်းရင်းမြစ်များ

1 Kol 10:17

Bukuri, mpa mosi kitsu yiri, ngo beetu turi balaka mu nyutu mosi kitsu, bukuri tukabulaana mpa yo yimosi.

1 Kol 12:20

Kasi mu lumalu, binamu byalaka biri, ngo nyutu yomosi.

1 Kol 12:27

Beenu luri nyutu Kiristo, na mpisi muutu kinamu kya nyutu.

1 Kol 12:7

Kuri muutu-muutu Mpeeve yamonokono mu kikabu, mu ntoono ya mamo mari mufunu.

Mukaanda kuri bari Ngalatya 3:16

Nsiilulu basii dzo kuri Abalaami na kuri wapalila mu nde. Bahele kuleele ti: «kuri bapalila mu nde», bunu ti kuri baatu balaka, ngo kuri muutu mosi, «na kuri wapalila mu ye», ngo Kiristo.

Mukaanda kuri bari Efeso 1:23

diri nyutu yaandi, nduululu ya wunde wuluulusaa byobinso mu bobanso.

Mukaanda kuri bari Efeso 4:12

Mimyo, mu kusa kuri ti, bangisi baba bayirima mu kusa kisalu, kya ntuungulu nyutu ya Kiristo,

Mukaanda kuri bari Efeso 4:4

Nyutu mosi yiri, na Mpeeve se mosi, bunubwo se bari baluteele mu nsiitu mosi, ya mbila yeenu.

Mukaanda kuri bari Efeso 5:23

bukuri mulumi ngo mutu mukasi, bunu Kiristo se wuri mutu dibuundu, nde Mubvuukisi nyutu;

Mukaanda kuri bari Efeso 5:30

Bukuri beetuneenu turi binamu bya nyutu yaandi.

Mukaanda kuri bari Kolosayi 1:18

Nde ngo mutu nyutu, nyutu ngo dibuundu. Nde wuri mbandukulu, watete wafuluka mu bafwa, mpisi heki mu byobinso nde kaba watete.

Mukaanda kuri bari Kolosayi 1:24

Mu lumalu, me nyimono kiminu, kunsa mpasi mu ntoono beenu, na me nyiri mu kukukisa mpasi dza mbamunu Kiristo, mu muswinyi waami, mu ntoono nyutu yaandi, ngo dibuundu.

Mukaanda kuri bari Kolosayi 2:19

Bo bahele kukaangama na mutu, bwakaangama nyutu yoyinso, mu biyikulu na misiinga mya nyutu, kuri nyutu yikwebuuka mu mbuukulu yifumunaa kuri Nzaambi.

Mukaanda kuri bari Kolosayi 3:15

Hemese kiyeengi kya Kiristo, ki bari baluteelele mbila mu nyutu mosi, kituma mitima mya beenu. Beeneenu bayaari kubvutula matoondo.