1 Kol 12:11 - Musamu Wamubwete 2013

¹¹ Myominso mimyo, yini Mpeeve yo yimosi na yiniyo yikwemiyirika, na yikwekabula bunu bu katiiriri kuri muutu-muutu.

1 Kol 12:11 ပူးပေါင်းရင်းမြစ်များ

Musamu wamubwete watina Matayi 11:26

Bunubwo Taata, ye bubwo watiiriri ti buba ha busu bwaaku.»

Musamu wamubwete watina Matayi 20:15

[Buri] me nyahele na miswa mu kuyirika ma ntiiri mu bitotolo byaami, hoti ye wuri na miisu mbengele, bukuri me ngaa-mutima-bubwete?"

Musamu wamubwete watina Yowane 3:27

Yowane wabvutula na waleele ti: «Muutu kari ntaambula kitotolo ti kimosi ko, mbuti yulu dyahele kumuha kyo.

Musamu wamubwete watina Yowane 3:8

Kiteembu kilutaana ku kitiiri, ye wuyukaa lusuku lwaandi, ngo ye wahele kuyaaba ku kifumini, na ku kiri mu kweende. Bunubwo se buri, mu mpisi wabutuka mu Mpeeve.»

Musamu wamubwete watina Yowane 5:21

Bunu bukoofulukisaa Taayi bafwa na kubasa bamwooyo, bunubwo se Mwaana wusaana wamwooyo wunde wu katiiri.

Mukaanda kuri bari Loma 12:6

Turi na bikabu byasobokono, bunu buri bweese bu bari batuha. Mbuti mbikululu, lo yiba bunu bu yelemini mu kanyi;

Mukaanda kuri bari Loma 9:18

Hango-nkuumbu, kuri wunde wu katiiri kubakila ngebe, lo wumubakiri ngebe; kuri wunde wu katiiri kukubisa mutima, lo wumukubisiri.

1 Kol 12:18

Ngo mu lumalu, Nzaambi wasuusa mpisi kinamu mu nyutu bunu bu katiiriri.

1 Kol 12:4

Bikabu bya bweese biri mu bitsuumbu-bitsuumbu, ngo Mpeeve yiniyo;

1 Kol 12:6

Biyiriki biri mu bitsuumbu-bitsuumbu, ngo Nzaambi yiniyo, yiyirikaa momanso mu bobanso.

1 Kol 7:17

Mu myakaka ngo miri, hemese mpisi muutu kaba mu kiteesu kya muha Mfumu, mpisi muutu kadyaatila bunu buri mbila yamuteele Nzaambi. Mamo me nyiri mu kuloombo munsa mabuundu momanso.

1 Kol 7:7

Me mbee ntii kwaandi, ti baatu bobanso baba bunu me; kasi mpisi muutu wuri na kikabu kya nde-meene kya muha Nzaambi, wamosi wuri na kimaki, wakaka wuri na kikyo.

2 Kol 10:13

Beetu ngo bari twahele kusa kimweese kwa mansaalisi, ngo beetu kusiila bunu buri kiteesu kya kisalu kya tuha Nzaambi, mu kutubuka natee kuri beenu.

Mukaanda kuri bari Efeso 1:11

Mu nde, beetu twataambula saala mu nteelulu wari, batekesele kutusoolo, bunu buri bitaasi bya wunde wuyirikaana momanso, bunu buri kutya kwaandi,

Mukaanda kuri bari Efeso 4:7

Kuri mpisi muutu mu beetu, bari baha bweese, bunu buri kiteesu kya kikabu kya Kiristo.

Mukaanda kuri Bahebeleho 2:4

mu kusiingisa kimbaangi kya Nzaambi mu bidiimbu, mu bimaangu, na biyiriki bya mpinu bya bitsuumbu-bitsuumbu, na mu bikabu bya Mpeeve Yangisi, bunu buri kutya kwaandi.

Mukaanda wa Yakobo 1:18

Mu kutya kwaandi, nde watubuta mu maampu ma ngwanwa, mu kuba bunu mintekesele mu biyiriki byaandi.