1 Kol 10:33 - Musamu Wamubwete 2013

³³ ngo beenee bunu me, wuri mu myominso, nyisakaa kubweeye kuri bobanso. Me nyahele kusaka ndaandu ya wunu me-meene kitsu, ngo ndaandu ya balaka, mpisi baba babvuukusu.

1 Kol 10:33 ပူးပေါင်းရင်းမြစ်များ

Mukaanda kuri bari Loma 11:14

mbuti heki mu bubwo, lo me nsii kuri ti, baturi mu kaanda dya muswinyi basa bukwa, na me mvuukisa babamosi mu bo.

Mukaanda kuri bari Loma 12:5

bunubwo se, beetuneenu turi balaka, ngo turi nyutu mosi mu Kiristo, na mpisi muutu wuri kinamu mu nyutu mbaasi.

1 Kol 10:24

Muutu yaa kesaka ndaandu yini ya nde-meene ko, ngo kesaka se ya mukimi.

1 Kol 13:5

yayirikaa dya nsoni ko, yasakaa ndaandu ya nde-meene ko, yabakaa nkesi ko, yakebaa makooti ko,

2 Kol 12:14

Yimayi ngo mbala yatatu, me mwaayirima mu kwiisa kuri beenu, ngo nyahele kwiisa kuludiila manene; bukuri me bi nyiri na nzala byo kari bitotolo bya beenu ko, ngo beenu-meene. Mukwongo, kari baala bayelemini kuwungukila babuti bitotolo ko, ngo babuti bayelemini kuwungukila baala bitotolo.

2 Kol 12:19

Kuholosono na kidzika, beenu kutsima ti beetu manyutu turi mu kukalila ha busu bweenu. Ngo ha busu bwa Nzaambi, mu Kiristo, beetu turi mu kudzoonso; na myominso mimyo, banduku ba mutima mu ntoono ya kulutuunga.

Mukaanda kuri bari Ngalatya 1:10

Mukwongo, mu lumalu, me nsalila makwa mu kuyirika ma tiiri baatu hoti ma tiiri Nzaambi? Buri haho mbweeyulu kuri baatu nyisaka? Mbuti mbee nyakiri kwesaka mbweeyulu kuri baatu, lo nketyee kuba nkutu Kiristo ko.

Mukaanda kuri bari Filipo 2:21

Bobanso kwenama misamu mini mya bo-meene, nkani ka mya Yesu Kiristo ko.

1 Tes 2:16

Bakwetukabukisa kuyikisa bangooyi mpisi bahele kubvuuka. Mu didyo bo bari mu kukukisilaana kiteesu kya masumu maaku, mpisi ntaangu. Ngo ku manunu nkesi dza Nzaambi dzi mwaa kubatubukila.