1 Kol 10:14 - Musamu Wamubwete 2013

¹⁴ Hango-nkuumbu, banduku baami ba mutima, ya lwekokosolo ku bakwesaambila biteki ko.

1 Kol 10:14 ပူးပေါင်းရင်းမြစ်များ

Biyiriki bya Bantumu 15:20

Kasi batinineenu mu mukaanda ti yaa besumuka mu biteki ko, yaa besa buyala ko, yaa bedya toongo twa bibulu byadzusa mu tsukusulu muwuumunu, na bedya makila ko.

Mukaanda kuri bari Loma 12:19

Banduku ba mutima, yaa lubvutula kitete ko, ngo hemesee nkesi dza Nzaambi dzisala, bukuri dyatinu ti: «Me nyibvutula kitete, me nyikabula museendu,» bu leele Mfumu.

1 Kol 10:15

Me nyiri mu kuludzoonsolo bunu ti kuri baatu bari na nyukulu, fyongokineenu beenu-meene mi nyileele me.

1 Kol 10:19

Ngo me ndeele ti kwe? Buri toongo twaha mu kikabu turi mufunu, hoti biteki biri mufunu?

1 Kol 10:7

Yaa luba bakwesaambila biteki ko, bunu babamosi mu bo, bunu bu diri dyatinu: «Baatu bamanaa kudzakala mu kudya na kunwa, ha batelemini mu kusakana.»

1 Kol 5:11

Ngo mi nyiri nyalutinini me miri ti, yaa lwebvuutuna na muutu wuleele kuri ti nde mpaangi, kasi kiyala kari, bunu pe ngaa-nsoki-mboongo, bunu pe munsaambiri-biteki, bunu pe ngaa-bitari, bunu pe mukori-malu, bunu pe wukwedzika bya baatu, muutu wa bubwo, lo beenu ti kudya pe kintwaari na nde.

2 Kol 11:11

Bukuri nki? Mu kuri ti me nyahele ku lutya? Nzaambi yaari.

2 Kol 12:15

Me ngo wuri, nyiri na kutya mu kuha bi nyiri na byo, na sa nyaha kidziingu kyaami mu ntoono miheebulu mya beenu. Habaanaa me nyiri na ntiilu yalaka mu beenu, buri lo beenu ntiilu yantele luba na yo mu me?

2 Kol 12:19

Kuholosono na kidzika, beenu kutsima ti beetu manyutu turi mu kukalila ha busu bweenu. Ngo ha busu bwa Nzaambi, mu Kiristo, beetu turi mu kudzoonso; na myominso mimyo, banduku ba mutima mu ntoono ya kulutuunga.

2 Kol 6:17

Hango nkuumbu, Mfumu ti: «Paleenu ha kakati dya bo, na haambikiseenu na bo. Yaa lubelemene kitotolo ti kimosi kya sumuka ko, na me sa nyalutaambula.

2 Kol 7:1

Ngo banduku ba mutima, bukuri turi na nsiilulu dza bubwo, tutsyeemekeenu mu mamviindu momanso ma muswinyi na ma kiluunsi, na tukukiseenu bungisi kunsa kibvumi kya Nzaambi.

Mukaanda kuri bari Filipo 4:1

Mu didyo, bampaangi baami ba mutima, ba ntiiri kwalaka, beenu luri kiminu kyaami na lukoongolo lwaami; ngo banduku ba mutima, beenee na keketee mu Mfumu.

Film 1:1

Me Pawulo, boroko dya Kiristo Yesu, na mpaangi Timoteho, kuri Filemone, mbaasi yeetu ya mutima na ya kisalu,

Mukaanda kuri Bahebeleho 6:9

Ngo banduku ba mutima, ti bukuri turi mu kudzoonsolo bubwo, beetu tuyirikiri kuyaaba mu mitariri beenu, ti luri mu kiteesu kibvuriri bubwete, na lwakwaata mvuukulu.

1 Pet 2:11

Banduku ba mutima, me nyilusyaamisa bunu minzakikiri miri ku bunzeense, mu kukaanga mutima, mu kuhele kubwa mu nyiimunu dza muswinyi, dzikwenwaanisa muheebulu.

1 Yow 5:21

Mwaa-baala, seenee madyeele beenu-meene mu ntoono biteki.

Nyabusulu ya Yowane 13:8

Bobanso badzakala ha butoto, sa basaambila kibulu kikyo; bobanso bari mankuumbu mahele kutina, mu mukaanda wa mwooyo wa Mwaana kimeeme, wubakekiri, kuholosono kunu mbandukulu nsi.

Nyabusulu ya Yowane 2:14

Kasi me nyiri na munyoongi wantele mu ye: bukuri ye wuri na baatu bakaangama mu nyikusulu dza Balaami, waba yikisa kuri Balaki, bwa kubwiisila baala ba Isaheli, mu kudya toongo, twaha mu bikabu kuri biteki na kwesa buyala.

Nyabusulu ya Yowane 21:8

Nkani kuri babo bari na boomo, bahele kukwiikama, bangaa-bubi, badzusi, biyala, bangaa-makundu, misaambiri mya biteki, na bobanso bangaa-mpya, saala dya bo ngo dyaanga dya mbaawu ya mile, lulwo ngo lufwa lwadzoolo.»

Nyabusulu ya Yowane 22:15

Bambwa, bangaa-makundu, biyala, badzusi, misaambiri mya biteki, na mpisi wunde wutyaanaa mpya, na wusalilaa mpya, ku mbasi baba.