1 Kol 1:9 - Musamu Wamubwete 2013

⁹ Nzaambi wakwiikama, nde waluteele mbila mu kuba kintwaari na mwaana waandi Yesu Kiristo, Mfumu yeetu.

1 Kol 1:9 ပူးပေါင်းရင်းမြစ်များ

Musamu wamubwete watina Matayi 24:35

Yulu na butoto sa byalabuka, ngo maampu maami ka mari ndabukulu ko.»

Musamu wamubwete watina Yowane 17:21

mpisi heki bobanso baba mosi, bunu buri ye Taata mu me, na me se mu ye, mpisi heki bo se baba mu beetu, kuri heki nsi yisa kanyi, ti ye wampeeke.

Mukaanda kuri bari Loma 11:17

Ngo mbuti mu muti wu bakunini, bimpaala byabimosi byatabulu, na ye wuri muti wa ku musitu, bakukwiikiri mu muti wunde, mu kuba kintwaari na bimpaala byasaala, na kutaambula maampa mafumuna mu myaansi,

Mukaanda kuri bari Loma 8:28

Beetu tuyaari kuri ti, byobinso bisalisinaana mu bubwe bwa batyaanaa Nzaambi, babo bakari kateele mbila bunu buri bitaasi byaandi.

Mukaanda kuri bari Loma 8:30

Babo ba kataasiri, babo se kari kateele mbila; babo ba kari kateele mbila, babo se kari kalulukisa; babo ba kari kalulukisa, babo se kari kakeembese.

Mukaanda kuri bari Loma 9:24

Beetuneenu turi, babo ba kari kateele mbila, kari hani ha kakati dya Bayudayo kitsu ko, ngo se na ha kakati dya makaanda.

1 Kol 1:30

Nde wasa kuri ti beenu luba mu Kiristo Yesu, wuri wayeki nyaabulu yeetu yifumuna kuri Nzaambi, nsungumunu, bungisi na nkuululu,

1 Kol 10:13

Nsindukulu dzi lubwanikina na dzo, dzahele kuba dzaluta kiteesu, ngo dzayelemene mu baatu. Nzaambi wakwiikama, nde kaha miswa ko ti beenu luba lwasindukulu mu kiteesu kibvuriri makwa na beenu, ngo kunsa nsindukulu, nde sa kuluha mpwaani ya kupalila, kuri lubangisina kukuunda.

1 Kol 10:16

Mbasa ya lusakumunu yi tusakumunaana, yiri kintwaari na makila ma Kiristo. Mpa yi tubukunaana yiri kintwaari na nyutu Kiristo.

2 Kol 1:18

Nzaambi wakwiikama, ma turi mu kuleele kuri beenu, mahele kuba «heehe» na «pele».

Mukaanda kuri bari Ngalatya 1:15

Ngo [Nzaambi], wansoolo kuholosono mu mwooyo nguri yaami, wanteele mbila mu bweese bwaandi, bu kamono dyo ti dyadibwete,

Mukaanda kuri bari Ngalatya 2:20

Me nyiri mwooyo, ngo kari me ko, kasi Kiristo wuri mwooyo mu me. Mi nyikwemono me lumalu, mu kidziingu kya me mu muswinyi, me nyikwenata myo mu kanyi di nyiri na dyo mu Mwaana Nzaambi, wantya na wayekiri nyutu yaandi mu ntoono me.

Mukaanda kuri bari Efeso 3:6

Mu nzila ya Musamu Wamubwete, makaanda se meki bakondiri ba saala mu kintwaari, bari mu nyutu mosi, na bataambula ha kimosi na Bayudayo, lusiilulu luri mu Yesu Kiristo.

Mukaanda kuri bari Kolosayi 1:24

Mu lumalu, me nyimono kiminu, kunsa mpasi mu ntoono beenu, na me nyiri mu kukukisa mpasi dza mbamunu Kiristo, mu muswinyi waami, mu ntoono nyutu yaandi, ngo dibuundu.

1 Tes 2:12

Beetu twaba kweluboondaana, kwelusyaamisaana, na kweluyingukilaana mu kuba na ndyaatulu yitiiri Nzaambi, nde wuri mu kuluteele mu kimfumu na mu nkeembu yaandi.

2 Tes 2:14

Mu didyo, Nzaambi kari kaluteele mbila mu Musamu Wamubwete wu turi twaluyikisa, mu kubaka nkeembu ya Mfumu yeetu Yesu Kiristo.

2 Tes 3:3

Ngo Mfumu wakwiikama, nde sa kalukumisa na kulukala mu Ngaa-bubi.

2 Tim 1:9

Nde watubvuukisa, na watuteele mbila yangisi, kari mu ntoono biyiriki byeetu ko, ngo kasi bunu buri bitaasi bya nde-meene na bweese bu kari katuha mu Kiristo Yesu, tekesele mantaangu mahela kuwa.

2 Tim 2:13

mbuti twahele kukwiikama, nde wuri wakwiikama, bukuri nde lo kabangusina kutuna nyutu ya nde-meene ko.»

Mukaanda kuri Tito 1:2

mu nsiitu dza kidziingu kya bibvu ngo bibvu kiri Nzaambi, nde wahele kuba ngaa-mpya, wasa nsiilulu tekesele mantaangu ma bibvu ngo bibvu.

Mukaanda kuri Bahebeleho 10:23

Hemese tukebeenu nsiitu yi turi mu kweyaabisa, kwahele mpololo-bito, bukuri wunde wasa lusiilulu wakwiikama.

Mukaanda kuri Bahebeleho 11:11

Mu kanyi, Sara nde se, ti bukuri waba kisita na mibvu myaba myeki myaluta, nde wabangusini kusa busoombi, bukuri nde wamwiini ti wunde wasa nsiilulu wakwiikama.

Mukaanda kuri Bahebeleho 2:17

Mu didyo, nde kaba kafwanikina na bampaangi baandi mu myominso, mpisi kaba mukuutu bangaanga-nzaambi, ngaa-ngebe na wakwiikama mu kisalu kya Nzaambi, mu kufuta masumu ma baatu.

Mukaanda kuri Bahebeleho 3:1

Hango, bampaangi bangisi, beenu luri kintwaari mu mbila ya ku yulu, siilee mutima mu wunde wuri ntumu, na mukuutu bangaanga-nzaambi, wu turi twasiila kanyi, ngo Yesu.

Mukaanda kuri Bahebeleho 3:14

Bukuri beetu turi bakweyeende kintwaari na Kiristo, mbuti tukebiri na keketee kibeendu kyeetu ku mbandukulu natee ku manunu.

Mukaanda kuri Bahebeleho 6:18

mpisi heki mu misamu myoolo miri myayiingaa ko, miri lo Nzaambi wahele kusa mpya, tutaambuleenu nsyamusunu dzalaka, mu kukwaata na keketee nsiitu dzi bari batutaasila;

1 Pet 5:10

Nzaambi ya mabweese momanso, waluteele mbila mu kukoto mu nkeembu yaandi yahele manunu mu Kiristo Yesu, bu lumwiini mpasi mu mwaa-ntaangu, sa kabweese kalutelemese nde-meene, sa kalukumisa, sa kaluha makwa na sa kalusa na keketee.

1 Yow 1:3

Mamo ma turi twamono, ma turi twayuka, tuyaabisa mo se kuri beenu, mpisi heki beenu se luba mu kintwaari na beetu. Ngo kintwaari kyeetu, kintwaari na Taata na Mwaana waandi Yesu Kiristo.

1 Yow 1:7

mbuti beetu tudyaatila kunsa buungi, lo turi mu kintwaari beetu na beetu, na makila ma Yesu, Mwaana waandi, matutsyeemisaa mu mpisi sumu.

1 Yow 4:13

Beetu tuyaabilaa ti twasa kikuundi mu nde, na nde wasa kikuundi mu beetu, bukuri nde watuha Mpeeve yaandi.

Nyabusulu ya Yowane 19:11

Me nyamono yulu dyadzibulu, na kavaalu dyahembeke dyapala, waba wadzakala ha yulu dyo, nkuumbu yaandi wakwiikama na wangwanwa. Nde wutsuundisaa na wunwaanaa mudziingu kunsa nsungumunu.