1 Kol 1:7 - Musamu Wamubwete 2013

⁷ kuri lo beenu luri ti na kikabu kimosi ki luri kyo pe ko, buluri mu kwekiingila monokunu ya Mfumu yeetu Yesu Kiristo.

1 Kol 1:7 ပူးပေါင်းရင်းမြစ်များ

Musamu wamubwete watina Matayi 25:1

«Kimfumu kya mayulu kya fwanikina na bantuumba kuumi banswaasa, bari bu baholo miinda mya bo, bayende mu kweebwaana mulumi.

Musamu wamubwete watina Luka 12:36

Beenee bunu baatu bari mu kukiingila mfumu yaaku, mu ntaangu yi kafumuna ku makweele, mpisi heki bu katubukiri na kombitiri, bo bamudzibukiri mu mawasu.

Musamu wamubwete watina Luka 17:30

Bunubwo se, mbasi-tsuku buba mu kiluumbu, kiyabukina Mwaana muutu.»

Mukaanda kuri bari Loma 8:19

Mukwongo, nsi yoyinso yiri mu kwekiingila mu kinsukulu-mutima, ntaangu mbasi-tsuku, yi yabakana baala ba Nzaambi.

Mukaanda kuri bari Loma 8:23

Kari yini nsi yo yikaka ko, ngo na beetu se tumwaabaka mintekesele mya Mpeeve; beetu se mu beetu-meene, tukwekuuma mu kwekiingila ntaangu ya kuba baala ba Nzaambi, na ya nkuululu manyutu meetu.

1 Kol 4:5

Hango, yaa lutsuundisa muutu ko, tekesele ntaangu yitubuka, natee Mfumu wiisiri. Nde mbasi-tsuku wuyaabisa mansweeki mari ku mampimbisi, na kusoongo bitsimi bya mitima. Haho, mpisi muutu kataambula masiiku kuri Nzaambi.

2 Kol 12:13

Mukwongo, nki beenu luri lwabaka biri mwaa-byantele, ti na biri na mabuundu makaka, buti ka kuri ti, me nyahele kuludiila manene ko? Hemesenee me mu bubayi bubwo.

Mukaanda kuri bari Ngalatya 5:5

Mukwongo, mu Mpeeve, beetu turi mu kwekiingila nsungumunu yi turi twasiila nsiitu mu kanyi.

Mukaanda kuri bari Filipo 3:20

Mukwongo, bula bweetu ngo mayulu, kukwo kuri Mubvuukisi wu turi mu kwekiinga, Mfumu Yesu Kiristo.

Mukaanda kuri bari Kolosayi 3:4

Mu ntaangu mbasi-tsuku yi monokono Kiristo, nde wuri kidziingu kyeenu, beenu se kintwaari na nde sa lwamonokono mu nkeembu.

1 Tes 1:10

na mu kwekiingila Mwaana waandi wufumuna ku mayulu, wu kafulukisi mu bafwa, Yesu, nde wutukuula mu nkesi dzikwiisa.

2 Tes 1:7

na kaha mpuumunu, kuri beenu luri mu kwemono manyoongi, na kuri beetu. Mimyo mbasi-tsuku sa myaba ha monokono Mfumu Yesu mu mayulu na bambasi ba mpinu dzaandi,

2 Tim 4:8

Mu lumalu, ba mwaampungukila mpu ya nsungumunu, mbasi-tsuku yi nyakisa Mfumu, mutsuundisi wasuunguma, mu kiluumbu kikyo; kari kunu kuri me ko, ngo kuri bobanso se batiiri monokunu yaandi.

Mukaanda kuri Tito 2:13

mu kwekiingila nsiitu yayibwete, na monokunu nkeembu ya Nzaambi wadzaangama, na ya Mubvuukisi weetu Yesu Kiristo.

Mukaanda kuri Bahebeleho 9:28

bunubwo se, Kiristo bamuha mu kikabu mbala mosi, mu kuyusula masumu ma fundu-fundu dya baatu, na kumonokono lwadzoolo kwahele masumu, kuri babo bamukiinga, mpisi kabaha mvuukulu.

1 Pet 1:13

Hango-nkuumbu, beeneenu balubuka, beeneenu bari na ndiilu na nwiinu byayelemene, sileenu nsiitu dzodzinso mu bweese bu balutwalikila, mu ntaangu yimonokono Yesu Kiristo.

1 Pet 4:13

Ngo bukuri beenu luri na kikuuku mu mpasi dza Kiristo, lo monee kiminu, mpisi heki mu ntaangu yiyabakana nkeembu yaandi, beenu lutirimika mu kiminu.

1 Pet 5:4

Tumi ha monokono mukuutu batari, beenu lutaambula lukoongolo lwa nkeembu luri lwabiiya ko.

2 Pet 3:12

bu luri mu kwekiinga na kwebingukila nyisulu kiluumbu kya Nzaambi! Mu kiluumbu kikyo, mayulu makweluluka sa masulumuka, na bitotolo bikwehense mu mbaawu sa byanyengemuke.

1 Yow 3:2

Banduku ba mutima, mu lumalu turi baala ba Nzaambi, na bubwo mbasi-tsuku bu tubeenee bwakiri kumonokono pe. Tuyaari kuri ti: mbuti nde monokini, lo beetu sa twafwanikina na nde, bukuri sa twamumono bunu bu kari.

Mukaanda Yuda 1:21

Beenu-meene kebee manyutu kunsa ntiilu ya Nzaambi, bu luri mu kwekiingila ngebe dza Mfumu yeetu Yesu Kiristo, mu kubaka kidziingu kyahele manunu.