1 Kol 1:30 - Musamu Wamubwete 2013

³⁰ Nde wasa kuri ti beenu luba mu Kiristo Yesu, wuri wayeki nyaabulu yeetu yifumuna kuri Nzaambi, nsungumunu, bungisi na nkuululu,

1 Kol 1:30 ပူးပေါင်းရင်းမြစ်များ

Musamu wamubwete watina Matayi 1:21

Nde sa kabuta mwaana wa mubakala na ye sa wamuteele nkuumbu Yesu; bukuri nde sa kabvuukisa baatu baandi mu masumu ma bo.»

Musamu wamubwete watina Luka 11:49

Hango-nkuumbu madyeele ma Nzaambi maleele ti: "Me sa nyabaheekele babikiri na bantumu; na bo sa badzusa babamosi, na kukwaamisa bakaka",

Musamu wamubwete watina Luka 21:15

bukuri me-meene, sa nyaluha mi ludzoonso na madyeele, kuri lo bataatu ba beenu, babangusina kulutungukila ko, na kuhaakula mi luleele ko.

Musamu wamubwete watina Yowane 1:18

Kuri muutu wu mwaamono Nzaambi ko; ngo Mwaana ndemosi wuri Nzaambi, wuri munsa Taayi, nde kooyaabisa.

Musamu wamubwete watina Yowane 14:6

Yesu waleele kuri nde ti: «Me ngo nzila, ngwanwa na bumwooyo; kuri muutu wukweende kuri Taata, mbuti ka mu me ko.

Musamu wamubwete watina Yowane 17:26

Me nyabayaabisa nkuumbu yaaku, na me sa mbweese kubayaabisa, mpisi heki ntiilu yi wuri watiila me, yiba mu bo, na me se mu bo.»

Musamu wamubwete watina Yowane 17:8

bukuri maampu ma wampeeri, me nyabahee mo, na bo bamataamburi na bayaaburi mu ngwanwa ti me nyapalila kuri ye, na basiiriri kanyi ti ye wampeekiri.»

Musamu wamubwete watina Yowane 8:12

Haho Yesu wabweese kudzoonso kuri bo waleele ti: «Me ngo buungi bwa nsi, wunde wunama me, kari ndyaatila kunsa mampimbisi ko, ngo sa kabaka buungi bwa kidziingu.»

Biyiriki bya Bantumu 26:18

Me nyikuheekiri mu kudzibula miisu mya bo, mpisi bapala mu mampimbisi biisa ku buungi, bapala na mu lutumu lwa Satana, mu kuba mu lwa Nzaambi, mu kutaambula mpemusunu ya masumu, na bataambula kikuuku ha kakati dya bangisi mu kanyi dibasa mu me."

Mukaanda kuri bari Loma 1:17

Bukuri nsungumunu ya Nzaambi yayabakana mu nde, mu kanyi na mu ntoono kanyi bunu bu diri dyatinu: «Ngaa-kusuunguma sa kaba mwooyo mu kanyi.»

Mukaanda kuri bari Loma 11:36

Bukuri byobinso kuri nde, mu nde na bya nde. Kuri nde kuba nkeembu mu bibvu! Amene.

Mukaanda kuri bari Loma 12:5

bunubwo se, beetuneenu turi balaka, ngo turi nyutu mosi mu Kiristo, na mpisi muutu wuri kinamu mu nyutu mbaasi.

Mukaanda kuri bari Loma 16:11

Heenee mboto kuri Erodyono, kaanda dyaami. Heenee mboto kuri baatu ba Narkiso bari mu Mfumu.

Mukaanda kuri bari Loma 16:7

Heenee mboto kuri Anderoniko bo na Yunya, bo bari kaanda dyaami, na bambaasi baami ba mu boroko, baatu ba mvuumfu ha kakati dya bantumu, bo batekisiri kuba mu Kiristo ti na me.

Mukaanda kuri bari Loma 4:25

Nde bamuyekele mu ntoono masumu meetu, na Nzaambi wamufulukisi mpisi tuba basuunguma.

Mukaanda kuri bari Loma 4:6

Mu didyo se, Davidi kari mu kudzoonsolo mu lwambwe, lwa muutu wuri Nzaambi wamululukisa kwahele biyiriki:

Mukaanda kuri bari Loma 5:19

bunubwo se buri, mu nko dza muutu mosi, balaka babwa mu masumu, bwobumosi se mu bintambukulu bya muutu mosi, balaka sa baba balulukusu.

Mukaanda kuri bari Loma 5:21

mpisi heki, bunu bwaba masumu kuri mari na lutumu mu lufwa, bunubwo se bweese buri na lutumu mu nsungumunu, mu kuha kidziingu kyahele manunu, mu Yesu Kiristo, Mfumu yeetu.

Mukaanda kuri bari Loma 8:1

Ngo mu lumalu, kwasaala mbwiilu mu mutsuundu ko, kuri babo bari mu Kiristo Yesu.

Mukaanda kuri bari Loma 8:23

Kari yini nsi yo yikaka ko, ngo na beetu se tumwaabaka mintekesele mya Mpeeve; beetu se mu beetu-meene, tukwekuuma mu kwekiingila ntaangu ya kuba baala ba Nzaambi, na ya nkuululu manyutu meetu.

Mukaanda kuri bari Loma 8:9

Beenu lwahele kuba mu muswinyi, ngo luri mu Mpeeve, mbuti heki Mpeeve Nzaambi yadzakala mu beenu. Mbuti muutu wahele na Mpeeve ya Kiristo, lo nde kari wa Kiristo ko.

1 Kol 1:2

tutina kuri dibuundu dya Nzaambi diri ku Korinto, kuri ba bari basakumuna mu Yesu Kiristo, bataambula mbila mu kuba bangisi, kintwaari na bobanso bateelaa nkuumbu ya Mfumu yeetu Yesu Kiristo, mu mpisi kibeendu, Mfumu bo, yiri ya beetu se.

1 Kol 1:24

kasi kuri bataambula mbila, Bayudayo na Bahelene, Kiristo ngo mpinu na nyaabulu ya Nzaambi.

1 Kol 12:18

Ngo mu lumalu, Nzaambi wasuusa mpisi kinamu mu nyutu bunu bu katiiriri.

1 Kol 12:27

Beenu luri nyutu Kiristo, na mpisi muutu kinamu kya nyutu.

1 Kol 12:8

Mukwongo, kuri wamosi Mpeeve waha maampu ma madyeele, kuri wakaka maampu ma nyaabulu bu tiiri Mpeeve yiniyo,

1 Kol 4:15

Mukwongo, lu ti hayuku lwiisiri kubaka mafuunda ma bayikisi mu Kiristo, lo luri na bataayi balaka ko, bukuri mu Kiristo Yesu, me nyalubutiri mu nyabusulu Musamu Wamubwete.

1 Kol 6:11

Babamosi mu beenu bubwo baba, kasi lwayeki lwaswaaku, lwayeki lwataambula bungisi, lwayeki lwalulukusu mu nkuumbu ya Mfumu Yesu Kiristo, na mu Mpeeve ya Nzaambi yeetu.

2 Kol 12:2

Me nyaari muutu mosi mu Kiristo wuri, mibvu kuumi na mina mimwaaluta, kari mu nyutu yaandi, kari kwahele nyutu yaandi me nyaari ko, ngo Nzaambi yaari, muutu wunde bamunaakisa natee ku yulu dya matatu.

2 Kol 4:6

Bukuri Nzaambi waleeriri ti: «Mu mampimbisi, buungi sa bwaseme!» Nde wasemini mu mitima myeetu, mu kusoongo nteendele ya nyaabulu nkeembu Nzaambi, ku busu bwa Yesu Kiristo.

Mukaanda kuri bari Ngalatya 1:4

Yesu Kiristo wayekiri nyutu yaandi mu ntoono masumu ma beetu, mpisi heki katukuula mu ntaangu yayibi yimayi, bunu buri kutya kwa Nzaambi wuri Taayi dyeetu.

Mukaanda kuri bari Ngalatya 3:13

Kiristo watukuula mu mpopi ya Mangisi, bu kabwilikila mpopi mu ntoono beetu, bukuri dyatinu ti: «Mpisi wunde wu bari bamanika ha yulu muti, lo kabwilikila mpopi.»

Mukaanda kuri bari Efeso 1:10

mu ntoono kitsimi kya nkukulu mantaangu: kukutukisa byobinso mu Kiristo, biri ku mayulu na biri ha butoto mu nde.

Mukaanda kuri bari Efeso 1:14

Mpeeve yiyo, yitukebelaa saala dyeetu, natee mu nkuululu yi tubaka mu ntoono ndumusu ya nkeembu yaandi.

Mukaanda kuri bari Efeso 1:7

Mu nde, beetu turi na nkuululu mu makila maandi, na mpemusunu ya lumvuki, bunu buri busina bwa bweese bwaandi,

Mukaanda kuri bari Efeso 2:10

Mukwongo, beetu turi biyiriki bya Nzaambi, nde watuyirika mu Kiristo Yesu, mu kuba na biyiriki byabibwete, bi kari katekesele kuyirika, mpisi tubisalila.

Mukaanda kuri bari Efeso 4:30

Yaa lunyoongoso Mpeeve Yangisi ya Nzaambi ko, mu yo beenu bari balusa kidiimbu mu kiluumbu kya nkuululu.

Mukaanda kuri bari Efeso 5:26

Nde wadisa dyangisi mu kuditsyeemese mu nswaakulu ya maampa, kunsa Maampu;

Mukaanda kuri bari Filipo 3:9

na bamwiinina me mu nde, kuri nyahele na nsungumunu ya me-meene, yiri kubakila kari mu mangisi ko, ngo yiri kubakila mu kanyi mu Kiristo, yifumunaa kuri Nzaambi, yatuunguma ha yulu kanyi.

Mukaanda kuri bari Kolosayi 1:14

Mu nde, beetu turi na nkuululu na mpemisi ya masumu.

Mukaanda kuri bari Kolosayi 3:16

Hemese maampu ma Kiristo madzakala mu beenu mu busina. Mu madyeele momanso, yikisineenu na lubusineenu beenu na beenu, mu mikuunga mya ndoombulu, mya ndumusu na mya kimpeeve. Yimbikilee Nzaambi mikuunga mya matoondo mu mitima myeenu.

1 Tes 5:23

Hemese Nzaambi ya kiyeengi nde-meene, kalusa bangisi mu kiteesu kyakuka, na bumuutu bwa beenu bwobunso, kiluunsi, muheebulu na nyutu, biba byakebu kwahele maseembu, mu nyisulu Mfumu yeetu Yesu Kiristo.

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

Mukaanda kuri Bahebeleho 9:12

Nde wakoto mbala mosi mu nzo yangisi, kari na makila ma bantaba na ma bangoombo ko, ngo na makila ma nde-meene, mu kutamuna nkuululu yahele manunu.

Mukaanda wa Yakobo 1:5

Ngo mbuti muutu mu beenu wahele na madyeele, lo kaloombo kuri Nzaambi, wuhaanaa kuri bobanso kwa mungengi, na kwahele biŋaŋunu, na sa kamuha mo.

1 Pet 1:2

bunu buri nyaabulu yatekesele ya Taata Nzaambi, mu mpeelu bungisi ya Mpeeve, mu ntumumunu na nyakunu makila ma Yesu Kiristo. Bweese na kiyeengi biba byafunusu kuri beenu!

2 Pet 1:1

Simehoni Petelo, nkutu na ntumu Yesu Kiristo, kuri babo bataambula kanyi diri ntalu yo yimosi na dya beetu, mu nsungumunu ya Nzaambi yeetu, na ya Mubvuukisi Yesu Kiristo.

1 Yow 5:6

Yesu Kiristo ngo wunde wayisiri na maampa na makila, kari na mani maampa kitsu ko, ngo na maampa na makila; Mpeeve ngo muteeri kimbaangi, bukuri Mpeeve ngo ngwanwa.

Nyabusulu ya Yowane 14:4

Bamaba ngo babo bari basii kusumuka mu bakyeetu ko, bukuri baba bakiri banswaasa, bamaba ngo bari mu kwenama Mwaana kimeeme kwokunso ku ka kweyende. Bamaba ngo ba bari bakuula ha kakati dya baatu, mintekesele mya Nzaambi na mya Mwaana kimeeme.

Nyabusulu ya Yowane 5:9

Baba yimbilaana mukuunga wamoono ti: «Ye wayelemene kuholo mukaanda, na kudzibula binyemu byaandi, bukuri ye bakukekiri, na mu makila maaku, ye wakuula baatu mu ntoono Nzaambi, ba bitsuumbu byobinso, mandiinga momanso, baatu bobanso, na makaanda momanso.