1 Kol 1:21 - Musamu Wamubwete 2013

²¹ Mukwongo, bukuri nsi mu nyaabulu ya nde-meene wahele kuyaaba Nzaambi, kunsa nyaabulu ya Nzaambi. Nzaambi wamono dyo dyadibwete mu kubvuukisa, mu bulawuku bwa nyikusulu, baatu basiila kanyi.

1 Kol 1:21 ပူးပေါင်းရင်းမြစ်များ

Musamu wamubwete watina Matayi 11:25

Mu ntaangu yiyo, Yesu wabaangula mbeembu waleele ti: «Me nyikudumusa, Taata, Mfumu ya ku yulu na ya ha butoto, bukuri bangaa-madyeele na bangaa-nyaabulu, ye wabasweeke misamu mimyo, ngo wayaabisa myo kuri mwaa-baala bantele.

Musamu wamubwete watina Luka 10:21

Mu kilookolo kinikyo, Yesu wakeembe [mu] Mpeeve Yangisi na waleele ti: «Me nyikudumusa, Taata, Mfumu ya ku yulu na ya ha butoto, bukuri bangaa-madyeele na bangaa-nyaabulu, ye wabasweeke misamu mimyo, ngo wayaabisa myo kuri mwaa-baala bantele. Bunubwo Taata, ye bubwo watiiriri ti buba ha busu bwaaku.

Musamu wamubwete watina Luka 12:32

Yaa ba na boomo ko mwaa-mpuumbu, bukuri Taayi dyeenu wamwiini ti bwabubwete mu kuluha Kimfumu.

Musamu wamubwete watina Yowane 12:31

Mu lumalu, nsundusulu ya nsi yeki; mu lumalu, mfumu ya nsi yimayi sa bamutuba ku mbasi;

Mukaanda kuri bari Loma 1:28

Ngo bukuri bahele na musoongo wa kuyaaba Nzaambi mu ngwanwa, Nzaambi wabayekele kunsa madyeele maaku mamabi, mu kweyirika mahele kuyelemene.

Mukaanda kuri bari Loma 11:33

Busina, madyeele na nyaabulu ya Nzaambi biri na musundu; nsundusulu dzaandi dziri na bwa kufyongokono ko, na manzila maandi mari na bwa kukotolo ko.

1 Kol 1:18

Mukwongo, maampu ma kuruwa bubwo bulawuku, kuri baatu bari mu kudziimbila; kasi mu beetu turi babvuukusu lo dzidzo mpinu dza Nzaambi.

1 Kol 1:23

Ngo kasi beetu, turi mu kweyaabisa Kiristo wakomono ha yulu kuruwa, Bayudayo babumina makya mu musamu wunde, na bangooyi bamono ti bulawuku,

1 Kol 1:24

kasi kuri bataambula mbila, Bayudayo na Bahelene, Kiristo ngo mpinu na nyaabulu ya Nzaambi.

1 Kol 1:25

Bukuri bulawuku bwa Nzaambi bubvuriri madyeele ti na baatu, na buyonsi bwa Nzaambi bubvuriri makwa ti na baatu.

1 Kol 1:27

Kasi, Nzaambi wasoolo bitotolo bya bulawuku ha nsi, mu kudzusa bangaa-madyeele nsoni; Nzaambi wasoolo bya buyonsi ha nsi, mu kudzusa bangaa-makwa nsoni;

1 Kol 11:32

Ngo tubaanaana twatsuundusu kuri Mfumu, lo turi basuunguku, mpisi bahele kutukesele mukanu kintwaari na nsi.

1 Kol 2:14

Muutu wuri na bitsimi bya kimuutu, lo kataambula mya Mpeeve ya Nzaambi ko; bukuri kuri nde bubwo bulawuku, nde lo katsiitsa kuyaaba ko, bukuri mimyo mu kimpeeve bayelemini kumifyongokono.

1 Kol 4:10

Beetu turi bilawuku mu ntoono Kiristo, kasi beenu luri bangaa-madyeele mu Kiristo; beetu turi na buyonsi, kasi beenu luri na makwa; beenu luri bakeembusu kasi beetu turi banyaafunu.

1 Kol 6:2

Buri beenu lwahele kuyaaba ti bangisi sa batsuundisa nsi? Ngo mbuti beenu lutsuundisa nsi, lo buri beenu lwahele kuyelemene mu kulalama misamu mya ntele?

Mukaanda kuri bari Ngalatya 1:15

Ngo [Nzaambi], wansoolo kuholosono mu mwooyo nguri yaami, wanteele mbila mu bweese bwaandi, bu kamono dyo ti dyadibwete,

Mukaanda kuri bari Ngalatya 4:8

Kasi mu ntaangu yayikulu, bu lwaba lwahele kuyaaba Nzaambi, beenu lwaba bankutu, kuri bibyo biri byahele kuba Nzaambi mu ngwanwa.

Mukaanda kuri bari Efeso 1:9

Nde watuyaabisa mpaanu dza kutya kwaandi, bunu buri kiminu kyaandi ki kasoongiri mu Kiristo,

Mukaanda kuri bari Efeso 3:10

Mu lumalu, mu nzila ya dibuundu, batumi na bamfumu ba kinsongi-yulu bamwaayaaba madyeele ma Nzaambi ma bitsuumbu-bitsuumbu,

Mukaanda kuri bari Kolosayi 1:19

Bukuri Nzaambi watiiri kudzakisa nduululu yoyinso ya kinzaambi kyaandi mu nde,

Mukaanda kuri Bahebeleho 1:14

Bambasi bobanso, mampeeve ma bari baheeke mu kisalu mu ntoono babo bakondolo mvuukulu.

Mukaanda kuri Bahebeleho 2:3

Ngo dyaburi beetu tubvuukila, mbuti tunyaafuni mvuukulu yayinene yiyo, yiri Mfumu wabaandikiri kuyaabisa, tumi babo bayukiri beki tswiikisa kuri beetu,

Mukaanda kuri Bahebeleho 7:25

Hango-nkuumbu, nde wakuka mu kubvuukisa kwa kinkulu, babo bakookokosolaa mu nde kuri Nzaambi, bukuri nde wuri mwooyo mu mantaangu momanso, mu kusaambila mu bo.

Mukaanda wa Yakobo 4:4

Bangaa-kimpala! Buri beenu lwahele kuyaaba ti kinduku na nsi ngo kitaatu na Nzaambi? Mpisi wunde wutiiri kuba nduku nsi, lo kitukiri mutaatu Nzaambi.

Mukaanda wa Yakobo 5:15

Lusaambulu lwa kanyi sa lwabvuukisa mubeeru, na Mfumu sa kamutelemese; na mbuti beeri wayirika masumu, lo sa kataambula mpemisi.

Mukaanda wa Yakobo 5:20

lo kayaaba ti: wunde wubvutula ngaa-masumu mu nzila yasuunguma, lo sa kabvuukisa muwuumunu nde mu lufwa, na sa kafuka fundu-fundu dya masumu.