1 Kol 1:10 - Musamu Wamubwete 2013

¹⁰ Bampaangi, me nyiluyingukila mu nkuumbu ya Mfumu yeetu Yesu Kiristo, yukusuneenu beenu na beenu, na yaa kuba nkabunu ha kakati dya beenu ko; beenee kintwaari mu mpeeve mosi na mu kitsimi kimosi.

1 Kol 1:10 ပူးပေါင်းရင်းမြစ်များ

Musamu wamubwete watina Matayi 9:16

«Kuri muutu ko wuloondaana kinkuta kyakikulu, mu kiteendi kya nsaanda yamoono. Bukuri lo kiteendi kya nsaanda yamoono, lo kikaakiri kinkuta, na kinkuta lo kihamisini kutyaabuka.

Musamu wamubwete watina Malako 2:21

«Kuri muutu ko wuloondaana kinkuta kyakikulu, mu kiteendi kya nsaanda yamoono. Bukuri kiteendi kya nsaanda yamoono, lo kikaakiri kinkuta kyakikulu, na kinkuta kihamisini kutyaabuka.

Musamu wamubwete watina Malako 3:24

Mbuti baatu bari na kimfumu bakwenwaana bo na bo, lo kimfumu kikyo kudziingula pe;

Musamu wamubwete watina Yowane 10:19

Nkabunu yabweese kubwa ha kakati dya Bayudayo mu ntoono maampu mamo.

Musamu wamubwete watina Yowane 17:23

me mu bo, ye mu me, mpisi heki bo baba mosi mu kiteesu kyakuka, kuri heki nsi yiyaaba ti ye wampeeke, na ye wabatya bunu bu wuri watiila me.

Musamu wamubwete watina Yowane 7:43

Nkabunu yakoto mu mpuumbu, mu ntoono nde.

Musamu wamubwete watina Yowane 9:16

Bafarisi babamosi baleele ti: «Wunde kari muutu wafumuni kuri Nzaambi ko, bukuri nde wahele kubvumina kiluumbu kya mpuumunu.» Ngo kasi bakaka baleele ti: «Muutu wuri na masumu, lo bangusini kuyirika bidiimbu bya bumabu?» Haho nkabunu yakoto mu bo.

Biyiriki bya Bantumu 4:32

Mukwongo, mpuumbu ya basiila kanyi yaba mutima mosi, na muheebulu mosi; kuri muutu ko waba na bitotolo bwa nde-meene, ngo byobinso byaba bya ntwaari.

Mukaanda kuri bari Loma 1:13

Bampaangi, me ntii ko ti beenu luba kunsa lubu. Mantaangu malaka me nkootsimaa kwiisa, mu kutolo bimbutu kuri beenu na kuri makaanda makaka, ngo natee mu lumalu me bankabikisa.

Mukaanda kuri bari Loma 12:1

Hango me nyisyaamisa beenu bampaangi, mu kyaari kya Nzaambi, mu kuyekele manyutu meenu bunu kikabu kyamwooyo, kyangisi na kyabweeye kuri Nzaambi. Yiyo ngo nsambukulu yangwanwa kuri beenu.

Mukaanda kuri bari Loma 12:16

Beenee na nyukusunu beenu na beenu, yaa luba na masiiku ko, ngo tambukilee ma kuluka. Yaa lumonoko ba bangaa-madyeele mu beenu-meene ko.

Mukaanda kuri bari Loma 15:30

Bampaangi, me nyilusyaamisa, mu Mfumu yeetu Yesu Kiristo, na mu ntiilu ya Mpeeve, mu kunwaana kintwaari na me, mu nsaambulu kuri Nzaambi, mu ntoono me.

Mukaanda kuri bari Loma 16:17

Bampaangi, me nyilusyaamisa mu kusa madyeele, mu baatu bakwesa nkabunu na bakwelubumusa makya, mu nyikusulu dzi luri lwataambula; batekelee mbisa;

1 Kol 1:11

Mukwongo, bampaangi, me nyayukiri kuri baatu ba mu kaanda dya Kolowe ti, kuri nkalikisi ha kakati dya beenu.

1 Kol 11:18

Dyatete diri, me nyiri mu kuyukaa ti, beenu bu lukookutukunaa mu dibuundu, lo ha kakati dya beenu hari nkabunu; me nyitsima ti musamu wunde kampe wangwanwa.

1 Kol 12:25

mpisi kuhele kuba nkabunu mu nyutu, ngo kasi binamu biba na kintwaari, na kwetsimina bambasi byo na byo.

1 Kol 3:3

bukuri beenu lwakiri baatu ba muswinyi. Mukwongo, habaanaa kuri bukwa, na mayumu ha kakati dya beenu, buri lo kari baatu ba muswinyi luri ko? Na kari mu kimuutu luri mu kwedyaatila ko?

1 Kol 4:16

Ngo me nyilusyaamisa mu kuba basoombisiri ba me.

2 Kol 10:1

Me Pawulo, nyilusyaamisa me-meene mu bundeembu, na mu mutima-bubwete wa Kiristo. Bakweleele ti, me nyiri na nsoni habaanaa nyiri ha kakati dya beenu, ngo kasi nyakasuka habaanaa nyiri la na beenu;

2 Kol 13:11

Mu misiiri ngo miri, bampaangi, monee kiminu, sakeenu kuba babaanguka, syamisinee beenu na beenu, beenee kitsimi kimosi, beenee na kiyeengi, na Nzaambi ya ntiilu na ya kiyeengi sa kaba na beenu.

2 Kol 13:9

Mukwongo, beetu tumonaa kiminu mpisi ntaangu yiri, beetu turi na buyonsi kasi beenu luri na makwa; mi turi mu kusambikilaa beetu miri ti beenu lubaanguka.

2 Kol 5:20

Beetuneenu ngo turi bamonikisi ba Kiristo, buni ti Nzaambi wuri mu kulusyaamisa mu beetu; beetu tuluyiingikila mu nkuumbu ya Kiristo, taambulee kubweese kuyukusuna na Nzaambi.

2 Kol 6:1

Ngo bukuri tukwesala kintwaari na nde, beetu tulusyaamisa mu kuhele kuhololo kwa buunu, bweese bwa Nzaambi buluri lwataambula.

Mukaanda kuri bari Ngalatya 4:12

Bampaangi, me nyikuyingukila, beeneenu bunu me, bukuri me se, nyiri bunu beenu. Beenu lwahele kunyirikila ntoono ti mosi yayibi.

Mukaanda kuri bari Filipo 1:27

Beenu ngo bari dyaatileenu mu kiteesu kyayelemene na Musamu Wamubwete wa Kiristo, mpisi heki, ti hayuku me nyiisiri kulumono, bunu pe nyahele kuba na beenu, me nyuka ti beenu luri na keketee mu mpeeve yomosi, na luri mu kwenwaana mu kitsimi kyokimosi, mu ntoono kanyi mu Musamu Wamubwete,

Mukaanda kuri bari Filipo 3:16

Ngo mu ha tumwaatubukee hamaha, tudyaatilee ha kimosi.

1 Tes 5:13

Namitineenu kubvula kwebasiila mutima na kwebatya, mu ntoono kisalu ki bari na kyo. Beeneenu na kiyeengi beenu na beenu.

2 Tes 2:1

Ngo mu mitariri nyisulu Mfumu yeetu Yesu Kiristo, na kukutukuna kuri nde, bampaangi, beetu tululoombo ti:

1 Tim 5:21

Me nyi kuyingukila ha busu bwa Nzaambi, ha busu bwa Kiristo Yesu, na ha busu bwa bambasi ba Nzaambi ba bari basoolo ti, salila momanso mamo kwahele munsoori na kwahele bubayi.

2 Tim 4:1

Me nyikuyingukila ha busu bwa Nzaambi, na ha busu bwa Kiristo Yesu, nde wukwiisa kutsuundisa bamwooyo na bafwa, na mu monokunu yaandi na mu kimfumu kyaandi,

1 Pet 2:11

Banduku ba mutima, me nyilusyaamisa bunu minzakikiri miri ku bunzeense, mu kukaanga mutima, mu kuhele kubwa mu nyiimunu dza muswinyi, dzikwenwaanisa muheebulu.

1 Pet 5:10

Nzaambi ya mabweese momanso, waluteele mbila mu kukoto mu nkeembu yaandi yahele manunu mu Kiristo Yesu, bu lumwiini mpasi mu mwaa-ntaangu, sa kabweese kalutelemese nde-meene, sa kalukumisa, sa kaluha makwa na sa kalusa na keketee.