Yunus 4:9 - Alkitab Duri

⁹ Apa nakua Puang Allataala ngkuanni, “Te'da iko musipato' mabirih nasaba' malajui tuu tananan!” Mebalii Nabi Yunus nakua, “Anna la te'da ora? Sipato'na' gaja birih ratu lako mateku'!”

Yunus 4:9 ပူးပေါင်းရင်းမြစ်များ

Yunus 4:1

Gaja pa'dikki penawanna Nabi Yunus, sanga te'da najaji Puang Allataala nnancuru'i to kota Niniwe. Iamo joo naliwa' mabirih.

Yunus 4:10

Nakua omo PUANG Allataala ngkuanni, “Sangbongira nanii tuo tee tananan, namasawanna malajumi. Te'da lalo iko nato'doi ma'puhmu natuo joo tananan. Moi nasusi joo mupumasse penawai nasaba' malajui.

Yunus 4:8

Na ia tonna ollongmo to mataallo, naparatu pole' omi PUANG Allataala to angin malussu, mangngiri' jio mai kadellekan. Ia to arrangna allo ntampahhi ulunna Nabi Yunus anna garapa limpu. Ka'tu rannumi Nabi Yunus nameta'da nakua, “La'biran ke mate bangmo' na ia ke tuona'!”

Matius 26:38

Nakuamo lako joo tallu anak gurun-Na, “Liwa' masussanna penawang-Ku' susi to kumua la matemo'. Torromo kamu' ntee, tapada merroja.”

2 Korintus 7:10

Ia to kamassean, to naperasai tau situru' pakkaeloran-Na Puang Allataala, mpabalik penawa. Na ia ke balikmi to penawa, te'damo tau mpenassannii, nasaba' la nnampa' kasalamatan. Sibalikanna ia to kamassean, to naperasai tolino to tangnturu' Puang, te'da na mpabalik penawa, apa mpadenri kamatean.

Pengkitanna Yahya 9:6

Ia joo wattu limang bulan, ia tuu lako tau nakua bang kenna matemo, apa te'da nakullei, nasaba' te'dapa nadete'i wattunna.