Yunus 4:8 - Alkitab Duri

⁸ Na ia tonna ollongmo to mataallo, naparatu pole' omi PUANG Allataala to angin malussu, mangngiri' jio mai kadellekan. Ia to arrangna allo ntampahhi ulunna Nabi Yunus anna garapa limpu. Ka'tu rannumi Nabi Yunus nameta'da nakua, “La'biran ke mate bangmo' na ia ke tuona'!”

Yunus 4:8 ပူးပေါင်းရင်းမြစ်များ

Yunus 1:17

Namane' mparatui PUANG Allataala to bale matonggo naamma'i to Nabi Yunus. Natorro lan ba'tang bale tallung allo tallung bongi.

Yunus 1:4

Ia tonna jaomo kappala', mellaomi Nabi Yunus do' ngenan majiong, anna mamma' naleppeng. Naparatumi PUANG Allataala to angin bara' lan tasik to mpaden bombang gaja tonggo, nagasaqi to kappala', na ci'di'mora naancuru'. Simalajatanmi to pangjama kappala', anna pada metamba lako dewatanna to nasompa. Namane' nca'beanni do' tasik to apa nabawa kappala', dikua namaringngan danggi' natallan.

Yunus 4:3

Iamo joo kukua, Oo PUANG ka'tuimi to sunga'ku' nasaba' la'bih melo ke matena' na ia ke tuona'.”

Yunus 4:9

Apa nakua Puang Allataala ngkuanni, “Te'da iko musipato' mabirih nasaba' malajui tuu tananan!” Mebalii Nabi Yunus nakua, “Anna la te'da ora? Sipato'na' gaja birih ratu lako mateku'!”

Matius 20:12

‘Ia tee mai to mentama tatte' lima, sangjangra ia mangjama. Na ia tee kami' mangjama mabanda'kan siupuh allo nala'da' toopakan allo, na la pada bang una ia dibenkan!’

Pengkitanna Yahya 3:19

Ia to tokupakamoja' kutarrusan bang kukuan ba'tu kupekaju. Iami joo pemaringngannimi penawammi mimengkatoba' jio mai dosami.

Pengkitanna Yahya 7:16

Te'damo anna la ssa'dingan katangbarasan, kamawakkean na allo malussu to mma'bongan kuli'na,