Yunus 3:5 - Alkitab Duri

⁵ Ia tonna sa'dingmi to-Niniwe joo pepasan-Na Puang Allataala napangpeissenan Nabi Yunus, memmatappa'mi lako Puang Allataala nakua, “La puasaki'.” Na ia ngasan tau, la tomatua la pea biccu', mpake pakean karung mpangpekitanni kumua mpenassannimi dosana.

Yunus 3:5 ပူးပေါင်းရင်းမြစ်များ

Ester 4:1

Ia tonna sa'dingmi Mordekhai sininna to apa mangka jaji, nca'ceanni pakeanna nasulleii pakean karung, tandana kumua gaja sussai penawanna. Mpessamboranni au de' ulunna nalumingka lan kota, napeandongngii kumillak saba' gaja pa'dik penawanna.

Daniel 9:3

Iamo joo kumentingngara massambajang meta'da lako Puang Allataala, kupuasa too sola mpake kaen karung, kucumadokko jao au, nasaba' kamasseanna penawangku'.

Yunus 3:7

Napangparentanmi raja lako wakkele'na napangpeissenanni tee parenta lan lili'na kota Niniwe kumua, “Sininna tau te'da nawa'ding kumande ba'tu mangngiso'. Na ia to patuoan susinna sapin sola bembala' na patuoan laenna te'da nawa'ding dipakande iarika dipaiso'.

Matius 12:41

Ia ke Kiama'mi lino, ia to to-Niniwe la dipatuo pole' sola to tau too allo, la mpasalai, nasaba' mengkatoba' ia to to-Niniwe tonna sa'dingmi to pangngajahna Nabi Yunus. Apa den tau lan tangnga-tangngami tee too to la'bih mala'bihpa na Nabi Yunus! Moi nasusi joo te'dapa mikatappa'ii to kadan-Na.

Lukas 11:32

Na ia ke Kiama'mi lino, ia to to-Niniwe la dipatuo pole' sola to tau too allo la mpasalai, nasaba' mengkatoba' ia to to-Niniwe tonna sa'dingmi to pangngajahna Nabi Yunus. Apa denni lan tangnga-tangngami tee too to la'bih mala'bihpa na Nabi Yunus! Moi nasusi joo te'dapa mikatappa'ii to kadan-Na.”

Jamanna Rasulu' 27:25

Iamo joo, tokupusile'to sola ngasan, pemawatangngi to penawammi! Sanga matappa'na' lako Puang Allataala kumua sininna to napauanna' la jaji ia.

Jamanna Rasulu' 8:10

Sininna tau jio la tokaissenan, la tobiasa ngkabudaii, nakua, “Ia to dewata disanga Kaminang Matonggo mentolino menjaji Simon.”

Ibrani 11:1

Ia to tau matappa' lako Puang Allataala, naissen tongan kumua la naben Puang Allataala to apa narannuan. Moi te'dapa nakitai matanna, nakanassai kumua la jajii.

Ibrani 11:7

Napugaukki Nabi Nuh to apa nasuanni Puang Allataala, sanga matappa'i. Napauanni Puang Allataala apa to la jaji to te'dapa nakitai. Mengkaturu'i Nabi Nuh lako Puang Allataala anna kabua' mesa' kappala' dikua napasalama'i sintong repokkona. Susimi joo tonna disessamo to tolino, apa ia to Nabi Nuh napupenjaji tomelo Puang Allataala, sanga matappa'i.

Pengkitanna Yahya 11:3

Ia joo wattu la ssuana' dua sa'bing-Ku' to mangpakean kamasussan mpangpeissenan pepasan-Ku' sangsa'bu dua ratuh annan pulona allona ba'tu patang pulo dua bulanna.”