Yunus 1:7 - Alkitab Duri

⁷ Ia tonna endekmo de', sipangkada-kadami puanggawa kappala' sola pangjamana nakua, “Melo ke taundii antaissenni kumua indara napusaba' naratuiki' tee abala'.” Naundimi, na sanganna Nabi Yunus endek.

Yunus 1:7 ပူးပေါင်းရင်းမြစ်များ

Ester 3:7

Ia tonna sangpulo duamo taunna Raja Ahasweros mangparenta, tonna bulan mesa', iamo to bulan Nisan, massuami Haman mangloterei jio olona (lan basa Persia mangloterei susi joo disanga purim), la nanii nnissenni to allo sola bulan melo la mpugaukki joo akkatta gaja'na. Anna pattantui to tanggala' sangpulo tallu bulan sangpulo dua1, iamo to bulan Adar.

Kada Bulawan 16:33

Ia to madoang nnissen assele'na nalotereii, apa Puang Allataala mandara to mpattantui assele'na.

Matius 27:35

Napampangmi to Puang Isa, namane' lloterei to pakean-Na la nanii nnissenni kumua umbonnara to la naputawa.

Jamanna Rasulu' 13:19

Ia tonna mangka ssabu'i pitu bangsa jio tana Kanaan, natawa-tawanni joo tana napumanahhi.

1 Korintus 4:5

Iamo joo danggi' mimadoi' bang mpasala tau kumua tokasalan, ba'tu ntongananni kumua tomelo, sanga te'dapa nadete'i wattunna. Tajanni karatuan-Na pole' Puang, sanga Ia la nnarrangngi to apa membuni. Ia too la mpapajanni to akkattana tolino to nabunianan lan penawanna. Ia joo wattu mane'ri napuji Puang Allataala to tau, to tosipato' dipuji.

Yosua 7:10

Nakuamo PUANG Allataala lako Yosua, “Ke'dehmoko! Ammusuju' susira tuu?