Yunus 1:6 - Alkitab Duri

⁶ Ia tonna mellao to puanggawa kappala', naampai to Nabi Yunus leppeng, nakuanni, “Ee, ciapari mumamma' bang, mi'cokko ammumassambajang lako dewatammu, inda nnissenni ke nakamasei unaki', napasalama'ki' jio mai abala'.”

Yunus 1:6 ပူးပေါင်းရင်းမြစ်များ

Ester 4:16

“Pasirempunni to sininna to-Yahudi inde' kota Susan anna passambajanganna'. Napuasa, tallung allo tallung bongi. Moi aku' sola to ana'dara mparakaina' la puasa too. Mangkai joo too la mangngolomo' lako raja, moi nate'da nasituru' atoran karajaan. Ia ke nang la kupumatei, ake'mo kumate!”

Amos 5:15

Danggi' mikabudaii mpugauk kagajatan, apa kameloanra mipugauk, mimaruruh rra'tah kara-kara. Dennaa upa' Nakamaseii PUANG Allataala to makuasa to to-Israel to tuo unapa.

Yunus 3:8

Sininna tau la mangpakean karung, na ia to patuoan la ditore'. La massambajang tonganni to tau lako Puang Allataala nampemeloi sipa'na to liwa' gaja' namengkatoba'.

Yunus 3:9

Dennaa upa' na te'damo namabirih Puang Allataala nasullei akkattana anna danggi' tamasolang.”

Jamanna Rasulu' 21:13

Apa nakua mpebalii, “Oo, danggi'mo dikka' mikillakkina', nasaba' samasse-massena penawangku'. Sitonganna macanning sininna bulu-bulungku', tangngia la dipumpung manda jio, apa dibuno toona', nasaba' Puang Isa.”

Roma 13:11

La mipugauk susi joo, nasaba' miissen wattu apara tee too. Miissen kumua wattunnamo kamu' la mi'cik, nasaba' la'bih mandoppi'mi to wattu nanii Puang Allataala la mpasalama'ki', na ia tontamane' matappa'.

Efesus 5:14

Nasaba' ia to pakkaeloran-Na mpaissennii joo tau. Iamo joo naden dipau kumua, “Ee, iko to mamma'na, mi'cikmoko, ammutuo pole' jio mai kamatean, anna la napamanassanko Almaseh to pakkaeloran-Na Puang!”