Yunus 1:3 - Alkitab Duri

³ Apa sibalikanna madoang ori mpamambela kalena Nabi Yunus jio mai PUANG Allataala. Malei lako kota Yope, naampa' kappala' to la mangnguju lako kota Tarsis. Ia tonna mangka mbajah sewa kappala'na, endekmi de' sola pangjama kappala' la male lako kota Tarsis, dikua namambela kalena jio mai PUANG Allataala.

Yunus 1:3 ပူးပေါင်းရင်းမြစ်များ

Yunus 1:10

Namane' ncuritanni, umbo nakua namadoang mpamambela kalena jio mai PUANG Allataala. Simalajatanmi to pangjama kappala' ssa'dingngi kadanna Nabi Yunus nakuanni, “Liwa'ko iko bango' mpugaukki tee panggaukan.”

Yunus 4:2

Massambajangmi lako Puang Allataala nakua, “Oo PUANG, namangka memanmo kupau ba'tu piran jio kampongku' kumua nang la Tasullei akkatta-Ta'. Iamo joo kupalai lako kota Tarsis, nasaba' kuissen kumua Kita'mo Allataala to mamase na mangpakamoja', liwa' sabbara' na te'da napaja to pangpakamoja'-Ta' antasullei akkatta-Ta' te'da Tasessa tau.

Lukas 9:62

Apa nakua Puang Isa, “Ia to tau mangpamulamo manengko, apa messaile pole' opa lako boko', te'da nasipato' menjaji umma'-Na Puang Allataala.”

Jamanna Rasulu' 15:38

apa te'da namadoang Paulus ke disolanni, sanga pole boko'i tonna jio tana Pamfilia, te'da napatarruh jamanna.

Jamanna Rasulu' 26:19

Mpatarruhpa kadanna Paulus nakua, “Tomala'bihku' Raja Agripa! Tuli kupengkullei kita' nturu' meloi apa to mangka napau Puang lan joo pengkita.

Jamanna Rasulu' 9:36

Den mesa' baine jio kota Yope disanga Tabita. (Lan basa Yunani disanga ia Dorkas, battuananna jonga.) Matappa'mo lako Puang Isa. Melo panggaukanna na ntulung tomakario-rio.

Jamanna Rasulu' 9:38

Te'da namambela joo kota Yope jio mai kota Lida. Jaji, ia tonna issenni to tomatappa' lako Puang Isa jio kota Yope, kumua jioi kota Lida to Petrus, den dua tau nasua male ngkuan Petrus, namadoi' ratu.

Jamanna Rasulu' 9:42

Ta'pa titaleh joo kareba lan lili'na kota Yope, anna membuda tau ngkatappa'i Puang Isa.

Jamanna Rasulu' 9:43

Ba'tu pirang allopa Petrus torro jio kota Yope, jio bolana Simon to pangjama balulang.

1 Korintus 9:16

Apa te'da kupuji kaleku' ke mpangpeissenanna' Kareba Kasalamatan, nasaba' nasuara' Puang Allataala. Macilakana' ke te'dai kupangpeissenanni joo Kareba Kasalamatan.

2 Tesalonika 1:9

Ia tuu lako tau la disessa te'da cappa'na, diula'i jio mai olo-Na Puang, na te'da naperasaii to kuasa mala'bih-Na.

Yosua 19:46

kota Me-Yarkon, kota Rakon, na tana mengguririkkina kota Yope.